Matayo 23

Jeso Wabacenjezha Bantu sha ba Maayi ba Mulawo u ba Falisi

(Maako 12:38-39; Luka 11:43-46; 20:45-46)

1Kuhwaawo Jeso wakaamba kumakamu makamu a bantu uku ba shiciiya bakwe ati, 2“Balembi uba Falisi balakala acuuna caka Mozesi. 3Ubobo amucite shesho nshibamwaambila. Kutali kucita nshibacita, kaambo balakambauka bulyo amana tabashiciti pe. 4Balaanga mikuli milemu iiminya kubweza, ukwiibika amafwunzhi a bantu, pele balo beni tabazanda kubweza nikaceya. 5#Mat 6:1; Ciz 6:8; Mye 15:38Balacita milimo yabo kwaamba babonwe ku bantu. Balalyaanga inkomo inkando shakubika milawo ya Leza u kusama masani abo malamfwu lamfwu. 6Balazandisha kukala a shuuna shabulemu mu shikombelo shaba Juda u kuzanda masena a bulemu mu mapobwe. 7Balazanda kwaanzhiwa u kulemekwa mu shisambalilo, ukutewa ati mwiiyi ku bantu. 8Pele umwe mutaakutewa ati mwiiyi nkaambo mulikwete Mwiiyi womwi, umwe noonse muli ba bunina. 9Ulimwi muteti muntu naaba womwi ano anshi ati Taata, kaambo mulikwete Ushenu womwi wezo uuli kwizeulu. 10Ulimwi mutatewa ati basololi, nkaambo mulikwete musolozhi womwi, wezo uli ngu Munanike waka Leza. 11#Mat 20:26, 27; Mk 9:35; 10:43, 44; Lk 22:26Wezo mukando akati kenu, abe musebezhi wenu, 12#Lk 14:11; 18:14Nkaambo kufwumbwa uulisumpula ulakafwiinshiwa, aze uulifwiinsha ulakasumpulwa.”

Mapenzhi Aali Ciloba

(Maako 12:40; Luka 11:39-42, 44, 52; 20:47)

13“Pele mulakapenga umwe nubalembi uba Falisi bashikuupaupa amenso! Mulashincila bwami bwa kwizeulu ku bantu. Ukaambo kakuti umwe mwakacilwa, mwakanka kukasha babo bazanda kunjila. 14Mulakapenga umwe nubalembi u ba Falisi bashikuupaupa amenso! Mulalya lubono lwabamukabafwu, mwamana mulaamba shikombyo shilamfwu sha kucenga. Ceco cilakamuyanya mulandu mukando.

15“Mulakapenga umwe nubalembi uba Falisi bashikuupaupa amenso nkaambo muleenda inyendo shamu lwaatele anshi kwaamba musandule muntu womwi, mwamana mulacita muntu wezo kwaamba akwate mulandu wakufwuswa mu mulilo uutamana kubaazha umwe.

16“Mulakapenga umwe nubasololi boofwu, numuyiisha ati, ‘Kuti naa umwi wapinga iŋanda ya Leza ulakonzha kutacibamba ceco ncaapinga, pele kuti wapinga ku goludi ya muŋanda ya Leza ulyeelele kucibamba ceco ncaapinga.’ 17Umwe nubasololi boofwu balimbushi! Anu nciciliye cikando, goludi naa iŋanda ya Leza iisalazha goludi? 18Ulimwi mulaamba ati, ‘Kuti naa umwi wapinga acipaililo, ulakonzha kutacicita ceco ncaapinga, pele kuti wapinga a cipo cili acipaililo ulyeelele kucicita ceco ncaapinga.’ 19Umwe nubantu boofwu! Anu nciciliye cikando, cipo naa cipaililo cisalazha cipo ceco. 20Wezo uupinga acipaililo ulapinga u shesho shoonse shiliwo. 21Aze wezo uupinga iŋanda ya Leza ulapinga iiŋanda ulimwi u wezo uukalamo. 22#Aiz 66:1; Mat 5:34Aze wezo uupinga iizeulu ulapinga ucuuna ca Leza u wezo uukalawo.

23 # Bale 27:30 “Mulapapenga umwe nubalembi uba Falisi nubashikuupaupa amenso nkaambo mulapa cimanya ikumi ca tununcilizho ucakulunga shakulya, pele mulaubausha makani makando a Milawo ya Leza, mbuli kubeteka, ukukwata inkumbu u kushomeka. Sheshi mulyeelele kushicita ca kutaubausha shimwi. 24Umwe nubasololi boofwu, mulasonzola inzhi pele mulamina inkamela.

25“Mulakapenga umwe nubalembi uba Falisi nubashikuupaupa amenso! Nkaambo mulasanzha inkapu umutiba ansengwe aakuli mukati mulizwile bulyato, u kutalikasha kunanzha bantu shabo. 26Umwe nuba Falisi boofwu amutaangune musanzhe inkapu umutiba mukati ndilelyo ansengwe naakasalala.

27 # Inc 23:3 “Mulakapenga umwe nubalembi uba Falisi bashikuupaupa amenso! Nkaambo muli ukoya shuumbwe shipente mulambo, washilanga ansengwe nshibotu cini cini, pele anu mukati shilizwile shifwuwa shabantu bafwu u busofwaazhi. 28Umbona bobo mbumulibonya ukoya bantu baluleme ku bantu, pele mukati kenu mulizwile kuupaupa amenso u shibi.

29“Mulakapenga umwe nubalembi uba Falisi nubashikuupaupa amenso! Mulazaka shuumbwe sha bashinshimi u kubosha bosha shibumbwa sha baluleme, 30mulaamba ati, ‘Kuti nitwakaakuliko ku mazuba a bamatata nitwatakabayohwa kutila bulowa bwa bashinshimi.’ 31Mbubobo mbumulipa mulandu, kaambo mulaamba ati muli banabo babo bakayaya bashinshimi. 32Imbubo amuzulizhe mweelwe wa shibi sha maushenu.

33 # Mat 3:7; 12:34; Lk 3:7 “Umwe nunzoka, nubana ba cipile, anu mulakacileya buti cisubulo camulilo utamana? 34Inzho ndamwaambila ati ndamutumina bashinshimi u bantu basongo u balembi, bamwi mulakabayaya u kubakankamina aciciinkano. Bamwi mulakabapenzha mu shikombelo shaba Juda u kubatanda kuhwa mu munzhi u munzhi. 35#Mata 4:8; 2 Maka 24:20, 21Ubobo cisubulo ca bulowa bwa bantu baluleme bwakatika anshi cileza alyuumwe, kutalikila ku bulowa bwaka Abelo mululami, kushikila ku bulowa bwaka Zakaliya mwanakwe Balakiya, wezo ngumwakayaya mucikombelo akati kabusena busalalisha u cipaililo. 36Cini cini ndamushimwina ati, shoonse sheshi shilakeza ku bantu bezhalane leli.”

Jeso Woolila Munzhi wa Jelusalemu

(Luka 13:34-35)

37“Akaka Jelusalemu, Jelusalemu, uuyaya bashinshimi ukubauma mabwe babo mbaatuma Leza kwenu. Mu shiindi shinji shinji ndakaakuzanda kubabunganya bantu bako antoomwi umbona mbwiicita inkuku niibafwukatila banayo umababa ayo pele uwe wakaka! 38#Jele 22:5Cini cini iŋanda njimukombela lyaba itongo. 39#Inte 118:26Inzho ndamwaambila ati, tamukamboni linji, cita mukaambe ati, ‘Ulilongelwe wezo uuzhiza mwizhina lya Mwami.’ ”

Currently Selected:

Matayo 23: ILL

Highlight

Copy