1 Bakolinto 4

Batumwa baka Kilisito

1Mbubolya mbumweelele kutelaika, kwaamba ati tuli babanzhi bakwe Kilisito, ulimwi tuli basebezhi bakambauka makani maseseke a Leza. 2Inzho cizandika kubashikubanza ncakuti balyeelele kushomeka. 3Pele ume lwangu ndimwini, ndiina makani nikuba kuti ndabetekwa amwe, niikaba inkuta ya bantu. Nikuba bobo, nshilibeteci ndimwini pe. 4Ndiina cinkopa mu monzo wangu, nikuba bobo tacaamba ati ndiina mulandu pe. Mwami nguumbeteka. 5Ubobo mutabeteci muntu kacitana kushika ciindi ceelele, katana kushika Mwami. Walo ulakazubulula shintu shisesece shili mu mushinze u makanze oonse ali mu myonzo ya bantu. Ubobo muntu umuntu ulakatembaulwa u Leza mbuli mbwaayelele.

6Inzho nubakwesu, ndaamba shintu sheshi sha Apolosi ame ukaambo kenu ati mwiiye nkutubele kaambyo ncikapandulula kaamba ati, “Amucilile cilembelwe umbona mbucilembelwe mutaitilizha.” “Amucileke ciyanza cakulisumpula akati kenu ukaambo” kakuti nubamwi mulacilila umwi kunyansha umwi. 7Anu nguni wakamupa bukando kubaala bamwi? Sa tali Leza wakamupa shintu shoonse nshimukwete? Naa mwakapewa bulyo, no kaamboonzhi mulalisumpula a shintu nshimwakapewa bulyo?

8Sa nkukwaamba mwakwata kale shintu shoonse shizandika? Sa mwahuba kale? Sa mwaba bami uswe katutana? Nicaakuli cibotu kuti nimwaakuli bami nkaambo nitwaakweendelezha antoomwi amwe. 9Nciceco ncindabona kwaamba ati uswe tubatumwa Leza wakatubika munshi kumanuma, ukoya mbantu bapewa mulandu wa lufwu. Twaba ukoya cintu cakweebela ku shilenje shoonse, ku baanjelo uku bantu. 10Uswe tuli balimbushi nkaambo ka Kilisito, pele umwe muli basongo nkaambo mulikamantene u Kilisito. Uswe tulilengucile, pele umwe muli bazumu. Umwe mulalemekwa, uswe tulasampaulwa. 11Kushicila ku ciindi ceno tulafwa inzala iinyota, twiina shakusama, tulaumwa ukutuntulika. 12#Inc 18:3Tulasebeza cini cini kwaamba tuyane shizandika. Ku ciindi bantu nibatwaamba shibiyabi, tulabalonjezha. Ciindi nibatupenzha tulaliinza bulyo, 13ciindi nibatutamikizha, tulalifwiinsha bulyo ukwiingula ca lufwuno. Kushicila uceno ciindi tulasampaulwa ati tuli ifwushungu lyaanshi yeno, ulimwi bantu balitubicile kuba itombe.

14Ndamulembela aza makani kutali kumuusha insoni pe, ndamubula bulyo, mbuli banangu banakufwunwa. 15Nikuba bobo, cilakonzheka kwaamba ati mulikwete ba maayi banji banji umbumi bwenu bwabu Kilisito. Pele bama ushenu tabali banji banji pe. Ume ndakaba ukoya ushenu umbumi bwenu mu lukamantano u Kilisito, nkaambo ndakamukambaukila Makani Mabotu. 16#1 Bako 11:1; Bafi 3:17Inzho ndamulomba, amunjiye ume. 17Ubobo ndaamutumina Timoti, mwanangu ushomeka mu Mwami, kwaamba amuzhibalushe inzhila shangu mwa Kilisito, shesho nshinjiisha umasena oonse mu mbungano shoonse.

18Bamwi balalisumpula, ukoya nshikezi linji koko. 19Pele ndeza koko ca kufwambaana naa Mwami camubotela, ndilelyo ninkaazhiba nshibakonzha kucita babo balisumpula, ukutali bulyo shesho nshibaamba, 20nkaambo bwami bwa Leza tabutondezhewa u kwaamba mazwi bulyo pe, pele bulabonwa kwiita munsana. 21Inzho amusale ncimuzanda. Sa nkezhize koko u musako, na u monzo wa lufwuno wakulifwiinsha?

Currently Selected:

1 Bakolinto 4: ILL

Highlight

Copy