Luka 10
10
Jeso Watuma Bantu bali Makumi Ciloba Ubatwesha Bobile
1Munshi lyaaza, Mwami wakasala bantu bali makumi ciloba ubatwesha bobile, wakabatuma bobile bobile kwaamba bamusololele kuya mu minzhi, umumasena oonse momo mwakaakuzanda kuya. 2#Mat 9:37, 38Wakabaambila ati, “Butebuzhi bwakomena, pele bashikutebula baceya. Ubobo amumukombe Mwami wabutebuzhi kwaamba atume basebezhi kwiza kutebula. 3#Mat 10:16Kamuya! Pele amubone ndamutuma ukoya bana ba mbelele akati ka baumpe. 4Mutabwezi shikwama sha mali, nishiba inkomo, nishiba impato. Ulimwi mutaakuya buzhimazhima munzhila kuya bwaanzhanya u bantu. 5Kufwumbwa muŋanda mumukeenjila, mukataangune kwaamba ati, ‘Luumuno lwa Leza alube muŋanda yezhi.’
6“Kwaakuli muntu uzanda luumuno muŋanda yezho, luumuno lwenu lulakakala kwakwe, kwaakwiina, lulakamuzhokela. 7#1 Bako 9:14; 1 Tim 5:18Muŋanda mumukeenjila, mukalye u kunwa kufwumbwa ceco ncibakaamupa, kaambo musebezhi ulyeelelwe boonzo bwakwe. Mutakaakuya mu maanda andeene andeene. 8Kufwumbwa mu munzhi mumukeenjila, kuti bakamutambule, mukalye kufwumbwa ceco ncibakaamusengelela. 9Mukaponye balwazhi bali mu munzhi wezo, ulimwi mukabaambile bantu ba mu munzhi wezo ati, ‘Bwami bwa Leza bwaswena afwaafwi kulyuumwe.’ 10#Inc 13:51Pele kufwumbwa mu munzhi mubatakaamutambuli, mukamuhwe, mukaye mu mikwakwa mukaambe ati, 11#Mat 10:7-14; Mk 6:8-11; Lk 9:3-5‘Ulufwuko lwamumunzhi wezu loonse lukakatile kumatende esu. Twalukunkumuna, kwaamba cibe cicenjezho nkumubele.’ Nikuba bobo amuzhibaluke ati, Bwami bwa Leza buli afwaafwi. 12#Mata 19:24-28; Mat 11:24; Mat 10:15Ndamushimwina ati, kubuzuba bwa lubeta, mulandu wa Sodoma ulakaceya kubaala wa munzhi wezo.”
Minzhi Iina Lushomo Yacenjezhewa
(Matayo 11:20-24)
13 #
Aiz 23:1-18; Eze 26:1—28:26; Jow 3:4-8; Amo 1:9, 10; Zaka 9:2-4 “Mulakapenga umwe numinzhi ya Kolozini u Betisaida! Kuti maleele akacitwa muli umwe, naakacitwa mu minzhi ya Taya u Sidoni, minzhi ya bantu batashomi, nibakabeba kale kale bulyo. Nibakasama masaka ukulibuwa itwe kutondezha buusu. 14Inzho ndamushimwina ati, mu buzuba bwa lubeta, Leza ulakatondezha luse kuminzhi ya Taya u Sidoni kubaala kulyuumwe. 15#Aiz 14:13-15Aze u Kapenaumi! Sa ulatelaika ati balakakutembaula kwizeulu? Pe pe, ulakasowelwa mukalambwe kamulilo utamana.” 16#Mat 10:40; Mk 9:37; Lk 9:48; Joh 13:20Ulimwi Jeso wakabaambila ba shiciiya bakwe ati, “Muntu uumuteelela, ati wanteelela, aze wezo uumukaka ati wankaka, ulimwi ati wamukaka Leza wakantuma.”
Kupiluka kwa bali Makumi Ciloba Ubatwesha Bobile
17Inzho balombwana bali makumi ciloba ubatwesha bobile mbaakaakutumine Jeso bakapiluka balibotelelwe. Bakamwaambila Jeso ati, “Mwami myoza mibiyabi keetuteelela nitwaakakwiikusha mwizhina lyako.”
18Inzho Jeso wakabaambila ati, “Ndakamubona Shaatani wakawila anshi ukoya lulabo. 19#Inte 91:13Amuteelele! Ndakamupa insana shakuzunda shinkondonokwenu, mulakalyata bazoka utupilili, tamukalicisa pe. 20Nikuba bobo mutatangala nkaambo bamuteelela. Pele amutangale ukuti mazhina enu alilembelwe kwizeulu.”
Jeso Watangala
(Matayo 11:25-27; 13:16-17)
21Inzho ngoona aciindi awo, Jeso wakatangala mu Moza Usalala waamba ati, “Ndakulumba Taata, U Mwami wezeulu iinshi, nkaambo wazubulwila bana bashoonto shintu nshiwakaseseka kubasongo uba shimaanu. Imbubo Taata ukuti waakuzanda ati cibe bolya.
22 #
Joh 3:35;
Joh 10:15
“Ndakapewa shintu shoonse kwa Taata. Kwiina naaba womwi umwizhi Mwana, cita Taata. Ulimwi kwiina umwizhi Taata, cita ndi Mwana u babo boonse mbakasala Mwana kwaamba abazubulwile.” 23Inzho Jeso wakacindulucila ba shiciiya bakwe wahwiya ati, “Mulilonjelwe umwe numubona shintu sheshi nshimubona. 24Nkaambo cini cini ndamushimwina ati bashinshimi banji banji ubami, kabazandisha kubona sheshi nshimubona, pele bayina nibakashibona, ulimwi kabazandisha kuteelela aza ngumuteelela, pele bayina nibakaateelela.”
Cikozhano ca Musamaliya Mubotu
25 #
Mat 22:35-40; Mk 12:28-34 Inzho muntu umwi shimulawo, wakeza kwa Jeso wakamubuzha mubuzho wakumuteya ati, “U mwiiyi, no ncinzhi ncinjelele kucita kwaamba nkayane bumi butamana?”
26Jeso wakamubuzha ati, “No kulilembelwe buti mu maŋwalu? Ulapandulula buti?”
27 #
Ciz 6:5;
Bale 19:18
Wezo muntu wakaingula ati, “Fwuna Mwami Leza wako u monzo wako woonse, u moza wako woonse, iinsana shako shoonse, u matelaishi ako oonse, ulimwi fwuna Shimukobonoko mbubona mbuulifwini umwini.”
28 #
Bale 18:5
Inzho Jeso wakamwaambila ati, “Waingula kabotu, ucite umbona bobo ulakayana bumi butamana.” 29Pele walo shimulawo mbwaakaakuzanda kuliboshezha, wakamubuzha Jeso ati, “No nguni shimukoboma?”
30Jeso wakamwiingula ati, “Kakuli muntu wakahwa ku Jelusalemu kaya ku Jeliko. Munzhila bakamukwata bafwumpi, bamuuma ukumusamununa shakusama. Bamane baya bamushiya uliwizukile. 31Inzho umwi mupaizhi kaya bweenda munzhila njiyona yezho, naakashika abusena awo, wakabona muntu ulilele, pele wakazeeluka kumabali waya wamushiya. 32Umbona bobo, aze mu Levi nakashika awo abusena wakoombona muntu wezo ulilele, amane wazeeluka kuluya lumwi wamushiya. 33#2 Maka 28:15Pele Musamaliya wakaakuya bweenda munzhila yezho, wakashika awo abusena, naakamubona wezo muntu, wakamufwila intenda. 34Wakaya ngakaakulele, wamutila mafwuta u waini ashilonda ukumuzambaila shisani ashilonda shakwe, amane wamukatula wamubika ambongolo yakwe wamutola kuŋanda ya beenzu kuya kumubamba. 35Mu buzuba bwakacilila, Musamaliya wakapa mweendelezhi waŋanda ya beenzu mali obile a muwaya waya, wamwaambila ati, Umubambe muntu wezu, ndakapiluka ndakakuzholela kufwumbwa mali nguukasebezha.”
36Inzho Jeso wakamaninzha u kubuzha shimulawo ati, “No nguni abantu baba botatwe nguutelaika ati wakalitondezha kwaamba ngushimukobonina uwelya muntu ngubakauma bafwumpi?” 37Shimulawo wakaingula ati, “Nguwelya wakamutondezha luse.” Aze Jeso wakamwaambila ati, “Koya ukacite mbubona bobo.”
Jeso Wabaswaya ba Malita u Maliya
38 #
Joh 11:1
Inzho Jeso u ba shiciiya bakwe nibakaakuya bweenda mulweendo lwabo, bakashika mu munzhi mwakaakuhwa mukaintu uutewa ati Malita. Wezu mukaintu wakabatambula muŋanda yakwe. 39Malita kakwete munina mukaintu, izhina lyakwe kali Maliya, wezu mukaintu, wakakala kumbali kwa Jeso kapupulala kuyiisha kwakwe.
40Ku ciindi ceco Malita wakapakasha ku milimo njakaakucita. Inzho wakaya kwa Jeso wamwaambila ati, “Mwami, sa tubwene ati mukwesu wandekelezha milimo? Mwaambile azhize anjohwe.”
41Mwami wakamwiingula ati, “Malita, Malita! Upengelaanzhi ukulipakashizha shintu shinji shinji?”
42“Pele kuli cintu comwi bulyo cizandika. Maliya wasala cintu cibotu, ciina ukaamunanga.”
Currently Selected:
Luka 10: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
