GIMA 8

Gasamɔ ko Sɔ̧

1Gima ko David ha̧ wan-duk-zu-gima; ger gima'i ndak nɛ ɗoŋ tiger gima ko Gat.

2GASA WAN, Sɔ̧ k’ɛɛ,

nin'nɛ́ ɔ hura zu nù'ɛ lɛŋ!

O be geɗek bem in o zɔɗi-bem

3bíí nɛ gima zɔn nɛ̀ gasamɔ k’ɛ́nɛ́

nɛ̀ a̧a̧ nɛ̀ ɗoŋ yiwese ŋgɔn mɛ.

Ɛ́nɛ́ mboo ŋga fara k’ɛ́nɛ́ gɔn nɛ ti o wi-kur-zu'nɛ́

h’ɛ́nɛ́ mɛ gan o wisɛn in o wi-de-ŋgazu.

4Kà‘m ba yí‘m si yiwese, kà‘m zɔk tom k’ɛ́nɛ́ n’ɛnɛ dea,

kà‘m zɔk o sɔra in nyaŋa-zɛ n’ɛnɛ aa nɛ war-a,

ɓɛɛ mi taa mɔ:

5Bíí nɛ́ ge s’ɛnɛ ta mɔ wen-aa’ɛ ge?

Bem ko Adam so nɛ́ o s’ɛnɛ yɔ ŋgimbi k’ɛ́nɛ́ wen-aa ge?

6Ɛnɛ dee bíí, ɓɛɛ a̧ tɛ̀ɛ́ nyɛm ŋmaa in'nɛ̀ɛ́ ɓɔn,#8.6 texte tɔ̧a: ɛ́nɛ́ dea a̧ oi-aa ŋgɛ́lɛ́k ha̧ a̧ mɛ́ nyɛm ŋmaa in sɔ̧. Zia-a kó o ŋma bíí‘e sɔ̧ tɔ̧́ nɛ́ o bétom mɛ́ yiwese, kóó kiitɛ Sɔ̧ nɛ̀ see-zu, kóó o ŋma sɔ̧ mbɛt.

wen ɛnɛ zika a̧ nɛ̀ zɔnamɔ in gasamɔ k’ɛ́nɛ́.

7Ɛnɛ ea a̧ mɛ ɔ wan zu mɔ n’ɛnɛ dee nɛ er'nɛ́;

ɛnɛ ee o mɔ lɛŋ ɗɔɔ ŋgai#8.7 ɗɔɔ ŋgai: texte tɔ̧ɔ̧ nɛ́ ti ɗɔɔ naŋ-a. kɔ̧-a̧.

8O sami in o ndai lɛŋ,

ká bá nɛ̀ o saɗi-zaŋbɛɛ,

9o nɔ̧́í̧ mɛ yiwese gu nɛ o zoro

nɛ̀ yar nɛ ɗɔɔ gba-tɔp, ɛnɛ aa wa lɛŋ ɗɔɔ naŋ-a.

10GASA WAN, Sɔ̧ k’ɛɛ,

nin'nɛ́ ɔ gasa zu nù'ɛ lɛŋ!

Currently Selected:

GIMA 8: GB11DC

Highlight