GIMA 15
15
Mɔ nɛ Sɔ̧ kii tɛ bíí
1Gima ko David.
Ho! GASA WAN, wi nɛ̀ nyɛma mɛ ye tua k’ɛ́nɛ́ nɛ́ o?
O'o nyɛma mɛ ɔ ye zu sa̧a̧ kaya k’ɛ́nɛ́ o?
2Kànà nɛ́ wi nɛ̀ naŋanɔ kɔ̧-a̧ ɔ tana,
nɛ̀ de mɔ nɛ yuwar-a,
nɛ̀ tɔ̧ kpasawen nyɛm nɛ̀ ɗoŋ taamɔ mɛ kɔ̧ see-aa;
3n'aa kai ndaa-wi nɛ ɗoŋ na,
nɛ̀ de ɗaŋmɔ in nya-a̧ na,
nɛ̀ pi̧ foe tɛ ŋma-a na mbɛt;
4wi’ɛi e kɔ‘i wi nɛ̀ Sɔ̧ bɛ̧a̧ hee geemɔ ga,
ɓɛɛ a̧ tu̧ kɔ̧-a̧ nɛ́ tɛ o wi-yu GASA WAN.
Kà a̧ kán mɔ kaɗi, kóó ge mɔ ge,
a̧ tɛ de mɔ‘i, a̧ kafi ɓɔna;
5a̧ ha̧ nyamandoi ha̧ o bíí wen kpaa yí-mɔ e zu-a na,
a̧ kpɛk ha̧ bíí mɛ ye a̧ nɛ̀ sede
ha̧ a̧ mɛ duk wi-sedaako ndela na.
Wi nɛ de mɔ hegɔ tɛ yor nɛ nɔa-a ɓɔnsɛnɛ.
Currently Selected:
GIMA 15: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
