GIMA 4
4
Kɔfa-sɔ̧ mɛ ga̧a̧mɔ
1Gima ko David ha̧ wan-duk-zu-gima; gima nɛ kunde.
2Kà‘m sá mɔ sitɛ‘nɛ́, ɛ̀nɛ̀ kífí nú ha̧‘m,
Sɔ̧, wan-gɔn-kita kɔ‘m!
Kà mɔ bá tɛ‘m, ɓɛɛ ɛ̀nɛ̀ kpásá‘m.
Ɛ̀nɛ̀ dé ko ha̧‘m, ɛ̀nɛ̀ zíí kɔfa-sɔ̧ kɔ‘m.
3O bíí, ɛ́nɛ́ é bɔɔ gasamɔ kɔ‘m tɛ geemɔ
ɗoŋ-aa nyɛi̧ hegɔ'ɛ wen ge?
Wen ge s’ɛnɛ ndak ɗoŋ geemɔ in ɔramɔ hegɔ'ɛ ge?
4Ɛ̀nɛ̀ íŋ nde, GASA WAN nɛ́ wan-yor-ɗoŋ o sɛm kɔ‘i!
GASA WAN zii saa-sara kɔ‘m zii.
5Tɛ‘nɛ́'ɛ nak ɓɛɛ k’ɛ́nɛ́ de ɗaŋmɔ ɓɔna!
Ɛ̀nɛ̀ ɔ́ nù gɔn gado k’ɛ́nɛ́ sɛ́ɛ́m ɓɛɛ ɛ̀nɛ̀ tá mɔ.
6Ɛ̀nɛ̀ ɗáfí sɔ̧ nɛ yuwar-a!
Ɛ̀nɛ̀ é ta nɛ̀ GASA WAN.
7Ɓɛɛ o bíí nɛ dɔka-a hee ge nde:
«Nɛ́ o'o tɛ de h’ɛ́ɛ́ mɛ duk tɛ bɔtɛ o?
GASA WAN, ɛ̀nɛ̀ zɔ́k yɛ nɛ̀ de yí.»
8Desee n’ɛnɛ pi̧i̧ kɔ̧ see-am gana
tortɛ-nyɔŋmɔ in mbe dɔ̧ɔ̧ kɔ-wa nɛ ya nɛnɛ lata lata'i.
9Mi ɔ nù nɛ fee-see ɓɛɛ ɓan na ya baa yí‘m
wen GASA WAN, nɛ́ ɛnɛ'ɛ pɛm am.
Currently Selected:
GIMA 4: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.