MFA' MGHƐ NTHƏM Mzhəŋ nwə̀
Mzhəŋ nwə̀
Ŋwa'nyə mfa' mghɛ nthəm bɑ batə ŋwa'nyə Lukasi yɑpʉə, dəŋdzə. Ŋwa'nyə a pɑ Cuŋ pɑpúŋ Lukasi.
Batə ŋwa'nyə Lukasi bɔ yə tso tsyə́ bɑ Mfa' mghɛ nthəm a siŋ wɔk pɑ pa' Cu'tə pɔ Kristo nə ntho' a tə gɔ miŋ nə nwə Polo dyəcɛ̌ Roma. A da'tə pa' piŋnthʉm ŋkwyə nə mgùŋ giŋnyə Mediterane; siŋ wɔk pɑ mcuŋ fa' Polo pu Pɛtrɔ, biŋ gə pɑ zhyə gɑ Zhwenyə Dɔlɔ̌ sɔ' bɑ gə Cu'tə pɔ Kristo pɑ ŋkwyə, bɑ gɔ dzə̀ biŋ bɑ nthʉɔ. Mghɛ nthəm nthʉm ŋwa'nyə bɔ shyanyə Cuŋ pɑpuŋ Yeso Kristo bi pɑ Yudea ba pɑ tə pɑ́ pɑ Yudea, bi guŋ pɔ awɛ tə gɔ ŋkhəm nə dhə́ dzʉ́.
Currently Selected:
MFA' MGHƐ NTHƏM Mzhəŋ nwə̀: NTGomala
Highlight
Share
Copy
Want to have your highlights saved across all your devices? Sign up or sign in
Nouveau Testament Ghomala © Bible Society of Cameroon, 2002.