GIMA 12
12
Kɔfa-sɔ̧ mɛ gbak wi
1Gima ko David ha̧ wan-duk-zu-gima; gima nɛ̀ kunde nɛ̀ nyak-aa mɔɔrɔ-ɗoŋ-taar.
2Ɛ̀nɛ̀ kpásí yɛ, GASA WAN!
O wi-mbo-zu h’ɛ́nɛ́ bo ɓɔna;
kpasawen bo mgbara bíí ɓɔna.
3Bíí lɛŋ nɛ́ wi-ndela ɗulugbuk a zu ŋmaa;
wen kɔ-wa kànà nɛ́ ndàrá-nú géè ɓɛɛ;
wa nɛ́ o wi nɛ̀ a̧a̧ nɛ see yiitoo.
4GASA WAN a̧ ɓir ndàrá-nú-tɔ̧ ɗaŋ wen nɔ‘i pi̧ nù;
a̧ a̧ ŋman leɓe-tɔ̧-wen ŋmaŋ-tɛ nɔ‘i yinɛ mbɛt.
5Tɔ̧ɔ̧-wen ko o wi-duk-tɛ nɛ̀ leɓe ndé,
ŋgai kɔ‘i nɛ́ leɓe, ndàrá-nú nɛ́ mɔ kɔ‘i,
o'o tɛ gan wi o?
6Sa GASA WAN tɔ̧ ndé:
o wisan nɛ́ mɔ'ɔ nɛ̀ wa kai nɛ́ mɔ er wa’ɛ;
o wi-mɔka-see nɛ́ mɔ'ɔ nɛ̀ ai nɛ̀ nú'ɛ;
kinii mi tɛ kur mɛ ye ɗoŋ wa.
Mi tɛ kpasi o wi nɛ̀ kii mɛ kpasi.
7Wen ko GASA WAN nɛ́ wen nɛ̀ ɔ sa̧a̧ nyɛmna;
wen kɔ̧-a̧ hɔɔ ŋmaa in bu-mbɔi nɛ‘i nɔi̧a
war mɔɔrɔ-ɗoŋ-yiitoo ha̧ ndiŋ mɛ yu sɛnɛ.
8GASA WAN, nɛ́ ɛnɛ'ɛ pɛm yɛ nɛnɛ ɓɔnsɛnɛ
wen ká deemɔ ko o ɗaŋ tugun bíí nɔ‘i tɛɛ ndaɗi yɛ.
9O wi-ɗaŋ yar kpamdal dam fara lɛŋ;
ɓɛɛ o bíí zaŋnu ndak nɛ ɗoŋ ɗaŋ taamɔ kɔ-wa'i.
Currently Selected:
GIMA 12: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
