Matayo 28
28
Jeso Wabuka ku Bafwu
(Maako 15:42-47; Luka 23:50-56; Johani 19:38-42)
1Inzho Sabata niyakamana, buce bulyo mu buzuba butaanzhi bwa Nsunda, Maliya waku Magadala u Maliya umwi bakaya kubona cuumbwe. 2Ubobo kwakaba kuzungaana kwanshi, nkaambo anjelo wa Mwami wakaseluka kuhwa kwizeulu, wakashika walikunkulusha ibwe amane walikala. 3Ciwa cakwe kacili ukoya lulabo, shakusama shakwe kashituba buu. 4Ukaambo kakutiya anjelo, balindizhi bakazhangama bakaba ukoya bantu bafwu.
5Inzho anjelo wakabaambila bakaintu nibakashika ati, “Mutatiyi nkaambo ndizhi ati mulalanga Jeso wakakankaminwa aciciinkano. 6Teko kono, wabuka umbona mbwaakaamba. Kamwiza mwaabone ngaakaakulele. 7Inzho amufwaambaane muukuya mukabashimwine ba shiciiya ati wabuka ku bafwu, ulimwi ulabataangunina kuya ku Galilaya koko nkubakaamubonena. Mutaaluba aza ngundamushimwina.” 8Babo bakaintu bakakuhwa ku cuumbwe balitiile kumwi kababotelelwe cini cini! Bakalukanka kuya kubashimwina ba shiciiya bakwe. 9Jeso wakabaswaanganya amane wabaanzha ati, “Luumuno lube amwe.” Balo bakaswena ukukwata ku maulu bamukomba. 10Amane Jeso wakabaambila ati, “Mutatiyi, kamuya mukabaambile bakwesu ati baye ku Galilaya koko nkubakaanjana kwaamba tukabonane.”
Ngubakatola Balindizhi
11Inzho bakaintu nibakaakuciya, balindizhi bamwi bakanjila mu munzhi ukushimwina bantu u bapaizhi bakando shoonse shakacitika. 12Ngoonaawo bapaizhi bakando nibakabungana antoomwi ubakando baba Juda bakayana muzeezo wakubapa mali manji manji bashikalumamba, 13babaambila ati, “Bantu amubashimwine ati, ‘Ba shiciiya kabezhile mashiku kwiba mutunta nitwaakoona.’ 14Ceci aciteelela mweendelezhi tulamukombelezha kwaamba mutapewa mulandu.” 15Ubobo babo balindizhi bakaatambula mali u kucita umbona mbukalaililwa. Mbubobo makani aza mbwaakamwaya akati kaba Juda kushika ubwasunu.
Jeso Walibonya ku Bashiciiya Bakwe
16 #
Mat 26:32; Mk 14:28 Inzho ba shiciiya bali ikumi uutwesha womwi bakaya ku lupili lwa Galilaya koko Jeso nkwaakabalailila. 17Nibakamubona bakamukomba, pele bamwi kabacizuluzha. 18Jeso wakaswena afwaafwi wabaambila ati, “Ndapewa insana shoonse kwizeulu anshi. 19#Inc 1:8Ubobo kamuya mukabayiishe bantu bamishobo yoonse, mukabapapatize mwizhina lyaka Taata ulya Mwana ulya Moza Usalala. 20Mukabayiishe ati baabambe makani oonse ngundakamulailila. Ulimwi amulange, Ume ndaakulyaamwe lyoonse mpaka kushikila ku mamanino.”
Currently Selected:
Matayo 28: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
