GÉNESIS 36

Esaú iñemuña reta

(1 Cr 1.34-54)

1Kuae ko jae Esaú iñemuña reta. Esaú jae ko Edom. 2Esaú omenda Canaán pegua kuña reta ndive: #Gn 26.34. Ada, Elón, Het iñemuña pegua tayɨ ndive, jare Aholibama, Aná tayɨ heveo Zibeón jɨmɨmino; 3jare Basemat, Ismael tayɨ, Nebaiot#Gn 28.9. jeindɨ. 4Ada imembɨ Esaú pe vae jae ko Elifaz; jare Basemat imembɨ jae Reuel; 5jare Aholibama imembɨ jae Jeús, Jaalam jare Coré. Kuae jae Esaú taɨ reta ɨvɨ Canaán pe oa chupe vae.

6Jare Esaú oipɨɨ jembireko reta, taɨ jare tayɨ reta, jare opaete jo pegua reta, jɨmba reta jare opaete mbaemɨmba ɨvɨ Canaán pe omoñemuñagüe, jare oë ojo ïru ɨvɨ pe, oiko tee vaerä tɨvɨ Jacob güi. 7Echa mókoi reve jeta yae mbae güɨnoi reta vae, mbaetɨ ma ikavi yogüɨreko päve vaerä, jókuae ɨvɨ oupitɨä ma chupe reta. 8Jare Esaú oñemoëta ɨvɨtɨ Seir pe; Esaú jae ko Edom.

9Kuae jae ko Esaú iñemuña reta, jaeño vi ko Edom iñemuña reta ɨvɨtɨ Seir pe. 10Kuae jae Esaú taɨ reta jee: Elifaz, jae ko Ada, Esaú jembireko imembɨ; Reuel, jae ko Basemat, Esaú jembireko imembɨ. 11Jare Elifaz taɨ reta jae: Temán, Omar, Zefo, Gatam jare Cenaz. 12Elifaz, Esaú taɨ kuña güɨrekoiño vae jee Timna, jae imembɨ chupe jare ombojee Amalec. Opaete kuae reta jae ko Ada imembɨ Esaú pe vae. 13Reuel taɨ reta jae Nahat, Zera, Sama jare Miza; kuae reta jae ko Basemat imembɨ Esaú pe vae. 14Aholibama jae vi ko Esaú jembireko, jare imembɨ reta jae ko: Jeús, Jaalam jare Coré. Aholibama jae ko Aná tayɨ, Zibeón jɨmɨmino.

15Kuae jae mburuvicha reta Esaú iñemuña reta ipɨte pe: Elifaz, Esaú taɨrɨpɨ iñemuña güi mburuvicha jae ko: Temán, Omar, Zefo, Cenaz, 16Coré, Gatam jare Amalec; jae ko kuae reta Elifaz iñemuña güi mburuvicha ɨvɨ Edom pe, opaete kuae reta jae ko Ada imembɨ reta. 17Mburuvicha reta Reuel taɨ reta jae kuae: Nahat, Zera, Sama jare Miza; kuae reta jae ko mburuvicha ɨvɨ Edom pe; jae ko Basemat, Esaú jembireko imembɨ reta. 18Aholibama, Aná tayɨ Esaú jembireko imembɨ reta, jae ko mburuvicha reta: Jeús, Jaalam jare Coré. 19Opaete kuae reta jae ko Esaú iñemuña reta, jëtara reta juvicha ko. Esaú jae ko Edom.

20Seir horeo taɨ reta yogüɨreko jókuae ɨvɨ pe vae jae ko: Lotán, Sobal, Zibeón, Aná, 21Disón, Ezer, jare Disán; kuae reta horeo reta juvicha Seir iñemuña reta ɨvɨ Edom pe. 22Lotán taɨ reta jae ko Hori jare Hemam; jare Timna jae ko Lotán jeindɨ. 23Sobal taɨ reta jae ko: Alván, Manahat, Ebal, Sefo jare Onam. 24Zibeón taɨ reta jae ko: Aja jare Aná. Kuae Aná oväe ɨesaɨ ñuu pe, tu Zibeón imburika reta omongaru oiko yave. 25Aná taɨ jae ko: Disón jare tayɨ Aholibama. 26Disón taɨ reta jae ko: Hemdán, Esbán, Itrán jare Querán. 27Ezer taɨ reta jae ko: Bilhán, Zaaván jare Acán. 28Disán taɨ reta jae ko: Uz jare Arán.

29Horeo reta juvicha reta jae ko: Lotán, Sobal, Zibeón, Aná, 30Disón, Ezer Jare Disán; kuae reta jae ko horeo reta juvicha, jëtara ñavo re ɨvɨ Seir pe.

31Kuae jae mburuvicha reta oporookuai Edom pe vae, Israel iñemuña reta ndei güɨnoi mburuvicha guasu mbove. 32Bela, Beor taɨ oporookuai Edom pe; jëta jee Dinaba, 33Bela omano jare Jobab oporookuai jekovia pe, jae ko Zera, Bosra pegua taɨ. 34Jobab omano jare Husam oporookuai jekovia pe, ɨvɨ Temán pegua. 35Husam omano jare Hadad oporookuai jekovia pe jae ko Bedad taɨ, Moab pegua ñuu pe omoamɨri Madián oñoraro yave vae, jae jëta jee Avit. 36Hadad omano jare Samla Masreca pegua oporookuai jekovia pe. 37Samla omano jare Saúl Rehobot pegua oporookuai jekovia pe, ɨ̈aka Éufrates iyɨpɨ pe. 38Saúl omano jare Baal-hanán, Acbor taɨ oporookuai jekovia pe. 39Baal-hanán omano Acbor taɨ jare Hadar oporookuai jekovia pe; jae jëta jee Pau; jembireko jee Mehetabel, Matred tayɨ Mezaab jɨmɨmino. 40Jae ko kuae mburuvicha reta Esaú iñemuña jee reta jëta jëta rupi, jare jee rupi: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel jare Iram. Jae ko kuae mburuvicha reta Edom pegua, iɨvɨ pe ñogüɨnoia rupi jare imbae ae rupi; Edom jae ko Esaú, Edom pegua reta tu.

Currently Selected:

GÉNESIS 36: GUABD

Highlight

Copy