Ifyakutaŋga 16
16
1Sombi Salai, umukasi wakwe Ablama, taamufyalile-po neli mwana: naye wali nemusya, umwIjipiti, isina lyakwe niAga. 2Popele Salai walilaŵile kuli Ablama ati: Ŵoneni-ko, ŵaYawe ŵaŋkanyo'kufyala; ndukumukombeteleni ati mwinjile mumusya wanji; cipale ŋkapoka aŵana kuli ye; Popele Ablama walikuticile isiwi lyakwe Salai. 3Popele Salai, umukasi wakwe Ablama, waliŵulile Aga umwIjipiti, umusya wakwe, ili aikele Ablama mucalo caKanani imyaka ikumi, nekumupela kuli Ablama umulume wakwe ati ekale mukasi wakwe. 4Naye Ablama waliinjile muli Aga, naye aliimitile: popele, ili abwene ati naimita, ŵakapa ŵakwe ŵalipufiwe pamenso akwe. 5Popele Salai walilaŵile kuli Ablama ati: Umulandu wanji wikale pali mweŵo: nalipele umusya wanji muntiŵi yenu; popele ili abwene ati naimita, nalipufiwe neŵo pamenso akwe; ŵaYawe ŋgawasololole nenu naneŵo. 6Sombi Ablama walilaŵile kuli Salai ati: Ŵona umusya woŵe ali muminwe yoŵe; ŋgomucitile ifyo ifyelelwe pamenso oŵe. Popele Salai walimukatesye Aga, naye waliŵutucile ukufuma pamenso akwe.
7Popele apo Iŋkalamba yaŵaYawe yalimusanjile pakantupuntupu kamenda mumpaŋga lukoso, pakantupuntupu akapansila yakuSyuli. 8Nayo yalilaŵile ati: Aga, wemusya wakwe Salai, wafuma kwisa? Ulukuyapi? Naye ati: Ndukuŵutuka pamenso aŵakapa ŵanji ŵaSalai. 9Popele iŋkalamba yaŵaYawe yalilaŵile kuli ye ati: Bwelela kuli ŵakapa ŵoŵe, ukalikomeke kuminwe yaŵo. 10Kaŵili iŋkalamba yaŵaYawe yalilaŵile kuli ye ati: Ŋkafusyo' kwakuti aŵana ŵoŵe, taŵakapendeka pakuti pabwinji. 11Nakaŵili iŋkalamba yaŵaYawe yalilaŵile kuli ye ati: Ŵona, uli nepafu, ukafyalo'mwana umwalalume, popele ukamwilike'isina lyakwe ati nilsimeli, pakuti ŵaYawe waumfwo'kupeŋga koŵe. 12Popele umwano'yo akalukuli koti nimboŋgolo iyamumpaŋga pakati paŵantu; ukuŵoko kwakwe kukalukuŵucila aŵantu ŵonse, nemawoko aŵantu ŵonse nao akalukumuŵucila ye; naye akalukwikele pamenso aŵakwaŵo ŵonse. 13Popele apo Aga waliŵelicile ŵaYawe aŵalaŵile nakwe ati: Mweŵo emweŵaLesa ŵakuŵonwa; pakuti walilaŵile ati: Kansi ncili nemweo pakuŵaŵona? 14Pakuti pali fyefyo umukalo waliilicilwe ati Mukalo wamweo uwakuŵona; lomba uli pakati paKadesi naBeledi.
15Popele Aga walimufyalile Ablama umwana umwalalume: popele Ablama walimwilicile umwana wakwe, uyo afyele Aga, isina lyakwe ati nilsimeli. 16Lombe'myaka yakwe Ablama yalikumene amakumi asanu naatatu nemyaka isa nu naumo peulu, ili amufyele Isimeli Aga kuli Ablama.
Currently Selected:
Ifyakutaŋga 16: AAL59
Highlight
Share
Copy
Want to have your highlights saved across all your devices? Sign up or sign in
Lamba Bible Version © United Bible Societies, 1959.
