GIMA 5
5
Kɔfa-sɔ̧ wen pɛma tɛ
1Gima ko David ha̧ wan-duk-zu-gima; gima nɛ o mɔɔ-dɔm.
2GASA WAN, ɛ̀nɛ̀ zíí wen kɔ‘m!
Ɛ̀nɛ̀ tá mɔ zu gɔfamɔ kɔ‘m.
3Ɛ̀nɛ̀ yéŋ zer'nɛ́ tɛ sara kɔ‘m zii nɛ tiger-am,
Wannu kɔ‘m, Sɔ̧ kɔ‘m!
GASA WAN, nɛ́ ɛnɛ a̧‘m kɔfi!
4Mi iŋa ɛnɛ zii tiger-am zii ɓɔnsɛnɛ mɛ tutuyɛ!
Mɛ gɔna-ndaa-zan mi ɗafa mɔ pɛm nɛ̀ ɛnɛ,
ɓɛɛ mi zɛma'nɛ́.
5Ɛ́nɛ́ nɛ́ Sɔ̧ nɛ kɔ̧ ɗaŋmɔ na!
O wi-ɗaŋ bó nɛ́ bíí k’ɛ́nɛ́ na,
6o wi-ŋmaŋ-tɛ beka yor ti'nɛ́ na.
Ɛ́nɛ́ sɛna o wi-de-mɔ de na lɛŋ!
7Ɛ́nɛ́ gbɛ o wi-ndela gbɛɛ.
GASA WAN sɛna o wi-gbɛ-zu
in o wi-ɔr-mɔ kai nɛ̀ mɔ er bíí.
8Kɔ‘m, nɛ́ tɛ̀ gasa kɔ̧ɔ̧mɔ k’ɛ́nɛ́ a̧‘m yee nɛ tua k’ɛ́nɛ́!
Nɛ́ mɔ'ɔ n'am yuu kíí‘nɛ́ gu nù ti'nɛ́ sɛn kɔ̧ sa̧a̧ tua k’ɛ́nɛ́.
9GASA WAN, tɛ deemɔ k’ɛ́nɛ́ nɛ yuwar-a ɛ̀nɛ̀ mgbɔ́‘m,
wen o wisɛn kɔ‘m pɛm nɛ‘m;
ɛ̀nɛ̀ ɗáfí yuwar k’ɛ́nɛ́ sɛn ti'm.
10Ŋma kpasawen bo kɔ̧ nú o wi nɔ‘i na;
mɔ kɔ-wa lɛŋ nɛ́ gbɛɛ-zu,
kɔ̧ war ger-wa nɛ́ pɛsi-fio mgbóm-mgbóm,
wen mɛ kɔ̧ nú-wa lɛŋ nɛ géé yɔka-wen.
11Sɔ̧, ɛ̀nɛ̀ gɔ́n kita zu wa
ha̧ ee-nú kɔ-wa mɛ tik zu-wa woyo;
ɛ̀nɛ̀ ndák wa yinɛ wen ɗaŋmɔ kɔ-wa yaka zale,
in wen kura-a nɛ wa kur zu'nɛ́‘i.
12O wi nɛ hu̧si ká̧ tɛ‘nɛ́ a̧ ya nɛ desee,
wa a̧ de tortɛ ɓɔnsɛnɛ!
O wi nɛ kɔ̧ɔ̧ nin'nɛ́ de nɛ́ nyɛŋɛ
wen ɛ́nɛ́ nɛ wan-pɛm-wa.
13GASA WAN, nɛ́ ɛ́nɛ́'ɛ tok de yoŋgo
zu o wi-de-mɔ nɛ yuwar-a.
Ɛnɛ ɓora wa nɛ dee demɔ k’ɛ́nɛ́
hee mɔ'ɔ nɛ ŋgee kpe nɛ ɗoŋ wi’ɛ ga.
Currently Selected:
GIMA 5: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
