1 KEE ƁƏ 25
25
Za ma woŋra tǝnjuŋ yaŋ Masǝŋ
1David ne zaluu Lewitien syenra za ki daga morsǝ̃ǝ Asaf, Heman, ne Jedutun ka mo joŋra yeɓ pǝ cok juupelle, ka mo cuura ɓǝ Masǝŋ tǝkine woŋ tǝnjuŋ zahrãa ne tǝnjuŋ makolle. 2Tǝɗii za mai mo syenra ra ɓo ka joŋ yeɓ ah a naiko: Wee Asaf: Zakkur, Yuseɓ, Netania, ne Asarela. Pa ɓǝǝ ye pa kal pel ɓǝǝra. A cuu ɓǝ Masǝŋ tǝgbana goŋ mo faa ɓo.
3Wee Jedutun yea: Gedalia, Zeri, Jesaia, Syimai, Haskabia, ne Matatias, pa ɓǝǝ ye pa kal pel ɓǝǝ ta, a cuura ɓǝ Masǝŋ tǝkine woŋ tǝnjuŋ zahrãani, so a ɗǝǝra lǝŋ yii Masǝŋ ne ko, tǝkine joŋ osoko nyi.
4Wee Heman: Bukiija, Mattania, Uziel, Sebuel, Jerimot, Hanania, Hanani, Eliata, Gidalti, Romamti-Ezar, Josbekasa, Malloti, Hotir, ne Makaziot. 5Masǝŋ nyi wee wǝǝ nyi Heman profeto Masǝŋ mai mo wo goŋ jemma tǝtǝl nai, ne wee maŋwǝǝ gŋ sai, tǝgbana mo faako ɓǝ ah ɓo ka nyi swah nyi Heman. 6Ara daŋ a woŋra tǝnjuŋ zahrãa ne tǝnjuŋ ɗaŋ pǝ cok juupel yaŋ Masǝŋ, pa ɓǝǝ ye pa kal pel ɓǝǝra. Asaf, Jedutun, ne Heman, goŋ ye pa ma lwaa ɓǝǝra. 7Za marai ne wee pa ɓǝǝ Lewitien mai mo feera ɗǝǝ lǝŋ ɓo daŋ a ɗǝǝra, pãa ɓǝǝ daŋ 288.
8Daŋ a inra cahcah nǝǝ za rǝk tǝ yeɓ ne ko, koo mo pǝlaŋne, wala mo dǝɓlii yo, koo mo za cuu fan o, wala mo za ma fee fan ye ba daŋ.
9-31Marai ara ye zaluu ma pel kul za mai mo wom ɓo camcam jemma gwa tǝtǝl nai, ka joŋ zah yeɓ camcam: 1) Yuseɓ daga morsǝ̃ǝ Asaf, 2) Gedalia, 3) Zakkur, 4) Isri, 5) Netania, 6) Bukiija, 7) Jesarela, 8) Jesaia, 9) Mattania, 10) Syimai, 11) Azarel, 12) Haskabia, 13) Sebuel, 14) Matatias, 15) Jerimot, 16) Hanania, 17) Josbekasa, 18) Hanani, 19) Malloti, 20) Eliata, 21) Hotir, 22) Gidalti, 23) Makaziot, 24) Romamti-Ezar.
Currently Selected:
1 KEE ƁƏ 25: MUAR
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
