SALMO 120
120
Pamibi Tanganing Tabangan
1Kan ako nasa kahorasaan,
nag-apod ako sa Kagurangnan
tanganing simbagon niya ako:
2“Ligtasan ako, Kagurangnan,
sa mga ngosong putikon,
sa dilang madaya.”
3Kamong mga madaya, ano an gigibohon nin Dios saindo?
Paano an pagpadusa niya saindo?
4Huli sa mga bosog nin sarong paralaban,
huli sa mga baga na naglalaad!
5Herak man sako na nakikimanwa ako sa Mesek;
na nakikierok ako sa mga tolda nin Kedar.#5 MESEK…KEDAR: Duwang harayong rehiyon na pinag-eerokan nin sinasabing mariringis na mga tawo.
6Haloy akong nag-erok kaiba kan mga tawong anggot sa katoninongan.
7Ako para sa katoninongan,
alagad kun ako minataram,
boot ninda an ralaban.
Currently Selected:
SALMO 120: BPV
Highlight
Share
Copy
Want to have your highlights saved across all your devices? Sign up or sign in
Philippine Bible Society, New Testament © 1981, Bible © 1992