Matayo 10

Ba Shiciiya bali Ikumi Ubatwesha Bobile

(Maako 3:13-19; Luka 6:12-16)

1Jeso wakabeta ba shiciiya bakwe bali ikumi ubatwesha bobile kwaamba babungane, amane wabapa insana sha kutanda myoza mibiyabi usha kuponya malwazhi u shicisa shoonse. 2Mazhinaabo ngaaza, kutaanguna ngu Saimoni uutewa ati Pita, u Andulu munina, Jemusi u Johani munina banakwe Zebedi. 3Filipo u Basolomeyo, Tomasi u Matayo shimutelo, Jemusi mwanakwe Alufayasi u Tadayasi. 4Saimoni waku Kenani u Judasi Shikaliyoti, wakamwaaba Jeso.

Jeso Watuma bali Ikumi Ubatwesha Bobile

(Maako 6:7-13; Luka 9:1-6)

5Baba ba shiciiya bali ikumi ubatwesha bobile Jeso wakabatuma u malailile akuti, “Mutayi kubantu bakunze ulimwi mutakanjili mu munzhi waba Samaliya. 6Muye bulyo kumbelele shizhiminine shaŋanda ya Izilaili. 7Kamuya mukakambauce ati, ‘Bwami bwa kwizeulu buli afwaafwi!’ 8Amukabaponye balwazhi u bafwu mukababushe, amukabaponye ubashicinsenda ulimwi mukeekushe u myoza mibiyabi. Mwapewa bulyo, amwe amukape bulyo. 9Mutabwezi mali mushikwama shenu naaba a goludi naa a siliva naaba a mukuba. 10#1 Bako 9:14; 1 Tim 5:18Mutabwezi inkomo kumushinzo wenu niciba cikobelo cabili naa impato nuuba musako nkaambo shimilimo ulalya amulimo wakwe.

11“Kufwumbwa mu munzhi mumukaanjila amukalange muntu ngumukaabona ati ulyeelele kukalaamwe. Mukakale awo ngoona kushikila mukakuhwe koko. 12Mwakanjila muŋanda yezho, ‘Mukeeanzhe!’ 13Kuti balimo bakamutambule, luumuno lwenu lukabe abo. Na kuti batakamutambuli mukamuhwe u luumuno lwenu. 14#Inc 13:51Ulimwi kuti naa bantu bali u munzhi umwi bayina kumutambula naa kumuteelela, amukamuhwe mwamana mukalikunkumune lufwuko luli kumatende enu. 15#Mat 11:24b; Mata 19:24-28#Lk 10:4-12Cini cini ndamwaambila ati mu buzuba bwa lubeta, mulandu wa Sodomu u Gomola ulakaubauba kubaala wa munzhi wezo.”

Mapenzhi Eeza Kumbele

(Maako 13:9-13; Luka 21:12-17)

16 # Lk 10:3 “Amuteelele! Ndamutuma ukoya imbelele akati ka baumpe babutambo. Ubobo amucenjele ukoya inzoka ulimwi amulome ukubomba ukoya inzhiba. 17#Mk 13:9-11; Lk 12:11, 12; 21:12-15Amukabacenjelele bantu, nkaambo balakamutola mumbeta u kuya kumuuma mu shikombelo shaba Juda. 18Mulakatolwa ku beendelezhi u bami ukaambo kangu kwaamba mukambele bakamboni ku bantu bakunze. 19Bakamukwata mutakalibilici ati, anu tukaambe acani nkaambo ulakamupa ca kwaamba muciindi ncicona ceco. 20Nkaambo mazwi ngumukakaamba taali enu alakahwa ku Moza Usalala waka Ushenu, ulakaakwaamba muli umwe. 21#Mk 13:12; Lk 21:16Ku ciindi ceco munina ulakaaba munina kwaamba ayayiwe, abo bamaushabo balakacita umbona kubanabo abo bana balakabukila babazhele ukubayaya. 22#Mat 24:9; Mk 13:13; Lk 21:17; Mat 24:13; Mk 13:13Boonse balakamusula ukaambo kangu. Pele wezo ukakatila mpaka ku mamanino ulakafwutulwa. 23Kuti bakamupenzhe mumunzhi umwi amukalukancile kuli umwi. Cini cini ndamwaambila ati tamukaakuna ukuumaninzha mulimo wenu mu minzhi yoonse ya Izilaili Mwanaa Muntu ulaakushikile kale.

24 # Lk 6:40; Joh 13:16; 15:20 “Kwiina shicikolo ubaala a mwiiyi wakwe, naa muzhice ubaala shimatwanga wakwe. 25#Mat 9:34; 12:24; Mk 3:22; Lk 11:15Ubobo mwana cikolo ulyeelele kuba ukoya mwiiyi wakwe muluzhibo aze muzhice abe ukoya shimatwanga wakwe. Kuti mukamwini iŋanda balamwita ati Belizebule, inzho ba ŋanda yakwe balakababisha bisha buti?

Nguyelele Kutiya

(Luka 12:2-7)

26 # Mk 4:22; Lk 8:17 “Ubobo mutaakutiya bantu. Kwiina cihumbilwe citakaazubululwa, naa ciseseke citakaazhibwa. 27Ncindamwaambila mu mushinze amucibweelele lumwi lubala, uceco ncindamuhwiila amucaambile anduli shamaanda. 28Mutaakutiya babo bayaya mubili pele tabakonzha kuyaya moza. Amutiye wezo ukonzha kuyaya moza antoomwi umubili u mulilo utazhimi. 29Inta kayi bashikamimbya bobile balaulwa ili lyomwi, pele kwiina nikaba komwi katumimbya toto kakonzha kuwa anshi u kufwa Ushenu katezhi. 30Umwe lwenu ulyaabalile umasusu ali mumitwi yenu. 31Ubobo mutatiyi nkaambo umwe mulifwinwi kubaala bashikamimbya banji banji!

Kumuhumina Jeso

(Luka 12:8-9)

32“Kufwumbwa babo banhumina kaanzambwene ku bantu, ame ndakabahumina kaanzambwene kwa Taata uuli kwizeulu. 33#2 Tim 2:12Pele babo bankaka kaanzambwene ku bantu, ame ndakabakaka kaanzambwene kwa Taata uuli kwizeulu.

Ndiina Kuleta Luumuno Ndaleta Inkondo

(Luka 12:51-53; 14:26-27)

34“Mutatelaici ati ndaleta luumuno ano anshi. Pe pe ndiina kuleta luumuno ndaleta inkondo. 35#Mika 7:6Ndeza kwaandaanya mwana mweembezhi u ushi u mwana mushimbi u baina, umukamwana ubainazhala, 36ubobo ba shinkondonina muntu balakaba ba mukwashi wakwe. 37Babo bazandisha maushabo na manokwabo kubaala ume tabakonzha kuba ba shiciiya bangu, abo bafwinishi banabo balombwana na bakaintu kubaala ume tabakonzha kuba ba shiciiya bangu. 38#Mat 16:24; Mk 8:34; Lk 9:23Kufwumbwa wezo uutakonzha kubweza ciciinkano cakwe ukuncilila teelele kuba shiciiya wangu. 39#Mat 16:25; Mk 8:35; Lk 9:24; 17:33; Joh 12:25U babo bazandisha bumi bwabo balakabusowekelwa. Pele babo basowekelwa bumi bwabo ukaambo kangu balakabuyana.

Bulumbu

(Maako 9:41)

40 # Lk 10:16; Joh 13:20; Mk 9:37; Lk 9:48 “Kufwumbwa umutambula ati ame wantambula, aze wantambula ati wamutambula u wezo wakantuma. 41Kufwumbwa utambula mushinshimi ukaambo kakuti mushinshimi, ulakatambula aze bulumbu bwa mushinshimi. Ulimwi kufwumbwa utambula bulumbu bwamululami ukaambo kakuti mululami, aze ulakatambula bulumbu bwa bululami. 42Ulimwi kufwumbwa wezo uupa inkapu ya meenzhi kuli umwi wa bashoonto baba nkaambo kakuti ngu shiciiya wangu, cini cini wezo takabuli bulumbu.”

Currently Selected:

Matayo 10: ILL

Highlight

Copy