Maako BUPANDULUZHI
BUPANDULUZHI
Makani mabotu a kalemba Maako, ndibuka lyomwi mu mabuka ali one aayanwa mu Cipangano Cipiya lelyo lipandulula bumi bwaa Jeso Kilisito. Ibuka limwi ulimwi lilatewa ati Makani Mabotu. Aza mabuka akalembwa u Matayo u Maako u Luka ulimwi u Johani Jeso ulifwile kale u kubuka ku bafwu. Ibuka lya Makani mabotu ngaakalemba Maako ndilibaala kufwiimpa amabuka oonse one. Ulimwi lilatelaikilwa ati ndilyakataanguna kulembwa kumabuka oonse one akati ka myaka 65 kushika ku 70 AD. Ba shaabupampu balashoma ati lyakalembelwa mucishi ca Loma kuzumya zumya bashomi ku cishi koko.
Maako ulimwi uuzhibilwe ati Johani Maako, kali shilweendonina Paulu u Banabasi. Inzho ciindi nakoolekezha mushinzo wabukambaushi impuwo yakwe yakabiya (Incito 13:13). Pele cibe ciindi Maako ulimwi wakaya mu mushinzo ulimwi u Banabasi (Incito 15:37-39). Ulimwi Maako kazhibikilwe ati kali mulongwaakwe Pita (1 Pita 5:13). Pele Maako lwakwe mwini katali kamboni wakalibonena bumi bwaka Jeso Kilisito. Ba shaabupampu balaamba ati Maako wakalemba bumboni bwa Pita. Makani Mabotu ngaakalemba Maako alatonkomana kwaamba twaambo twa bushiciiya iinjiisho sha Jeso ku makani ashiindi shamamanino.
Mitwi ya Makani
Maako ulapa bupanduluzhi bwe buka 1:1-13
Maako ulapandulula milimo yaa Jeso mu Galileya 1:14—9:50
Maako ulaamba lweendo lwaa Jeso lwa kuya ku Jelusalemu 10:1-52
Maako ulamaninzha kulemba kwakwe ciindi Jeso naakaakuli mu Jelusalemu kubikilizha u lufwu lwakwe u kubuka ku bafwu 11:1—16:8
Maako waamba makani a kubuka u kulibonya u kutolwa kwizeulu kwa Mwami Jeso 16:9-20
Currently Selected:
Maako BUPANDULUZHI: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.