Acts 10

1Ndo ngiƋè a zhè te kokwar Césarée, nzlembaƋ nenga'a Comeille, bi sojè ndohi var Italie, 2a woy Zhiklè, a gi zlau Zhiklè, a ndohi gi nenga'a tèlèba. A vi skwi a ndohi kumba, a tsi ri a Zhiklè pèc pècèk.

3A pats ngiƋè, pats nlaɓasla, gol Zhiklè a nrka na dai, a ngaƋa na:

Comeille!

4A nenga'a a mpu dia'a, a ngu zlau, a ngaƋa:

Bi Zhiklè, mè?

A nenga'a a ngaƋa na:

Zhiklè a nco ntsi ri ngaya, a skwi man ka va ta ndohai ambaba. 5Anai zlündo ndohi a kokwar Joppé, a ka baba na ndo ngiƋè, nzlembaƋ na Simon, nshibèn na Pierre, ndo mbrok te gi ndo ngürv bkwai. 6Simon ngiƋè, gi nenga'a a ma iyam mbia'a.

7Aman gol Zhiklè man a gaƋa na Corneille, kal na ma, Comeille a mbaba ta ndohi mizlinè gi nenga'a cèw, a sojè staƋ, man a gi zlau Zhiklè, te ndev sojèhi nenga'a, 8a n'ngreda ta ma tèlèba, a nzlinde ta a kokwar Joppé. 9Te mangoslèma'a, aman ta zhè a civèƋ ndul ndul a ma kokwar, Pierre a nteva a géƋ gai, géƋ pats, aman a tsi rai. 10A mi a nkeƋa'a, a woya a n'ndi skwai. Aman ta tila na skwi n'ndi nenga'a dai, skwi ngiƋè a nrka naƋai.

11A nrka giƋfèk mwinè'a, a skwi mbia'a ngiƌè ara jampai man ta gso te tsagi faƋ, a mshkèhai, a ta ckoƋa herkeda. 12Te pa skwi a sak faƋ tsaƋ tsaƋ man a zhè t'herkeda, a meturƋihai, a Ƌiakihi t'hwaƋ giƋfèk. 13A ntsena ngèƋè staƋ, man a gaƋa na:

Pierre, slambaƋa, keƋa'ai a ka ndau!

14A Pierre a ngaƋa:

A'ai, Bi Zhiklè, i tara skwi ambalai a skwi nlizhèa di ɓai.

15A ngèƋè a ngaƋa na macecèwa'a:

Skwi man Zhiklè a sla na nlizhèɓai, ka da gaƋa skwi nlizhèa ɓai!

16A ngu arsa sak makar, a ta ceda a deɓa a zhiklè. 17Aman Pierre a sun verzia ɓai, a nhur te ndav na; Skwi man a rkay a di haha mè? A ndohi man Comeille a zlinde ta, ta dzhoƋo gi Simon, a ta zlatsa a ntamagai, 18a ta dzhoƋo: Simon, man nshibèn na Pierre, na haha Ƌè?

19Aman Pierre a hérè skwi man a rka na dai te ndav na genè, Mèzhèɓ Zhiklè a ngaƌa na:

Na haha, ndohi makar ta woy ka. 20SlambaƋa, sulomahai, a ko do a nda tenga'a, ka pu gèƋ cèw ɓai! Iyè nzlinde ta.

21A Pierre a mshkèhai a sam ndohai, a ngaƋa:

I ndo man kin woya'a. Kin war mè!

22Ta gaƌa:

Comeille, bi sojè, ndo nzura'a, man a gi zlau Zhiklè, ndo man ma nenga'a ambaba ta ndohi Juif tèlèba, gol Zhiklè nkezla'a a ngaƋa na, da baba ka a gi nenga'a, da tsena ma ngaya.

23A Pierre a nhel ta a gai. Te mangoslèma'a, Pierre a mdo a nda tenga'a, a kramamhi ngiƋè kètè te kokwar Joppé to do a verzi tenga'a. 24Te mangoslèma'a ngiƋè, ta shkè a kokwar Césarée. Comeille a zhèr ta, a mɓic ta gwoli nenga'a, a mandalahi nenga'a ma. 25Aman Pierre a mshkè, Corneille a nhaka na ma, a nkalahi a deɓ sak nenga'a. 26Aman Pierre a nslambaƋda, a ngaƋa:

SlambaƋa, ko i ba i ndo.

27Aman ta goƋ a vna, a mdo a pa, a n'ngats ta ndohi kumba, aman ta ɓica va. 28A nenga'a a ngaƌa ta:

Kin suna, ambaɓai a sam ndo Juif man a Ƌè a gi ndohi man verzi ta tsaƋ, aman a nzi a va tenga'a. Aman Zhiklè a ngrayè: Ka sla na ndo ambaɓai, a nlizhèa ɓai, ko staƋ! 29Gar haha aman ta babkayè, i gaƋa i Ƌè azɓi ɓai. Anai i dzhaƋ kinè, kin babay èhèmè?

30A Comeille a ngaƋa:

M'mèn faƋ i nda skwa ɓai, ha pats nlaɓasla, i tsu ri te gi ga. Na haha, ndo ngiƋè a nzlatsa a sam ga, a maslaka nslekaƌa'a, 31a ngaƌa: Corneille, Zhiklè a nco ntsi ri ngaya, a nhur skwi man ka vata ndohai. 32Zlündo ndo a kokwar Joppé, a ka da baba na Simon, nshibèn na Pierre, ndo mbrok te gi Simon, ndo ngürv bkwai, a ma iyam mbia'a.

33A nasa nasa a i zlündo ndo a sam ngaya, a ka gu amba aman ka shkè. Ani haha nga tèlèba nga ɓica va a sam di Bi Zhiklè, aman nga tsena ma tèlèba man Bi Zhiklè a ngaƋa ka, a ka menda nga.

34A Pierre a hüno ngèƋè:

Anai i rka a vava, Zhiklè a pèr ndo mpèrè azɓai; 35aman te ndev ndohi tèlèba, nenga'a man a gi zlaua'a, a gi zura'a, ambaba. 36Kin sun ma Zhiklè man a zlinda ta ndohi Israel, a njè ta ma mbela'a, ma gumai te Yèsu Kristi (nenga'a Bai a géƋ ndohi tèlèba);

37a kin suna, ara man a do a kokwar Judée tèlèba, a hüno te kokwar Galilée, te deɓ baptême man Jean a njo; 38kin suna, ara man Zhiklè a va na wuƌai a Yèsu ndo Nazareth haha, te Mèzhèɓ Zhiklè nkezla'a. A nenga'a a nsawala, a ngu man amba, a m'mbel ta ndohi tèlèba man bi madzagi a ga ta, te man Bi Zhiklè a zhè a nda nenga'a.

39Nga, ndohi malwuƋihi te skwi tèlèba man a gau te kokwar Judée, te kokwar Jérusalem. Nenga'a ta keƋa'a, ta gezlala'a. 40A Bi Zhiklè a nslambaƋdeko nenga'a auda te pats mamakara'a, a ngu aman a gudko va a di a ndohi tèlè ka ɓai, aman a nga, ndohi malwuƋihi man Zhiklè a mpar nga nshèlèkura'a, 41aman nga ndau a nga sau skwai a nda nenga'a, te deɓa'a man a slambaƋkaƋauda te m'metsi ma.

42A Yèsu a mfa nga ma a gèƋ, aman nga njè'a a ndohi tèlèba, aman nga ngréƋè'a, Zhiklè a n'nga Yèsu a ndo kita a géƋ ndohi a nshèffè a ndohi m'metsa'a ba. 43Ndohi nhadka ma tèlèba ta gu malwuƋi a géƋ nenga'a: te nzlembaƋ na mali ndohi tèlèba man ta co a ndav, mpra'a.

44Te ngèƋè Pierre, Mèzhèɓ Zhiklè nkezla'a a nkalkaƋahai a géƋ ndohi tèlèba man ta tsena'a. 45A ndohi Juif man ta co a ndav, man ta shkè a nda Pierre, ta rzl ta, aman ko ndohi man verzi ta tsaƋ ba ta ngots Mèzhèɓ Zhiklè nkezla'a. 46Aman ta tsena ara man ta goƋ nè'èn tsaƋ tsaƋ, a ta slubordo Zhiklè. 47A ta menda na Pierre:

Nga slaha nga gedassa civeƋ ndohi haha a ta gi baptême Ƌè? Ta ngots Mèzhèɓ Zhiklè lèmèlèmè ara nga!

48A Pierre a ngaƋa, aman ta ga tabaptême a nzlembaƋ Bi Yèsu Kristi. A ta tsu ri a Pierre, aman a nzi a sam ta m'mèn kètè.

Currently Selected:

Acts 10: MAFNT

Highlight

Copy