Matayo 16
16
Kulomba Maleele
(Maako 8:11; Luka 12:54-56)
1 #
Mat 12:38; Lk 11:16 Ba Falisi uba Saduki, bakeza kwa Jeso u muzeezo wakumusunka. Bakamukumbila ati acite citondezho cibonya ati Leza nguwakamutuma. 2Wakabaingula ati, “Aba mangolezha mulaamba ati, ‘Bulakaca kabotu nkaambo kwizeulu kulasubila.’ 3Ubobo cifwumo fwumo mulaamba ati, ‘Bwasunu bwaca bubi nkaambo izeulu lilasubila ulimwi lilatizha.’ Mulicizhi kupandulula izeulu mbulilibonya pele tamukonzha kupandulula shitondezho shikanana makani ashiindi. 4#Mat 12:39; Lk 11:29Izhalane ibiyabi lya bumambe, lilazanda citondezho, pele talikatondezhewa cita ambweni citondezho ca Jona mushinshimi.” Amane wakabashiya waya.
Bumena bwa ba Falisi u ba Saduki
(Maako 8:14-21)
5Ba shiciiya nibakalandukila kuluya lumwi bakaluba kubweza shinkwa. 6#Lk 12:1Jeso wakabaambila ati, “Amucenjele ku bumena bwa ba Falisi uba Saduki.” 7Ubobo bakalyaambauzha ati, “Ambweni nkaambo kakuti twiina kubweza cinkwa ncaambila bobo.” 8Jeso naakaazhiba aza wakaamba ati, “Umwe nubalushomo lushoonto! Nkamboonzhi mulaamba ati ambweni ncinkwa ncitwatabweza? 9#Mat 14:17-21Sa usunu tamuna kuteelelesha? Sa tamuzhibaluka ati mushinkwa shosanwe ndakasanina bantu bali shuulu shosanwe ulimwi ukuti, kwakezula intundu shinji shinji shabufwefwelenga? 10#Mat 15:34-38Inta kushinkwa shili ciloba ndakasanina bantu bali shuulu shili shone? Inzho mwakazuzha intundu shongaye shabufwefwelenga? 11Nciinzhi camukasha kuzhiba ati nshaamba shinkwa? Inzho amucenjele ku bumena bwaba Falisi uba Saduki!”
12Ubobo ba shiciiya bakazhiba ati tabuli bumena mbwaakaakubacenjezha pele kabacenjele kunjiisho shaba Falisi uba Saduki.
Pita Wamuzhiba Mesiya
(Maako 8:27-30; Luka 9:18-21)
13Inzho Jeso naakashika kubusena butewa ati Sizaliya Filipo, wakababuzha ba shiciiya ati, “Anu bantu balaamba ati ume ndi Mwanaa Muntu ndime ni?” 14#Mat 14:1, 2; Mk 6:14, 15; Lk 9:7, 8Bakaingula ati, “Bamwi balaamba ndiwe Johani Mupapatizhi, bamwi balaamba ati ndiwe Elaija. Bamwi balaamba ati ndiwe Jelemiya naa umwi wa bashinshimi.”
15Wakababuzha ati, “No umwe mulaamba ati ndime ni?”
16 #
Joh 6:68, 69 Saimoni Pita wakaingula ati, “Ndiwe Munanike wa Leza, Mwanaa Leza upona.”
17Jeso wakaingula ati, “Ulilonjelwe Saimoni Bajona,#16:17 Bajona:muci Giliki cilapandulula ati amwanakwe Jona nkaambo tooli mubili wabulowa wakuzubululila aza, pele ngu Taata uuli kwizeulu. 18Inzho bwasunu ndakwaambila ati ndiwe Pita, ubobo amwala wezu ngunkaazakila imbungano yangu, ubobo insana sha lufwu tashikaizundi. 19#Mat 18:18; Joh 20:23Ndakakupa maci a bwami bwa kwizeulu, kufwumbwa ncuukakaanga anshi ano u kwizeulu cilakaangwa. Ulimwi kufwumbwa ceco ncuukakaangulula anshi ano u kwizeulu cilakaangululwa.” 20Amane Jeso wakabalaililisha kwaamba batashimwini muntu naaba womwi ati ngu Munanike wa Leza.
Jeso Waamba Makani Aakupenga u Lufwu Lwakwe
(Maako 8:31; 9:1; Luka 9:22-27)
21Kuhwa ceco ciindi, Jeso wakakanka kubaambila ba shiciiya bakwe ati ulyeelele kuya ku Jelusalemu kwaamba akapenzhewe cini cini ku bakando bakando u ku bapaizhi bakando u balembi. Ulimwi wakabaambila ati ulyeelele kuyayiwa pele mu buzuba bwatatu ulakabushiwa. 22Ateelele bobo Pita wakamutola ambali ukukanka kumulemanina ati, “Pe pe Mwami ceco taceelele kukucitikila!” 23Jeso wakacinduluka wamulanjilila Pita u kumwaambila ati, “Ahwe awa Shaatani! Uli cilebyo kwangu nkaambo tuli kuluya lwa Leza, pele uli ku buntu.”
Kubweza Ciciinkano u Kucilila Jeso
(Maako 8:34; Luka 9:23-27; Johani 12:25)
24 #
Mat 10:38; Lk 14:27 Amane wabaambila ba shiciiya bakwe ati, “Muntu naa ulazanda kuncilila, alikake mwini abweze ciciinkano cakwe amana ancilile. 25#Mat 10:39; Lk 17:33; Joh 12:25Nkaambo kufwumbwa uzandisha kufwutula bumi bwakwe ulakabusowekelwa. Aze wezo usowekelwa bumi bwakwe ukaambo kangu ulakabuyana ulimwi. 26Anu impindu nzhi njaayana muntu kuti weehuba inshi yoonse amana wasowekelwa bumi bwakwe? 27#Mat 25:31; Inte 62:12; Bal 2:6Nkaambo Mwanaa Muntu ulakashika u baanjelo bakwe umbulemu bwa Ushi, ubobo ulakeza kupa bulumbu muntu woonse, kwiingaina u milimo yakwe njaakacita. 28Cini cini ndamushimwina ati ngubali bamwi ano batakaaluboni lufwu kabatana kumubona Mwanaa Muntu uleza mu bwami bwakwe.”
Currently Selected:
Matayo 16: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
