Romans 14

1Ndo man wuƋi ncè-a-ndav azɓai, vatakaha, vanza na a deɓa, kin dzakaɓama na gèƋ ɓai! 2Ndo ngiâè a hérè'a a slaha a ndi skwi tèlèba ndo ngiâè man wuƋi te ndav na ɓai a ndi zluèdazɓai. 3Ndo man a ndia'a, da paraha ndo man a ndi azɓi ɓai. A ndo man a ndi azɓai, da fa na mali a gèƋ ndo man a ndia'a ɓai. Zhiklèa nco nenga'a.

4Ka wa, man ka fa na mali a gèƋ ɓèl ndo ngiâè? Nenga'a gar a zlècè, gar a kèlèhai, nasa ma bi na. A di a zlècè, te man Bi Zhiklè a slaha a nzlatseda. 5Ndo ngiƌè a nhur pats staƌ a fena pats ngiƌè—ngiƌè a nhur patshi lèmèlèmè tèlèba. Ko wawa da sun skwi man a hèrè'a a vava. 6Ndo man a pèr patshi a mpèrè, a gia'a a sam di Bi Zhiklè. Ndo man a ndi skwai, a ndia'a a sam di Bi Zhiklè, a shid gèƋ a Bi Zhiklè te nenga'a. Ndo man a ndi skwi azɓai, a ndi azɓai a sam di Bi Zhiklè, a shid gèƋ a Bi Zhiklè lèmèlèmè.

7Aman ko staƋ azɓai te ndev nga, man a nzi a nshèffè a géƌ va nenga'a genè. Ko staƋ azɓai, man a metsi na a géƌ va nenga'a genè. 8Aman nga nzi a nshèffè, nga nzi a nshèffè a géƌ Bi Zhiklè. 9Aman Kristi a m'mets na, a nslambaƌkaƌauda a nshèffè za'a, a géƌ man a gi bai a géƌ ndohi m'metsa'a a ndohi man ta shèffè cèw ba. 10Aman ka wa, man ka fa na malai a gèƋ kramam ngaya, a ka kwola kramam ngaya. 11Nga tèlèba ta da zlatsede nga a sam n'nzi kita Zhiklè. Aman âèlèwèr Zhiklè a gaƋa:

Gurmbèzhihi tèlèba sèi ta da gurɓè a sam ga ndèzl, a nè'ènhi tèlèba ta ngredè Bi Zhiklè.

12Gar haha séi ndo staƌ staƌ tèlèba a da ngrédè skwi man a gau, a malwuƌi va na. 13Gar haha sèi nga jèkeda nfi mali a gèƋ ndo ngiâè. StaƋ staƋ da gu maya, da ga a gadda a kwa ntsi sak kramam nenga'a ɓai, aman kramam nenga'a a kelèhi a pa. 14I sun a vava te Bi Yèsu: Skwi nlizhè'a man nlizhè'a te va na, azɓai. Sèi ndo man a rka ara nlizhè'a, a nenga'a nlizhè'a.

15Aman kramam ngaya a kuƋi te ndav na a géƋ skwi n'ndi ngaya, ara man ka woy kramam ngaya ɓi ma. Ka da dzardauda a skwi n'ndi ngaya ɓai! Kristi a m'mets na a géƋ nenga'a. 16Gar haha vagu aman ta derƋe skwi kinè man amba ɓai. 17Aman kokwar Bi Zhiklè n'ndi skwai, nsi skwai ka ɓai, aman ngizura'a a gumai a mwuffè te Mèzhèɓ Zhiklè nkezla'a. 18Ndo man a takaha Kristi te pa, nenga'a ambaba Bi Zhiklè, a ndohi ta woya'a.

19Gar haha ngodzodzorokoy skwi man a tsi gumai, a skwi man a gi aman ndo a grè a ma ma. 20Kin gedassa mizlinè Zhiklè a géƋ skwi n'ndi ɓai. A vava skwi tèlèba mpana, te va na, nlizhè ɓai. Aman a ndo man a ndia'a, a gi aman ndo ngiƋè a kèlèhai, ambaɓai. 21Dara ka ndi zluèƋ azɓai, a ka si zom azɓai, a ka gu skwi azɓai, man a gi gadda aman kramam ngaya a kèlèhi a pa.

22Ɓür ncè-a-ndav man ka ngotso a sam di Bi Zhiklè. Mwuffè a zhè a sam ndo man a gi skwi te mèzhèɓ ndav amba. 23Aman ndo man a pi gèƋ cèw, a ndia'a genè, kita Zhiklè a ngso, te man skwi man a gau, a ngau te ncè-a-ndav ka ɓai. Skwi man a gi a ncè-a-ndav azɓai, nenga'a malai.

Currently Selected:

Romans 14: MAFNT

Highlight

Copy