Matayo 11
11
Johani Mupapatizhi Watuma ba Shiciiya Bakwe Kwa Jeso
(Luka 7:18-35)
1Jeso naakamaninzha kupa malailile aza ku bashiciiya bakwe bali ikumi ubatwesha bobile, wakakuhwa koko waya u kuyiisha u kukambauka u minzhi yabo.
2Inzho Johani naakaakuli muntolongo, wakashiteelela nshaakaakucita Jeso, ubobo wakatuma ba shiciiya bakwe kwa Jeso. 3Bashike bakamubuzha ati, “Sa ndiwe uuzhiza naa tucilangila unji?” 4Jeso wakaingula ati, “Amubweele mukamushimwine Johani ncimuteelela uncimubona, 5#Aiz 35:5, 6; Aiz 61:1boofwu balabona, balema baleenda, bashicinsenda balapona, bacimpama bateelela, bafwu balabushiwa ubapushi balakambaucilwa Makani Mabotu. 6Ulilongelwe wezo utazuluzha makani angu!”
7Babweele bulyo ba shiciiya balya Jeso wakoobuzha mufwundi wa bantu ku makani aka Johani ati, “Anu nciinzhi ncimwakaya kubona mulukula? Sa ndubu lwa kaakuzungaana u muuwo? 8Naa pe, sa mwakaya kubona muntu usamine shisani shibonhwu bonhwu? Inta kayi babo basama shibonhwu bonhwu balakala mu maanda a bwami! 9Amwaambe, mwakaya ukubonaanzhi? Sa mwakaya kubona mushinshimi? Azo meni meni, pele mwakabona ubaala a mushinshimi. 10#Mal 3:1Nkaambo Johani nguwezo uambwa u maŋwalu aamba ati, ‘Leza wakaamba ati ndakatuma mutumwa ukaasolola kwaamba akubambile inzhila yako.’ 11Cini cini ndamwaambila ati, kwiina nikwakaakuli muntu uli ukoya Johani Mupapatizhi niliba liliye. Pele nikuba bobo wezo mushoonto mu bwami bwa kwizeulu mukando kubaala Johani. 12#Lk 16:16Kuhwa ciindi ca Johani Mupapatizhi kushika bwasunu bwami bwa kwizeulu bwenjila u mapenzhi, abo bashikuleta mapenzhi babubweza ca nsana. 13Nkaambo boonse bashinshimi u mulawo bakakambauka kushikila Johani naakazhiza. 14#Mal 4:5; Mat 17:10-13; Mk 9:11-13Ubobo naa mulazanda kwaashoma mazwi abo, Johani ngu Elaija uyelele kwiza. 15Inzho uli matwi ateelele!
16“Anu wezu musela wa bantu babwasunu mbakozhanye ukoyaanzhi? Bali ukoya bana bashite mucisambalilo boompolozhanya u beenzhiina ati, 17‘Twakamufwibila mitolilo pele mwiina nimwakazhana! Twakoomoka pele umwe mwiina nimwakalila!’ 18Johani naakashika katali nikuba kunwa bamane boonse bakaamba ati, ‘Ulinjililwe moza mubiyabi!’ 19Ashike Mwanaa Muntu, wakalya u kunwa, mumane kale noonse mwaamba ati, ‘Amubone wezu muntu! Mulyato ulimwi ngucakolwa, mweenzhiina bashimitelo u ba shishibi!’ Pele busongo bwa Leza bulalitondezha mu milimo yambubo.”
Minzhi Iitashomi
(Luka 10:13-15)
20Bantu ba mu minzhi mwaakacita maleele manji manji Jeso bayina nibakasanduka ubobo Jeso wakabalemanina waamba ati, 21#Aiz 23:1-18; Eze 26:1—28:26; Jow 3:4-8; Amo 1:9, 10; Zaka 9:2-4“Mulakapenga umwe nubana Kolazini! Mulakapenga amwe nubana Betisaida! Nkaambo kuti maleele akacitwa u minzhi yenu naakacitwa mu minzhi ya Taya u Sidoni, nibaakusamine kale masaka ukulibuwa itwe kutondezha ati basanduka kuhwa ku shibi shabo! 22Pele ndamwaambila ati mu buzuba bwa lubeta mulandu wenu ulakabiya kubaala wa Taya u Sidoni! 23#Aiz 14:13-15; Mata 19:24-28Aze u Kapenaumi sa ulazunga ati balakakutembaula kwizeulu? Pe pe ulakasowelwa kucikalilo cabafwu! Kuti maleele akacitilwa mwako naakacitwa mu Sodomu, ubwasunu wezu munzhi niwaakuciliko! 24#Mat 10:15; Lk 10:12Pele ndamwaambila ati mu buzuba bwa lubeta mulandu wa Sodomu ulakaubauba kubaala wenu!”
Amwize Kwangu Mulyookezhe
(Luka 10:21-22)
25Ncicona ceco ciindi Jeso wakakomba ati, “Ndakulumba Taata, u Mwami wa kwizeulu anshi, nkaambo wazubululila bantu bulyo shintu nshiwakasesekela basongo u bayiile. 26Imbubo bobo mbucakakwiinina Taata.
27 #
Joh 3:35;
Joh 1:18; 10:15 “Taata wakampa shintu shoonse. Kwiina naaba womwi umwizhi Mwana cita uwe u Taata ice. Ulimwi kwiina umwizhi Taata cita Mwana ulimwi u wezo ngwaazanda kuzubululila.
28“Kamwiza kwangu noonse numukatele u mwalemenwa nkaambo ndime inkamulemununa. 29#Jele 6:16Amulifwunge ijoko lyangu mwiiye kwangu nkaambo ndyumbonhwu monzo, mulakayana kulyoocezha. 30Nkaambo ijoko lyangu ndyubauba u mukuli wangu muubauba.”
Currently Selected:
Matayo 11: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
