Matayo 25
25
Cikozhano ca Banakalindu bali Ikumi
1 #
Lk 12:35
Bwami bwa kwizeulu bulakozhanyiwa ku banakalindu bali ikumi, bakabweza malambe abo kuya kucinga shibwinga. 2Bosanwe kabali balimbushi, bamwi bali bosanwe kabali basongo. 3Ciindi balimbushi nibakabweza malambe abo, bayina kubwezelezha mungwimba wakuzunjila mu malambe abo. 4Pele basongo balo bakabweza tu botela twa mungwimba wakuzungila. 5Ukaambo kakuti shibwinga wakamuka kushika, bakafwukula boonse bakoona.
6“Inzho akati kabushiku kwakateelelwa iyowe lyakuti, ‘Amubone nguwezu shibwinga washika! Amuhwe mukamucinge!’ 7Inzho banakalindu boonse bakabuka, bazasha malambe abo. 8Banakalindu balimbushi bakaambila babo basongo ati, ‘amutupe mungwimba wenu kaambo malambe esu azhima!’ 9Pele babo basongo bakaingula ati, ‘Twamupa tulabulizha. Kamuya kubasambazhi mukalyuulile wenu.’ 10Inzho ciindi nibakaya kwaamba bakaule, shibwinga wakashika, ubobo babo bakaakulibambile bakenjila antoomwi uushibwinga, umulyango wakayalwa.
11 #
Lk 13:25
“Nikwakaita ciindi abo babo bamwi bakeza baamba ati, ‘Mwami, Mwami tuyalulile.’ 12Walo wakabaingula ati, ‘Ndamushimwina cini cini ati, shimwizhi pe.’” 13Jeso wakamaninzha u kwaamba ati, “Amulindile nkaambo tamucizhi ciindi Mwanaa Muntu ncaakaazhiza.”
Cikozhano ca Basebezhi Botatwe
(Luka 19:11-27)
14 #
Lk 19:11-27
“Ku ciindi ceco cilakaba ukoya muntu umwi wakabweza mushinzo wakuya ku cishi cimwi. Katana kuzhimuka, wakoompolola basebezhi bakwe wabaabanya lubono lwakwe. 15Umwi wakamupa matalanta osanwe, wabili wakamupa matalanta obile, watatu wakamupa italanta lyomwi. Wakabapa kwiingaina uumwi mbwaakonzha. Amane wakazhimuka waya. 16Wezo wakabweza matalanta osanwe wakaapindauka wayana impindu yamatalanta aanji ali osanwe. 17Umbona bulyo u wezo wakapewa obile aze wakaapindauka u kuyana aamwi obile. 18Pele wezo wakatambula italanta lyomwi wakaya kusha cilindi walizhika waseseka mali ashimatwanga akwe.
19“Inzho kwiite ciindi cilamfwu, shimatwangaabo wakapiluka, amane wakaboompolola basebezhi bakwe kwaamba bamupandululile mbubakaasebezha mali azo. 20Wezo wakapewa osanwe, wakeza wakaleta matalenta aamwi ali osanwe, wakaamba ati, ‘Mwami, wakampa matalenta ali osanwe. Bona inzho ndaleta aanji ali osanwe ngundakapindauka.’ 21Shimatwangaakwe wakamwaambila ati, Wakacita kabotu umusebezhi mubotu uushomeka, washomeka kutushoonto, inzho ndakubika kwaamba uukulanga shinji shinji. Njila usekelele u mwami wako. 22Wezo wakatambula matalenta obile wakeza waamba ati, ‘Mwami, wakampa matalenta obile. Bona ndikwete aanji obile ngundakapindauka.’ 23Shimatwangaakwe wakamwaambila ati, ‘Wacita kabotu umusebezhi mubotu uushomeka, wakashomeka kutushoonto, inzho ndakubika kwaamba uukulanga shinji shinji. Njila usekelele umwami wako.’
24“Inzho aze wezo wakatambula lyomwi wakeza waamba ati, ‘Mwami ndizhi ati uli muntu muzumu monzo. Ulatebula nkuwatakashanga. 25Ubobo ndakafwa bukandu, ndakaya ndakasha cilindi mundakaaseseka mali. Inzho ngaaza mali ako!’
26“Shimatwangaakwe wakamwaambila ati, ‘Uwe umusebezhi mubiyabi, ulimwi mukata! Sa wiina kuzhiba ati ndatebula aawo ngundatakashanga ukubunga awo ngundatakaminza? 27Wakaakweelele kwaabika mali aangu mu matashi aba shimpindu kwaamba ndazhoka njane impindu. 28Inzho noomunange lelya italanta ndyaakwete mulipe wezo uukwete matalanta ali ikumi. 29#Mat 13:12; Mk 4:25; Lk 8:18Nkaambo wezo uukwete ulakazunjilwa, ubobo shilakaba shinji shinji pele wezo wiina ncaakwete, utushoonto ntwaatelaika ati ulikwete ulakanangwa. 30#Mat 8:12; 22:13; Lk 13:28Noomusowele ansengwe mu mushinze wezu musebezhi uuyina mulimo, koko kukaaba kulila ukuluma inkwino.’
Lubeta Lukando lwa Mamanino
31 #
Mat 16:27;
Mat 19:28
“Ciindi Mwanaa Muntu naakeezhiza umbulemu bwakwe, antoomwi u baanjelo bakwe boonse, ulakakala acuuna cakwe ca bwami. 32Inzho mishobo yoonse ilakabungana ku bushu bwakwe, ulakaandaanya bantu umbona mweembezhi mbwaandaanya imbelele iimpongo. 33Ulakabika imbelele kucilyo kwakwe, pele impongo ulakashibika kucimonsho. 34Ngoonaawo Mwami ulakabaambila bali kucilyo ati, ‘Kamwiza umwe nubalonjezhe kwa Taata, munjile mu bwami mbumwakabambilwa kuhwa kumalengelo anshi. 35Nkaambo indakafwa inzala mwakampa cakulya, indakafwa inyota mwakampa cakunwa, indakaakuli mweenzu mwakantambula, 36indakaakuli cintanda mwakansamika, indakaakuli mulwazhi mwakanswaya, iindakaakuli muntolongo mwakeza kumbona.’
37“Inzho baluleme balakamubuzha ati, ‘Mwami ndililiye nitwakakubona kufwile inzala, tumane twakusanina, naa kufwile inyota tumane twakupa cakunwa? 38Ndililiye nitwakakubona uli mweenzu tumane twakutambula kabotu, naa niwakaakuli cin tanda tumane twakupa cakusama?’ 39Ulimwi ndililiye nitwakakubona uli mulwazhi naa muntolongo tumane tweza u kubona? 40Ulimwi Mwami ulakabaingula ati, ‘Cini cini ndamushimwina ati, kufwumbwa ncimwakacitila umwi wa bakwesu baba bashoonto baba bayina mbubabele, ndime mwakacitila.’
41“Inzho kuli babo bali kucimonsho ulakabaambila ati, ‘Amwaahwe awa umwe nubashinganye, kamuya mu mulilo uutazhimi wakakuncilwa Shaatani u baanjelo bakwe. 42Nkaambo indakafwa inzala mwiina nimwakampa cakulya, iindakafwa inyota mwiina kumpa cakunwa, 43indakaakuli mweenzu mwiina nimwakantambula, indakaakuli cintanda mwiina kumpa cakusama, iindakaakuli mulwazhi iindakaakuli muntolongo mwiina nimwakeza kunswaya.’
44“Inzho abo balakaingula ati, ‘Mwami no ndililiye nitwakukubona ulifwile inzala naa inyota naa uli mweenzu naa uli cintanda naa uli mulwazhi naa uli muntolongo twamana twiina ukuyohwa?’ 45Ulakabaingula ati, ‘Cini cini ndamushimwina ati, kufwumbwa nimwatakacitila umwi wababa bashoonto bancilila, mwiina nimwakanjohwa pe.’ 46#Dan 12:2Inzho baba balakaya mucisubulo citamana, pele baluleme balakanjila mu bumi butamana.”
Currently Selected:
Matayo 25: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
