Matayo 22
22
Cikozhano ce Pobwe lya Bwinga
(Luka 14:15-24)
1Jeso wakabaambila ulimwi cikozhano cakuti, 2“Bwami bwa kwizeulu buli ukoya mwami umwi wakacita ipobwe lya bwinga bwa mwanakwe. 3Wakatuma basebezhi bakwe kuya kwita babo bakaakutambilwe kwipobwe pele bayina nibakeza. 4Ulimwi wakatuma basebezhi banji wakabaambila ati, ‘Amukabashimwine batambe ati, shakulya ndabamba kale. Basune bangu uboombe bainu bayaiwa kale, shoonse nshibambe kale, kamwiza kwipobwe.’ 5Pele ceco bayina ukucibika matwi. Umwi wakaya ku muunda yakwe umwi wakaya kumpindu. 6Bamwi baba bakakwata basebezhi bakwe babapenzha ukubayaya. 7Mwami wakalemana cini cini, ubobo wakatuma bashikalumamba bakwe kuya kubazonauna babo bayazhi ukuutenta munzhi wabo. 8Inzho wakabaambila batwanga bakwe ati, ‘Ipobwe lyabambwa kale, pele batambe talibeelele. 9Ubobo kamuya kumansaanga a nzhila, mukatambe kufwumbwa mbumukaayana!’ 10Babo basebezhi bakaya umikwakwa kuya kukobolola kufwumbwa mbubakayana, Babotu u batali babotu. Ubobo iŋanda yabwinga yakezula beenzu.
11“Mwami naakanjila kwaamba abone beenzu, wakabona umwi mulombwana watakaakusamine cikobelo ca bwinga. 12Ngoonaawo wakamwaambila ati, ‘Anu uwe mweenzuma wanjila buti mono ubutasamine cikobelo ca bwinga?’ Walo wakabula ca kwaamba. 13#Mat 8:12; 25:30; Lk 13:28Ubobo mwami wakabaambila basebezhi bakwe ati, ‘Amumwaange kumatashi ukumaulu, mwamana mumusowele ansengwe mu mushinze, koko ukukaaba kulila, ukuluma inkwino.’
14“Nkaambo batambilwe mbanji banji pele basale mbashoonto.”
Kutela Mitelo kwa Kaizala
(Maako 12:13-17; Luka 20:20-26)
15Inzho ba Falisi bakaya kulihwiya kwaamba bamukwashe mu kwaamba kwakwe. 16Bakamutumina ba shiciiya babo uba Helodiyani,#22:16 Baba kabali bantu bakabunga kaba Helodiyani baya kumwaambila ati, “Mwiiyi, tulizhi ati ulaamba shiluleme u kuyiisha inzhila ya Leza ya lushinizho. Tulizhi ati tutiyi muntu naabani, kaambo tulanga shiwa ushimo shabantu. 17Inzho twaambile mbuutelaika. Sa cililuleme kutela mutelo ku muleli mukando waku Loma naa pe? 18Jeso wakoozhiba muzeezo wabo mubiyabi, wakaamba ati, Anu nciinzhi ncimunsunkila umwe nubashikuupaupa amenso? 19Amuntondezhe ili lelyo ndimusebezha kutela mutelo.” Ubobo bakamuletela ili lyomwi. 20Jeso wakababuzha ati, “No nguni uli mutwi wezu uuli eli leli, iizhina lilembelwe awa ndyakani?” 21Bakaamba ati, “Nsha muleli mukando Kaisala waku Loma.” Ngoonaawo wakabaambila ati, “Amumupe Kaisala shakwe Kaisala, ulimwi shaka Leza mumupe Leza.” 22Bateelele bobo, bakazhingwa cini cini, bakaya bamushiya.
Lutwalano ku Ciindi Cakubuka
(Maako 12:18-27; Luka 20:27-40)
23 #
Inc 23:8
Mu buzuba bobo mbubona kwakeza ba Saduki babo baamba ati bantu tabakabuci kuhwa ku bafwu, ulimwi bakamubuzha mubuzho. 24#Ciz 25:5Inzho bakamwaambila ati, “Mwiiyi, Mozesi wakatwaambila ati, ‘Kuti muntu wafwa kaina bana, munina ulyeelele kumutwala mukamufwu kwaamba amuzhalile bana mufwu.’ 25Inzho kakuli bantu babunina bali ciloba akati kesu. Mukando wakatwala amane wafwa wiina kuzhala bana, wakashiya mukaintu ku munina. 26Uwabili wakamukona mukamufwu aze wiina kuzhala bana, uwatatu boonse bakacita bobo kushilila kuli wa ciloba. 27Nibakamaninina boonse aze mukaintu wakafwa. 28No ninzho bakabuka bafwu, wezo mukaintu ulakaba mukani ali babo boonse bali ciloba? Nkaambo boonse kabamutwele.” 29Jeso wakabaingula ati, “Mulizhiminine, tamweezhi Malembe nishiba insana sha Leza. 30Nkaambo kububuke bwa bafwu tabakatwali nikuba kutwalwa, nkaambo balakaba ukoya baanjelo ba kwizeulu. 31Ku makani a bubuke bwa bafwu, sa mwiina nimwakabala shesho Leza nshaakamwaambila naakaamba ati, 32#Kul 3:6‘Ndime Leza wa Abulahamu, Leza wa Aizeki, Leza wa Jakobo.’ Ngu Leza wabo bapona, tali Leza wa bafwu.” 33Ibunga lya bantu bakaakuliko nilyakakateelela bobo, lyakazhingwa cini cini ukaambo kakuyiisha kwakwe.
Mulawo Mukando
34Inzho ba Falisi nibakateelela ati Jeso wa baumuzha ba Saduki bakabungana antoomwi. 35Ubobo umwi shimulawo wakamubuzha mubuzho wakumusunka ati, 36“Mwiiyi, no nguuliye mulawo mukando mu Milawo?” 37#Ciz 6:5Wakamwiingula ati, “Fwuna Mwami Leza wako u monzo wako woonse, u moza wako woonse, u mizeezo yako yoonse. 38Wezu ngu Mulawo mukando ulimwi ngumutaanzhi. 39#Bale 19:18Uwabili uli umbona mbuli wezu. Fwuna mweenzhinoko umbona mbuulifwini umwini. 40#Lk 10:25-28A milawo yezhi yobile ngaahwa milawo yoonse iinjiisho shabashinshimi.”
Kilisito Mwanakwe Ni?
41Kabacibungene ba Falisi 42Jeso wakababuzha mubuzho ati, “Mutelaika buti sha Munanike waka Leza? Ngwa luhubo lwakani?” Bakamwiingula ati, “Mwanakwe Devidi.” 43Amane wakababuzha ati, “No kaamboonzhi Devidi naakanjilwa Moza usalala ncaakamwitila ati, ‘Mwami.’ Ciindi naakaamba ati,
44 #
Inte 110:1
“Mwami Leza wakaamba ku Mwami wangu ati,
‘Kala kuluya lwangu lwa cilyo,
kushikila nkababike ba shinkondonoko kunshi kumatende ako.’
45“Kuti naa Devidi kamwita ati, ‘Mwami,’ no ulaba buti mwanakwe?”
46“Kwiina muntu wakakonzha kumwiingula niliba izwi lyomwi. Inzho kuhwa kubuzuba bobo kwiina naaba womwi wakamubuzha linji mibuzho.”
Currently Selected:
Matayo 22: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
