Matayo 7
7
Kubetekana
(Luka 6:43-44)
1“Mutabeteki kwaamba amwe mutakabetekwa. 2#Mk 4:24Nkaambo mbubona mbumubabeteka bantu aze Leza mbwaakaamubeteka, ulimwi uncona ceelesho ncimweelezha bamwi aze Leza ncakaamweelezha. 3Nkamboonzhi ulabona kapapu kali mulinso lya munyoko waleka ikuni lili mulinso lyako? 4Ulakanka buti kumwaambila munyoko ati, ‘kweza nkufwule kapapu kali mulinso lyako,’ aakuli muli ikuni mulinso lyako umwini? 5Uwe uushikuupaupa amenso, taanguna ulikushe ikuni lili mulinso lyako, ndilelyo nuukabonesha kwaamba ukafwule kapapu kali mulinso lya munyoko.
6“Mutapi babwa shintu shisalala, ulimwi mutafwusila ingulube impande shenu nkaambo balashilyatauka ulimwi balamusanducila ukumuluma.”
Amupumpe, Amukapule, Amukonkomone
(Luka 11:9-13)
7“Amupumpe mulapewa, amukapule mulayana, amukonkomone mulayalulilwa. 8Nkaambo kufwumbwa wezo upumpa ulatambula, aze ukapula ulayana, aze wezo ukonkomona ulayalulilwa. 9Nguni akati kenu ukonzha kupa ibwe mwanakwe kuti wamulomba cinkwa? 10Na upa inzoka alombwa inswi? 11Kuti umwe nubashishibi mulicizhi kupa shintu shibotu kubanenu, inzho Ushenu uli kwizeulu takacilwa kupa shintu shibotu kuli babo bamupumpa.
12 #
Lk 6:31
“Ubobo ku shintu shoonse nshimuzanda ati bantu bamucitile amwe noombacitile. Nkaambo wezu ngu mulawo ulimwi u bashinshimi.”
Mulyango Ushaankene
(Luka 13:24)
13“Amunjilile kumulyango ushaankene, nkaambo mulyango uukwazeme iinzhila ingubauba yezho itola kuluzonauko, u babo baita mo mbanji banji. 14Nkaambo mulyango ulishaankene iinzhila inzumu yezho iitola ku bumi, u babo beeyana mbashoonto.”
Isamu Umicelo Yalyo
(Luka 6:43-44)
15“Amucenjele ku bashinshimi babeshi. Baleza kwenu ukoya imbelele sha Leza anu mbu baumpe babutambo. 16Mulakabazhiba kwiita umicelo yamilimo yabo. Sa masaansa#7:16 masaansa:mucelo uyanwa ku Izilaili ngubapanzha waini baloobanda ati gilepu alacelwa kumuunga naa inkuzu ku mutubetube? 17Isamu ibotu lilazhala micelo mibotu alyo ibiyabi lilazhala micelo mibiya. 18Isamu ibotu talikonzha kuzhala micelo mibiyabi alyo ibiyabi talikonzha kuzhala micelo mibotu. 19#Mat 3:10; Lk 3:9Kufwumbwa isamu litazhali micelo lilatemwa ukuwaalwa mumulilo. 20#Mat 12:33Ubobo mulakabazhiba kwiita kumicelo yabo.”
Nshimwizhi Pe
(Luka 13:25-27)
21“Tali woonse uwamba ati, ‘Mwami, Mwami’ ulakanjila mu bwami bwa kwizeulu pe, cita bulyo wezo ucita shizanda Taata uli kwizeulu. 22Mu buzuba bobo banji banji balakeza u kwaamba ati, ‘Mwami, Mwami’ sa uswe katutashinshima mwizhina lyako, u kukusha myoza mibiyabi, u kucita milimo yansana minji minji? 23#Inte 6:8Ndamana ume ndakabaambila ati, ‘Nshimwizhi pe! Amwaahwe awa numutacilila mulawo.’”
Bazashi ba Maanda Bobile
(Luka 6:47-49)
24“Ubobo kufwumbwa muntu uteelelela aza mazwi angu u kucita ncaamba, uli ukoya muntu wakazaka iŋanda amwala. 25Inhula yakawa, milonga yakapaya u muuwo wakaungisha aŋanda. Pele ina niyakawa nkaambo yakazacilwa amwala.
26“Pele kufwumbwa uteelelela aza mazwi angu, amana taacilila uli ukoya muntu mulimbushi wakazaka iŋanda yakwe a musenga. 27Ubobo inhula niyakawa milonga yakazula u kupaya, awo muuwo wakaunga aŋanda yezho, yakawa, abo buwe bwayo bwakazoosha.”
Insana Shaka Jeso
28 #
Mk 1:22; Lk 4:32 Jeso naakamana kwaamba aza mazwi, bantu bakazhingwa mbuli mbwaakaakuyiisha, 29nkaambo katali ukoya balembi, walo kayiisha iinsana.
Currently Selected:
Matayo 7: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
