Matayo 27

Jeso Wabetekwa kwa Pilato

(Maako 15:1; Johani 18:28-32)

1Inzho nibwakaca, bapaizhi bakando boonse ubakando baba Juda bakapangana kwaamba bamuyaye Jeso. 2Ubobo bakamwaanga Jeso, bamutola baya kumubika mu matashi mwa Pilato mweendelezhi waba Loma.

Lufwu lwaka Judasi

(Incito 1:18-19)

3 # Inc 1:18, 19 Inzho Judasi wezo wakamwaaba, naakabona ati Jeso bamupa mulandu wa kuyayiwa, wakasanduka amane waazhola mali ngubakamupa a muwaya waya ali makumi otatwe ku bapaizhi bakando ukubakando baba Juda waamba ati, 4“Ndabisha kwaaba muntu uuyina mulandu.” Balo bakamwiingula ati, “No uswe tukucite buti? Makani ako azo.” 5Judasi wakaasowa mali anshi muŋanda ya Leza, wakahwa waya kulishina. 6Bapaizhi bakando nibakaabweza azo mali bakaamba ati, “Tatweelele kwabika mucizobwelo kaambo mali abulowa.” 7Bamane kubuzhanya cakucita bakateelezhenya ati baule muunda wamubumbi kwaamba baakuzhika nkuko beenzu. 8Ubobo wezo muunda ucitewa ubwasunu ati muunda wabulowa. 9#Zaka 11:12, 13Ubobo akazuzucizhiwa akaamba mushinshimi Jelemiya ati, “Bakaabweza mali a muwaya waya ali makumi otatwe, uuli ngumuulo wakwe wezo wakabikwa uba Izilaili, 10Bamane bakaula muunda wamubumbi umbona Mwami Leza Mbwaakandailila.”

Pilato Wamubuzha Mibuzho Jeso

(Maako 15:2-5; Luka 23:3-5; Johani 18:33-38)

11Inzho Jeso wakazhima ku bushu bwa mweendelezhi Pilato, amane mweendelezhi wakamubuzha mubuzho wakuti, “Sa ndiwe Mwami waba Juda?” Jeso wakamwiingula ati, “Waamba.” 12Pele ciindi bapaizhi bakando ubakando baba Juda nibakaakumutamicizha twaambo wiina naakaingula niciba comwi. 13Pilato wakamubuzha ati, “Sa tututeelele toonse twaambo tunji tunji ntubakutamicizha?” 14Pele wiina nakaamwiingula niliba izwi lyomwi, ucakuti mweendelezhi wakazhingwa.

Jeso Wakosolelwa Mulandu Wakufwa

(Maako 15:6-15; Luka 23:13-25; Johani 18:39—19:16)

15Muciindi ce pobwe lya Kwiitilila mweendelezhi waakaakuzhibile kubaangululila bantu kufwumbwa mwaange wezo ngubazanda. 16Inzho aciindi ceco kakuli umwi mwaange wakaakukwete impuwo imbiyabi, uutewa ati Balabasi. 17Nibakaakubungene, Pilato wakabaambila ati, “Nguni ngumuzanda ati mwaangululile, Balabasi naa Jeso uutewa ati Munanike wa Leza?” 18Nkaambo wakaakwizhi ati bakamuleta kwakwe ukaambo kamunyono. 19Pilato naakaakucishite acuuna calubeta, mwinakwe wakatuma izwi kwakwe lyakuti, “Utabi ncuucita ku muntu wezo mululami, nkaambo ndapenga cini cini ukaambo kakwe muciloto.”

20Bapaizhi bakando ubakando baba Juda bakabakombelezha bantu kwaamba bakumbile Balabasi, Jeso ayayiwe. 21Ulimwi mweendelezhi wakaamba ati, “Nguuliye akati kabo ngumuzanda kwaamba mwaangululile?” Bakaamba ati, “Balabasi!” 22Pilato wakababuzha ati, “No Jeso uutewa ati Munanike wa Leza mucite buti?” Boonse bakaamba ati, “Nakankaminwe aciciinkano!” 23Pilato wakababuzha ati, “Anu wacita mulandunzhi?” Bakapozomokesha ati, “Naakankaminwe aciciinkano!” 24#Ciz 21:6-9Ubobo Pilato naakabona ati kwiina ncaakaakukonzha kucita, ukuti kakuzanda kuba lupyopyongano, wakabweza meenzhi wasamba kumatashi boonse balilangilile waamba ati, “Ndiina mulandu kubulowa bwa muntu wezo uululeme. Namucite ncimuzanda nubeni.” 25Inzho bantu boonse bakataba ati, “Bulowa bwakwe nabube aalyuuswe ubanesu!” 26Ubobo wakabaangululila Balabasi, amane kumuumya tulusu Jeso wakabapa kwaamba bamukankamine aciciinkano.

Bashikalumamba Bamusaalizha Jeso

(Maako 15:16-20; Johani 19:2-3)

27Ngoonaawo bashikalumba baka Pilato bakamunjizha muŋanda ya mweendelezhi bamane bamuzhinguluka boonse bashikalumba. 28Bakamusamununa shikobelo shakwe bamane bamusamika ijanshi lisubila pyu. 29Bakaluka mushini wa meya bamane bamusamika ku mutwi, u kumufwumbatika lubu mwitashi lyakwe lya cilyo. Bamane bamukotamina bamwita ati, “Wabonwa U Mwami waba Juda.” 30Bakamufwila mate bamane bakalubweza lubu bamuumya a mutwi. 31Nibakamana kumuseka, bakamusamununa ijansi lelyo, bamusamika shisani shakwe mwini, bamane bamutola kuya kukankamina aciciinkano.

Jeso wakankaminwa Aciciinkano

(Maako 15:21-32; Luka 23:26-43; Johani 19:17-27)

32Inzho nibakapola bakayana mulombwana uutewa ati, Saimoni waku Saileni. Wezu mulombwana bakamushinicizha kucibweza ciciinkano caka Jeso. 33Nibakashika kubusena butewa ati Gologota, calo caamba ati, kukaanza, 34#Inte 69:21bakamupa waini muhwele mululwe kwaamba anwe, pele naakasola wakakaka kunwa. 35#Inte 22:18Inzho nibakamana kumukankamina a ciciinkano, bakashaabana shisani shakwe kwiita mukuuma insolo. 36Bamane bakakala bamulindilila nkukona koko. 37Ezeulu lya mutwi wakwe bakalemba mazwi aatondezha ncibakamuyayila aamba ati, “Wezu ngu Jeso Mwami waba Juda.” 38Batewu bobile bakakankaminwa antoomwi u Jeso, umwi kucilyo umwi kucimonsho. 39#Inte 22:7; 109:25Bantu bakaakwiita awo bakaakukuna kuna kumitwi yabo 40#Mat 26:61; Joh 2:19balaamba ati, “Wakaamba ati ulakonzha kwiimwaya iŋanda ya Leza ukwiizakulula mu mazuba otatwe. Inzho na uli Mwanakwe Leza lifwutule umwini, seluka aciciinkano.” 41Umbona bobo abo bapaizhi bakando u balembi ulimwi ubakando baba Juda bakamuseka ati, 42“Wakaakufwutula bantu, pele walo takonzha kulifwutula. Inta ngu Mwami wa Izilaili, naaseluke aciciinkano kwaamba tumushome. 43#Inte 22:8‘Ulashoma mwa Leza, ubobo Leza naamununune na kuti ulazanda.’ Nkaambo kaamba ati ndi Mwanaa Leza!” 44U babo batewu mbucakakankaminwa abo bakamusampaula umbona bulyo.

Lufwu lwakwe Jeso

(Maako 15:33-41; Luka 23:44-49; Johani 19:28-30)

45Kuhwa ciindi nicakashika akalendebwe kushikila lyakumbo kwakaba mushinze uushiya mbi mucishi coonse. 46#Inte 22:1Ciindi nicakashika kwiwoola lye fuka, Jeso wakapozomoka ati, “Eli, Eli lama sabakatani?” Calo caamba ati Leza wangu, Leza wangu wanshiilaanzhi? 47Bamwi babo bakaakuzhimine afwaafwi bakaamba ati, “Wezu muntu uloompolola Elaija.” 48#Inte 69:21Umwi wabo wakalukanka waya wabweza inshisa weetoba mu waini uulula kwaamba amunwishe. 49Pele bamwi bakaamba ati, “Mulindile tubone naa Elaija uleza kumufwutula.” 50Ulimwi Jeso wakapozomoka iizwi ikando amane wafwa.

51 # Kul 26:31-33 Ngoonaawo cishitilizho ca muŋanda ya Leza cakazapuka kuhwa kwizeulu mpaka anshi. Inshi yakazungaana ayo myala yakaandauka. 52Shuumbwe shakayaluka ubobo boonse banji banji bakaakushoma mwa Leza bakabuka ku bafwu. 53Jeso naakabuka ku bafwu, bakamuhwa mu shuumbwe baya kunjila mu munzhi uusalala momo mubakabonwa ku bantu banji banji.

54Inzho mukando wa bashikalumamba u babo mbaakaakuli abo bakaakulindilila cuumbwe ca Jeso, nibakabona kuzungaana kwanshi u shakacitika, bakatiya cini cini baamba ati, “Cini cini wezu muntu kali Mwana Leza!” 55#Lk 8:2, 3Ansansa kakuli bakaintu banji banji bakaakulindila. Babo bakaakucilila Jeso kuhwa mu Galilaya u kumufwutaucila. 56Akati kabo kakuli Maliya waku Magadala, u Maliya baina Jemusi u Jozefu, ulimwi u nokwabo banakwe Zebedi.

Kuzhikwa kwa Jeso

(Maako 15:42-47; Luka 23:50-56; Johani 19:38-42)

57Inzho nikwakaba kumangolezha, Jozefu wakwa Alimatiya uwakaakuli uumwi wa ba shiciiya ba Jeso wakaya kwa Pilato. 58Wezu muntu wakakumbila mutunta waka Jeso. Ngoonaawo Pilato wakalailila ati apewe. 59Ulimwi Jozefu wakooputaila mutunta umulembo uutuba, 60u kuuwoneka mu cuumbwe cakwe mwini, cipiya ncaakaakukololele umwala, wakakunkulilisha ibwe ikando amulyango wa cuumbwe amane waya. 61Maliya waku Magadala u Maliya uumwi kabaliko koko, kabashite kulangana ucuumbwe.

Balindizhi ba Cuumbwe caka Jeso

62Nibwakaca mu Sabata, bapaizhi bakando uba Falisi bakabungana kwa Pilato, 63#Mat 16:21; 17:23; 20:19; Mk 8:31; 9:31; 10:33, 34; Lk 9:22; 18:31-33u kwaamba ati, “Mwami tulaazhibaluka ngaakaamba wezu mubeshi naakaakucipona aakuti, ‘Akaita mazuba otatwe ndakabuka.’ 64Inzho lailila kwaamba cuumbwe cakwe cilindilwe mpaka kushikila mazuba otatwe ayite. Nkaambo ba shiciiya balaba nibashika u kwiba mutunta, bamana bakabaambile bantu ati, ‘Wabuka ku bafwu.’ Ubobo lucengo lwabili lulakabiya kubaala lutaanzhi.” 65Ateelele bobo Pilato wakabaambila ati, “Amutoleko balindizhi, mukabambe kabotu kwiingaina umbumukonzha.” 66Ubobo bakaya kucibambisha cuumbwe ukushinka ibwe bamane bashiya mulindizhi.

Currently Selected:

Matayo 27: ILL

Highlight

Copy