1 KEE ƁƏ 24
24
Yeɓ za joŋzahsyiŋrĩ
1Mai kul za ma morsǝ̃ǝ Aron yo. Aron ne wee nai: Nadaɓ, Abihu, Eleasar, ne Itamar. 2Nadaɓ ne Abihu wukra kǝpel nyi pa ɓǝǝra, soɓra wee ya, so naa ma ɓǝǝ Eleasar ne Itamar ciŋra za joŋzahsyiŋrĩ.#Lew 10:1-2 3Goŋ David wom morsǝ̃ǝ Aron ne kul ɓǝǝ camcam tǝgbana yeɓ mai mo tǝ ga joŋra. Sadok morsǝ̃ǝ Eleasar ne Akimelek morsǝ̃ǝ Itamar ye gbahra jol ah ne yeɓ ahe. 4Womra kul za ma morsǝ̃ǝ Eleasar camcam jemma tǝtǝl yea, ma morsǝ̃ǝ Itamar nama, fan ah joŋ nai mor zaluu ma morsǝ̃ǝ Eleasar ara pǝpãa kal mǝ za ma morsǝ̃ǝ Itamar ɓe. 5Zaluu ma lwaa ɓǝ yeɓ ma yaŋ Masǝŋ ne zaluu ma joŋra yeɓ pel Masǝŋ, a kǝsyil za Eleasar ne za Itamar gwa daŋ. A nǝǝra ra ne cahcah. 6Semaja we Netanel, pa ma ŋwǝǝ fan Lewitien yee ŋwǝǝ tǝɗii ɓǝǝra. Goŋ ne zaluu pel ah ra, ne pa joŋzahsyiŋ Sadok, pa joŋzahsyiŋ Akimelek we Abiatar, tǝkine zaluu ma pel za ma morsǝ̃ǝ za joŋzahsyiŋrĩ, ne ma pel za ma morsǝ̃ǝ Lewi daŋ, ara ye za syedowal ahe. Morsǝ̃ǝ Eleasar ne mǝ Itamar a kunra yeɓ ɓǝǝ kun kiŋ ne ko, a nǝǝra ra ne cahcah.
7-18Za matǝ jemma gwa tǝtǝl nai mai mo rǝkra ra ne patǝtǝl ne cok ah a naiko: 1) Jehojariɓ, 2) Jedaja, 3) Harim, 4) Seorim, 5) Malkia, 6) Mijamin, 7) Hakkos, 8) Abiija, 9) Joswa, 10) Sekania, 11) Eliasiɓ, 12) Jakim, 13) Huppa, 14) Jesebeaɓ, 15) Bilga, 16) Immer, 17) Hezir, 18) Apiset, 19) Petaja, 20) Ezekiel, 21) Jakin, 22) Gamul, 23) Delaja, 24) Maazia. 19Womra za mai ne kul ɓǝǝ camcam naiko, mor ka mo ge joŋra yeɓ ɓǝǝ yaŋ Masǝŋ, tǝgbana mai Dǝɓlii Masǝŋ Israel mo faa ɓo, so na mai pa ɓǝǝ lii Aron mo cuu fahlii ah ra ɓo.
Tǝɗii Lewitien
20Marai tǝɗii zaluu ma pel za ma morsǝ̃ǝ Lewi manyeeki ah ra yo. Dǝɓlii ma kǝsyil morsǝ̃ǝ Amram ye Sebuel. Ma kǝsyil morsǝ̃ǝ Sebuel ye Jekdia. 21Ma morsǝ̃ǝ Rekabia ye Isija. 22Ma morsǝ̃ǝ Isija ye Selomit, ma morsǝ̃ǝ Selomit ye Jahat. 23Ma morsǝ̃ǝ Hebron ne ɗii ɓǝǝ ne patǝtǝl a naiko: Jeria, Amaria, Jahaziel, ne Jekameam. 24Ma morsǝ̃ǝ Uziel ye Mika, ma morsǝ̃ǝ Mika ye Samir. 25Ma morsǝ̃ǝ Uziel ye Isija naa ma Mika. Ma morsǝ̃ǝ Isija ye Zakarias. 26Ma morsǝ̃ǝ Merari ye Makli, Musi, ne Jaazia. 27Jaazia ne wee sai: Soham, Zakkur, ne Ibri. 28-29Makli ne wee gwa: Eleasar ne Kis. Eleasar ka ne wee ya, amma Kis ne we vaŋno, a ɗii ne Jerameel. 30Musi ne wee sai: Makli, Eder, ne Jerimot. Marai daŋ ara ye za morsǝ̃ǝ Lewi ne za ɓǝǝ camcam. 31Dǝɓlii ma pel zan ahe, ne naa pah ah mai mo pǝlaŋ ba daŋ, a inra cahcah tǝgbana wee pa ɓǝǝ za joŋzahsyiŋ ma morsǝ̃ǝ Aron moo joŋra ta. Goŋ David, Sadok, Akimelek ne zaluu ma pel za ma morsǝ̃ǝ za joŋzahsyiŋ camcam tǝkine Lewitien daŋ, ara ye za syedowal ahe.
Currently Selected:
1 KEE ƁƏ 24: MUAR
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
