1 Bakolinto 5

Bumambe mu Mbungano ya Leza

1 # Ciz 22:30 Cini cini ndakateelela makani aatonda aakuti, kuli bumambe akati kenu. Bumambe butayanwa naaba akati ka bantu bakunze pe. Ndakateelela ati muntu umwi ulanjila muŋanda yamukooshi. 2Pele mwamana mulalisumpula! Inta kayi mulyeelele kubiilwa ulimwi ukumukusha akati kenu wezo wakacita citonda cili bobo!

3Nikuba ati nshili amwe ku mubili, pele ku moza ndili kale amwe, ndamubeteka kale muntu wezo wakacita citonda ukoya tuli amwe 4mwizhina lya Mwami Jeso, mwakabungana, ame ndakaakuli amwe ku moza antoomwi insana sha Mwami wesu Jeso, 5muntu wezo mukamwaabe kunsana shaka Shaatani, mubili wakwe ukazonaunwe. Pele moza wakwe ukafwutulwe mu buzuba bwakashika bwa Mwami.

6 # Bag 5:9 Kulisumpula kwenu takuli kubotu pe. Sa tamwizhi ati, “Bumena bushoonto bulafwutumusha cikandekande ca cinkwa coonse?” 7#Kul 12:5Noombukushe bumena bwakalekale kwaamba mube cikandekande cipiya, ndizhi kale ati mbumubele. Nkaambo, Kilisito, uutewa ati ngu Mwanaa Mbelele we Pobwe lya Kwiitilila, wakayaiwa kale. 8#Kul 13:7; Ciz 16:3Ubobo atusekelele ipobwe lyesu, tutasebezha bumena bwakalekale bwabubiyabi ukubiya monzo, pele ucinkwa ciina bumena, monzo mubotu u lushinizho.

9Ndakamulembela mu luŋwalu lwangu ati, mutateelezhanya u bashimamambe. 10Takuli kwaamba ati mutateelezhanya u bantu boonse anshi ano batewa ati mbubashimamambe, bashindya, bafwumpi nibaba bashikukomba shibumbwa. Nkaambo kuti nikwaakuli bobo, nimwataakuli anshi ano. 11Pele inzho ndamulembela ati na kuli muntu naaba womwi waamba ati mushomi, pele kali shimamambe na shindya na shikukomba mizhimu na shimatushi na cakolwa naaba mutewu, muntu wezo uli bobo, tamweelele nikuba kulya aze pe. 12#Ciz 13:5; 17:7Sa kubeteka bantu bakunze mulimo wangu? Sa umwe tamweelele kubeteka bashomi nokwenu babisha? 13#Ciz 13:5; 17:7; 19:19; 22:21, 24; 24:7 Leza nguubeteka bakunze babo, mbuli mbwaamba Malembe ati, “Amumukushe muntu wezo mubiyabi akati kenu.”

Currently Selected:

1 Bakolinto 5: ILL

Highlight

Copy