GIMA 9
9
Dee osoko ha̧ Sɔ̧
1Gima ko David ha̧ wan-duk-zu-gima; gima nɛ̀ mɔɔ-dɔm in kunde.
2Mi tɛ de osoko h’ɛ́nɛ́ nɛ̀ see-am lɛŋ, GASA WAN,
mi tɛ zɔn o demɔ k’ɛ́nɛ́ lɛŋ.
3Mi de nɛ nyɛŋɛ wen desee kɔ‘m duk tɛ‘nɛ́;
mi bíí nɛ gima zɔn nɛ̀ nin'nɛ́, Sɔ̧ nɛ̀ duk ŋgɔn mɛ.
4O wisɛn kɔ‘m yu nɛ mɔ yak;
wa tira yɔɔ-mɔ ɓɛɛ wa fe ti'nɛ́‘i.
5Ɛnɛ duka so zu damti-ɓa-wen k’ɛ́nɛ́
kɛ̧ nɛ̀ mgbara wen kɔ‘m nɛ yuwar-a
wen gɔna-kita k’ɛ́nɛ́ duk nɛ yuwar-a.
6Sɔ̧, ɛ́nɛ́ nasa o wi nɛ iŋ‘nɛ na,
ɛ́nɛ́ kuma o wi-de-ŋgazu,
ɛ́nɛ́ bìì nin-wa yinɛ kpoo nɛ kpoo.
7Ŋgai ko o wisɛn kaɗa kaɗi, mɔ kɔ-wa ɗaŋa nɛ oi;
ɛnɛ ɗaŋa o gasa ye kɔ-wa
nɛ̀ tɛ-wi beka mbaŋ ɗoŋ o ye nɔ‘i ɓɔna.
8GASA WAN tɛ duk zu damti kɔ‘i ɓɔnsɛnɛ;
a̧ ɗafa damti wen gɔna kita kaɗi.
9A̧ tɛ ɓa wen zu nù'ɛ tɛ deemɔ nɛ yuwar-a kɔ̧-a̧;
a̧ tɛ gɔn kita zu o dukbíí nɛ yuwar-a.
10GASA WAN a̧ duk nɛ́ fara-hu̧si-tɛ ko o wi-bɔnɛ;
a̧ a̧ duk nɛ́ de ŋga fara-hu̧si-tɛ kɔ-wa tɛ ŋgimbi-bɔnɛ.
11O wi-iŋ-nin'nɛ́ a̧ e ta nɛ̀ ɛnɛ, GASA WAN;
wen k’ɛ́nɛ́, bó nɛ́ ɛ́nɛ́ e o wi-kii'nɛ́ ee duk na.
12Ɛ̀nɛ̀ bíí gima zɔn nɛ GASA WAN nɛ duk kɔ‘i zu
Kaya Siɔŋ mɛ‘i;
ɛ̀nɛ̀ wé ɗoŋ o gasamɔ kɔ̧-a̧ ha̧ o dukbíí.
13A̧ e ha̧ tɔk-tɛ bíí mɛ a nù sɔɔ géè na;
tɛ-a bi ɗoŋ aia-nú ko o wi-kɔsa na mbɛt.
14GASA WAN, ɛ̀nɛ̀ dé ko ha̧‘m, ɛ̀nɛ̀ zɔ́k bɔnɛ kɔ‘m.
Ɛ́nɛ́ baa'm nú fio yinɛ
15ha̧‘m mɛ zɔn gasamɔ k’ɛ́nɛ́ sɛn nú tua ko boko be Siɔŋ;
mi duk nɛ̀ desee wen n’ɛnɛ kpasa'm.
16O wi nɛ̀ iŋ Sɔ̧ na aia a kɔ̧ lim nɛ̀ wa gɔna nɛ̀ tɛ-wa;
wa baa pɛ́r kɔ-wa nɛ̀ wa tuia nɛ̀ er-wa.
17GASA WAN dee ha̧ o bíí mɛ iŋ a̧ tɛ gɔna kita kɔ̧-a̧;
wi-ŋgazu dee tom kɔ‘i,
ɓɛɛ nɛ mɔ'ɔ nɛ GASA WAN dee ha̧ tom'i mɛ hɛr a̧ woyo.
18O wi-ŋgazu, o wi nɔ‘i lɛŋ nɛ̀ tɛ-wa bìí ɗoŋ Sɔ̧'ɛ,
wa a̧ si ɗoŋ si ye ko o fio;
19wen tɛ-wi beka bi ɗoŋ o wisan na ɓɔnsɛnɛ,
ee-ta ko o wi-kɔsa nɛ̀ Sɔ̧ beka ɓɔn sɔɔ géè na mbɛt.
20GASA WAN, ɛ̀nɛ̀ mísí̧ in wa ɓɛɛ ká ŋma bíí gan zu'nɛ́ na!
Ɛ̀nɛ̀ gɔ́n kita zu o wi-iŋ‘nɛ́ na.
21GASA WAN, ɛ̀nɛ̀ pí̧ gasa kíì tɛ o wi-iŋ‘nɛ́ na,
ɛ̀nɛ̀ úsí ha̧ wa ndé, wa nɛ́ géé bíí sɔɔ géè.
Currently Selected:
GIMA 9: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
