MATTHEU 28
28
Jesu Yange Yepu
(Mk 16.1-10; Lk 24.1-12; Jn 20.1-10)
1 #
Mk 16.1-8; Lk 24.1-9; Jn 20.1-2. #Lk 8.2; Mt 27.56.Sabbath linphei me, hat me üwangpa nyih wangngai shao me Mary Magdalene hüyange ülaopa Mary mangjong te leine wen. 2#Mt 27.51,60.Hüyange leihu, minwe üyong lei; hangjingne Youngwanpa shongmokpa wangdang mepu yu, hüyange longkhao toiloi winyange tüopa tangme shot. 3I sheta wangphih langpu kih, hüyange I inkhek yi ke henge ngoh. 4#Mt 27.62-66.Hüyange aoyin yomme ngohyapei I shaote nyampuwe yeonge nin hüyange kahta ümang kih mengemah. 5Hüwante wangdang shongmokpawe shekolante i, “Numan nyamlak hango yenang. Hangjingne numan-e Jesu ao tangpem me tak I yamnang she taowe shingnang. 6I tüome yenang; hangjingne Iye ipukih, I yange yeteki. Wenkei, I shipu nyoite leitüoh. 7#Mt 26.32; 28.16; Jn 21.1-23.Hüyange mamshe taitüoh, hüyange I pinlante itüoh, I lipu mepu yange yeteki, hüyange I numan shaote Galilee te tainang; numan-e I tüome ngelak. Leiyah, sha-a taowe numan te iyangki.” 8Tüokhei iman mangjong mepu, nyampu hüyange mongmei üyongphei mamshe yanne tai, hüyange I pinlante ponglak jingne iman phet.
9 #
Jn 20.14-18. Leihuyah, mokhshe Jesu iman phei hüowe i, “Meiye ngohyah!” Iman wenne I ya me jon, hüyange iman-e Ite khüm. 10Hüwante Jesuwe imante i, “Tahnyam, taitüoh, ü-jeihei naolante Galilee te taitüoh she itüoh, hüyange iman-e tüome Tao ngelak.”
Yompa Ngaolan
11 #
Mt 27.62-66. Aope shekolan lam me ngoh, yompalan ütam chingnyute onge ngengpa üjenglan te ngaipulan khongkümpu i. 12Hüyange aope iman jeiyonglan phei jemme taishowe tüm, iman-e kengphetlante ngin maawe phawe i, 13“Toman shiye ngohwante I pinlan yaning peiye I yahtei, she numan-e itüoh. 14Hüyange hatüo jeng Governorwe jaiküma-a, toman-e I yohmeilak hüyange numan yinlak.” 15Tüokhei iman-e ngin yah, hüyange imante nyüopu ke ling; hüyange hatüo ngao Jehudilan yo me üshei yete jaatai, hüyange tenyih ngoiye yelakpe ngohnang.
I Pinlante Nyingtampu
(Mk 16.14-18; Lk 24.36-49; Jn 20.19-23; Lam 1.6-8)
16 #
1 Kor 15.5; Jn 21.1-23. Sha-a pinlan penme ja Jesuwe imante ipu Galilee me ngohpu kahtang te tai. 17Aope iman-e I nge I sheshao me khuhtawe iman-e khüm; hüyangpoi ütam nüngnei. 18#Mt 11.27; Lk 10.22; Phi 2.9; Eph 1.20-22.Hüyange Jesu iman shongte wenne hüke i, “Wangdang me hüyange kahtoknyu me üngan üshei üte pha yangki. 19#Lk 24.47; Lam 1.8.Tüokhei, numan-e taiye, jat üshei pin ne menge, Üpa, Üha hüyange Yaha Üjao min me iman baptitüoh; 20#Mt 13.39,49; 24.3; 18.20; Lam 18.10.hüyange Taowe numante ngaopha yangpu üshei jonlak jingne imante nyüotüoh, hüyange leihu, kahtoknyu manküm manküm Tao numan phei jinte jamme ngoh nang.”
Currently Selected:
MATTHEU 28: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
Free Reading Plans and Devotionals related to MATTHEU 28
BibleProject | Holy Week & Easter
Jesus Christ Crash Course (Part 2)
God Speaking