GIMA 11
11
Ee-ta nɛ̀ GASA WAN
1Gima ko David ha̧ wan-duk-zu-gima.
GASA WAN nɛ́ fara-hu̧si-tɛ‘m.
Wen ge s’ɛnɛ tɔ̧‘e,
a̧‘m yu mɔ yak hee nɔ̧́i̧ ga si zu kaya mɛ, ge?
2Ɛnɛ‘e à̧‘m zɔ́k o wi-ɗaŋ nɛ́ mɔ'ɔ nɛ̀ ŋgasi ti tum mɛ zɛk-zɛk
nɛ̀ góò mɛ pi̧ nɛ̀ o wi-de-mɔ nɛ yuwar-a wó‘i,
3ɓɛɛ ɛnɛ tɛɛ tɔ̧ woyo ndé, kà naŋ tua nɛ́ gbina,
ɓɛɛ wi-de-mɔ nɛ yuwar-a tɛ de nɛ̀ tɛ hee ge nde wó‘i,
gba̧a̧ wen'i bɔɔ hee ge?
4GASA WAN a̧a̧ kɔ̧ sa̧a̧ tua kɔ‘i;
damti kɔ̧-a̧ a̧a̧ yiwese mɛ.
Yí-a kɛ̧i̧ nɛ mɔ pii mbɔɗɔnu zu o bezaŋ Adam.
5Yí GASA WAN a̧a̧ zu wi-de-mɔ nɛ yuwar-a in wi-ɗaŋ mbɛt;
a̧ sɛna wi-ɗaŋ pi̧ er tɛ wee.
6A̧ tɛ gbai kɛ̧i̧-wee nɛ oi baraadu a zu o wi-ɗaŋ,
ɓɛɛ ŋga wee gba-búk tɛ duk nɛ́ mɔɔ-nɔ kɔ-wa.
7GASA WAN nɛ́ wi-de-mɔ nɛ yuwar-a;
a̧ kɔ̧ɔ̧ nɛ́ deemɔ nɛ̀ yuwar-a,
ɓɛɛ wi-de-mɔ nɛ̀ yuwar-a tɛ zɔk sɔnti-a.
Currently Selected:
GIMA 11: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
