Suhˉ jehˬ ve li‸ 12
12
Yeˍhpaˍtaˆ leh Eˇhpaˍrenˍ chaw
1Oˇ htaˇ Eˇhpaˍrenˍ chaw teˇ hpaˍ, Yawˇdanˍ iˉ kaˆ lawˬ hta‸ hkanˍ tawˆ la peuˬ hkʼaw‸ nawˉ, Yeˍhpaˍtaˆ chehˇ taˍ kuiˬ Zaˍhponˍ venˇ lo laˬ leh kʼoˆ ve, Aˬ hto‸ ma pa taw nawˬ ngaˬ hui hta‸ maˇ kuˬ laˇ leh, Aˍmawˇniˆ chaw hui hta‸ ca bawˆ-e ve le. Nawˬ ve yehˬ hta‸ ngaˬ hui aˬ miˍ tuˉ baˬ tuˬ yoˬ, teh‸ yawˇ hta‸ kʼoˆ piˇ ve yoˬ.
2Oˇ htaˇ Yeˍhpaˍtaˆ kʼoˆ ve, Ngaˬ leh ngaˬ ve chaw teˇ hpaˍ, Aˍmawˇniˆ chaw hui hta‸ gʼaˇ hte‸ gʼa deˇ da‸ ve yoˬ. Ngaˬ nawˬ hui hta‸ ca kuˬ ve htawˇ, nawˬ hui teˇ gʼaˇ ka‸ ngaˬ hta‸ yawˇ hui ve la‸ sheh hkʼaw lo maˇ htaiˍ hkʼaw‸ laˇ. 3Nawˬ hui ngaˬ hta‸ maˇ ca ga la ve pa taw, ngaˬ ve a sha‸ tanˇ leh Aˍmawˇniˆ chaw hui hta‸ ca bawˆ-e ve yoˬ. Gʼuiˬsha lehˬ, chaw oˇ ve teˇ hpaˍ hta‸ ngaˬ ve la‸ sheh hkʼaw lo chiˇ a‸ laˇ ve yoˬ. Aˬ hto‸ ma pa taw, nawˬ hui chi beu‸ ngaˬ hta‸ ca bawˆ la ve le, teh‸ yawˇ hui hta‸ kʼoˆ piˇ ve yoˬ. 4Oˇ ve hkʼaw‸ nawˉ Yeˍhpaˍtaˆ lehˬ, Giˇlaˆ mvuhˇmiˬ hkʼaw chehˇ ve yawˇ ve chaw hkʼa peu-eˬ hta‸ kuˬ yuˬ leh, Eˇhpaˍrenˍ chaw hui hta‸ gʼa‸ bawˆ kʼoˬ piˇ ve yoˬ. Awˬ lawn kʼo, Eˇhpaˍrenˍ chaw hui kʼoˆ ve, Eˇhpaˍrenˍ leh Maˍnaˍseˍ mvuhˇmiˬ hkʼaw chehˇ taˍ ve nawˬ hui Giˇlaˆ awˬ ceuˬ awˬ hkʼaˇ teˇ hpaˍ lehˬ, Eˇhpaˍrenˍ chaw hui hta‸ kʼaw‸ hpfuhˆ ve chaw teˇ hpaˍ hpeh‸ ve yoˬ, teh‸ kʼoˆ ve pa taw yoˬ. 5Giˇlaˆ chaw teˇ hpaˍ lehˬ, Yawˇdanˍ i kaˆ lawˬ gʼuiˬ ta teˇ hpaˍ hta‸ shaw taˍ ve yoˬ. Chi hkʼe te ve lehˬ, Eˇhpaˍrenˍ chaw hui i kaˆ lawˬ oˇ ve hta‸ hkanˍ tawˆ-e maˇ gaˬ tuˬ awˬ pon hpeh‸ ve yoˬ. Eˇhpaˍrenˍ chaw teˇ hpaˍ lehˬ, iˉ kaˆ lawˬ oˇ ve hta‸ hkanˍ tawˆ-e tuˬ a hkaw-anˬ ca lawˬ la ve teˇ yanˇ, Giˇlaˆ chaw teˇ hpaˍ lehˬ, Nawˬ hui Eˇhpaˍrenˍ chaw hpeh‸ ve laˇ, teh‸ naˬ nyi ve yoˬ. Yawˇ hui lehˬ, Maˇ heˆ, teh‸ kʼaw‸ yaw hkʼaw‸ ve yoˬ. 6Oˇ htaˇ Giˇlaˆ chaw teˇ hpaˍ lehˬ yawˇ hui hta‸, Shiˆbawˇlehˆ, teh‸ kʼoˆ tcuh nyi ve yoˬ. Eˇhpaˍrenˍ chaw teˇ hpaˍ lehˬ, tawˇ yaw maˇ pi‸ ve pa taw, Tiˆbawˇlehˆ, teh‸ kʼoˆ ve yoˬ. Oˇ htaˇ yawˇ hui lehˬ, chaw oˇ ve teˇ hpaˍ hta‸ yuˬ leh Yawˇdanˍ gʼuiˬ ta lo tiˇ pehˍ piˇ ve yoˬ. Oˇ hkʼe te leh, yawˇ hui Eˇhpaˍrenˍ chaw 42,000 gʼaˇ hta‸ tiˇ pehˍ piˇ ve yoˬ.
7Yeˍhpaˍtaˆ lehˬ Iˉsaˍreˍlaˆ chaw hui hta‸ hkaw‸ hkʼaw‸ uˉ peunˍ ve yoˬ. Oˇ ve hkʼaw‸ nawˉ yawˇ suh-e leh Giˇlaˆ mvuhˇmiˬ hkʼaw cawˬ ve yawˇ ve venˇ hkʼaw tuˍ piˇ ve yoˬ.
Iˉbaˍsanˍ, Eˇlonˍ, leh Aˍbaˍdonˍ
8Yeˍhpaˍtaˆ suh peuˬ hkʼaw‸ nawˉ, Behˍlehˍhehnˍ venˇ hkʼaw chehˇ ve Iˉbaˍsanˍ lehˬ, Iˉsaˍreˍlaˆ chaw hui hta‸ kʼaw‸ sheh kʼai piˇ ve yoˬ. 9Yawˇ lehˬ, yaˇ paˍ 30 gʼaˇ leh yaˇ miˇ 30 gʼaˇ cawˬ ve yoˬ. Yawˇ lehˬ, yaˇ paˍ yaˇ miˇ oˇ ve teˇ hpaˍ hta‸, awˬ nu ve Iˉsaˍreˍlaˆ awˬ ceuˬ awˬ hkʼaˇ teˇ hpaˍ hta‸ heuˆ tcuh ve yoˬ. Iˉbaˍsanˍ lehˬ Iˉsaˍreˍlaˆ chaw hui hta‸ suhˍ hkʼaw‸ uˉ peunˍ ve yoˬ. 10Oˇ ve hkʼaw‸ nawˉ yawˇ suh-e leh, Beˍlehˍhehnˍ venˇ hkʼaw tuˍ piˇ ve yoˬ.
11Iˉbaˍsanˍ suh peuˬ hkʼaw‸ nawˉ, Zeˍbuˆlonˍ awˬ ceuˬ awˬ hkʼaˇ Eˇlonˍ lehˬ Iˉsaˍreˍlaˆ chaw hui hta‸ teˇ chi hkʼaw‸ uˉ peunˍ ve yoˬ. 12Oˇ ve hkʼaw‸ nawˉ yawˇ suh-e leh Zeˍbuˆlonˍ mvuhˇmiˬ hkʼaw cawˬ ve Aˍjaˍlonˍ venˇ hkʼaw tuˍ piˇ ve yoˬ.
13Eˇlonˍ suh peuˬ hkʼaw‸ nawˉ, Piˇraˍtonˍ venˇ hkʼaw chehˇ ve Hiˇleˍlaˆ ve yaˇ Aˍbaˍdonˍ lehˬ, Iˉsaˍreˍlaˆ chaw hui hta‸ kʼaw‸ uˉ peunˍ ve yoˬ. 14Yawˇ lehˬ yaˇ paˍ 40 gʼaˇ cawˬ leh, awˬ hawehˍ 30 gʼaˇ cawˬ ve yoˬ. Yawˇ hui lehˬ piˉlaˬ 70 hkeh ciˇ toˇ ve yoˬ. Aˍbaˍdonˍ lehˬ, Iˉsaˍreˍlaˆ chaw hui hta‸ hinˉ hkʼaw‸ uˉ peunˍ ve yoˬ. 15Oˇ ve hkʼaw‸ nawˉ yawˇ suh-e leh, Aˍmaˍlehˆ mvuhˇmiˬ Eˇhpaˍrenˍ chaw hui chehˇ taˍ kuiˬ Piˇraˍtonˍ venˇ hkʼaw tuˍ piˇ ve yoˬ.
Currently Selected:
Suhˉ jehˬ ve li‸ 12: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
