1 KEE ƁƏ 23
23
1Ne cok ka David tam pǝlli ɓe, ɓaŋ wel ah Salomo kan goŋ Israel ne ko.#1 ZaG 1:1-40
Yeɓ Lewitien
2Goŋ David tai zaluu Israel, ne za joŋzahsyiŋ ne Lewitien daŋ, 3ŋwǝǝ tǝɗii Lewitien mawǝǝ daŋ tǝŋ daga mai mo joŋ syii ɓo jemma sai ŋhaa kal ge pel ne ko, pãa ɓǝǝ daŋ joŋ 38.000. 4Goŋ rǝk za ki kǝsyil ɓǝǝ 24.000 ka mo joŋra yeɓ yaŋ Masǝŋ, 6.000 ka mo yeara zaluu ma tǝsal ɓǝ ne za lakaali. 5So rǝk za ki 4.000 ka mo byakra zahfah yaŋ Masǝŋ, rǝk za ki laŋ 4.000 ta ka mo yiira Masǝŋ ne fakyẽm mai David mo zyeɓ ɓo mor yeɓ ahe. 6David wom Lewitien ne kul ɓǝǝ camcam sai, tǝgbana morsǝ̃ǝ ɓǝǝ mo ur ge ɓo: Gerson, Kehat, ne Merari.
7Gerson ne wee gwa: Ladan ne Syimai. 8Ladan ne wee sai: Jehiel, Zetam, ne Joel. 9Ara ye za maluu ma morsǝ̃ǝ Ladan. (Syimai ne wee sai: Selomit, Haziel ne Haran#23:9 Za ki lǝŋra Syimai ma pǝ verse rai ara camcam gwa, dǝɓ matǝ vaŋno ye ka..) 10-11Syimai ne wee nai: ɗii ɓǝǝ ne patǝtǝl a naiko: Jahat, Zina, Jehus, ne Beria. Jehus ne Beria morsǝ̃ǝ ɓǝǝ ka pǝpãar a, mor ah keera ra ge tǝki tǝgbana morsǝ̃ǝ tǝ vaŋno.
12Kehat ne wee nai: Amram, Jitzar, Hebron, ne Uziel. 13Wel ah malii ma ɗii ne Amram ako ye pah Aron ne Mosus. Nǝǝra Aron ne morsǝ̃ǝ ah mor ka joŋra yeɓ ne fan mai mo nǝǝ rǝk ɓo ga lii, ka mo tǝǝra ɓǝrdi pǝ cok juupel wo Dǝɓlii, ka mo joŋra yeɓ mor ah tǝkine ẽe za pǝ tǝɗii ahe.#Pǝ̃ǝ 28:1 14Amma keera wee Mosus dǝɓ Masǝŋ ge tǝkine ban Lewi ya. 15Mosus ne wee gwa: Gersom ne Eliezar. 16Dǝɓlii ma kǝsyil wee Gersom ye Sebuel. 17Eliezar byaŋ we vaŋno to, a ɗii ne Rekabia, amma Rekabia ne wee pǝpãare. 18We Kehat patǝ gwa ah a ɗii ne Jitzar, byaŋ we vaŋno a ɗii ne Selomit, ako ye dǝɓlii ma pel zahzum ahe. 19We Kehat patǝ sai ah ye Hebron, bem wee nai: Jeria, Amaria, Jahaziel, ne Jekameam. 20We Kehat patǝ nai ah ye Uziel, bem wee gwa: Mika ne Isija.
21Merari ne wee gwa: Makli ne Musi. Makli laŋ ne wee gwa ta: Eleasar ne Kis. 22Amma Eleasar wuu, soɓ wee mawǝǝ ya, sai wee maŋwǝǝ to, so wee ah maŋwǝǝ kanra wee naa mah ah Kis. 23We Merari patǝ gwa ah moo ɗii ne Musi, bem wee sai: Makli, Eder, ne Jerimot.
24Marai daŋ za morsǝ̃ǝ Lewi ye ne zahzum ɓǝǝ ne za yaŋ ɓǝǝra, ŋwǝǝra tǝɗii ɓǝǝ vaŋno vaŋno daŋ, zune daŋ ne morsǝ̃ǝ ahe. Tǝŋ daga syii jemma gwa ŋhaa ge pel ne ko, a joŋra yeɓ pǝ yaŋ Dǝɓlii. 25David faa: Masǝŋ Israel nyi 'yak nyi zan ah ɓe, ako ne suu ah a ga kaa yaŋ Jerusalem ga lii. 26Zǝzǝ̃ǝ mai Lewitien ka ɓaŋra tal mbǝro tǝkine fan ma mor joŋ yeɓ pǝ cok juupel faɗa yao.#CuuƁ 10:8 27Tǝgbana ɓǝ faa David ma fahfal tǝ lii ah mo faa, Lewitien daŋ mo joŋra syii jemma gwa ɓe, a ŋwǝǝra tǝɗii ɓǝǝ mor ka joŋ yeɓɓe. 28Yeɓ ɓǝǝ ye mai ka mo gbahra jol za joŋzahsyiŋ ma morsǝ̃ǝ Aron pǝ cok juupel yaŋ Masǝŋ, ka mo byakra pedǝǝ ah ne ɓǝr yaŋ ah mo cea ɓo tǝkine pǝ cok mai moo vãhra fan mai daŋ mo mor joŋ yeɓ gŋ.#KeeZ 3:5-9 29Ara yee byak farel mai moo nyira nyi Masǝŋ ne sum mai moo nyira mor joŋ syiŋrĩ, ne tǝwaa ma joŋ bai fan mbǝ̃ǝre, ne paŋgasso tǝkine sum mai moo wõmra ne nǝmmi, so a byakra muŋjwǝǝre tǝkine fan mai daŋ moo liira fan ne ka nyi mor joŋ syiŋ yaŋ Masǝŋ. 30So a joŋra osoko nyi Dǝɓlii tǝkine yii ko zah'nan ne lil daŋ cẽecẽe. 31Ara yee joŋ syiŋ suŋwii wo Dǝɓlii ne com 'yakke. Fĩi mafuu mo ciŋ ɓe, ara yee joŋ fĩi ahe, tǝkine joŋ fĩi manyeeki ah ra camcam daŋ, ara ne pãa ɓǝǝ daŋ a joŋra yeɓ ah cẽecẽe. Yeɓ ɓǝǝ mai moo joŋra pǝ cok com daŋ, a juura pel wo Dǝɓlii. 32So a byakra tal mbǝro ma taini, tǝkine yaŋ Masǝŋ pǝ cok mai wee pa ɓǝǝ za joŋzahsyiŋ mo kaara ɓo gŋ, ka joŋ yeɓ ɓǝr yaŋ Masǝŋ.
Currently Selected:
1 KEE ƁƏ 23: MUAR
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.
