Mako ZIBISO NGEKWE LUKWALO IGOGU
ZIBISO NGEKWE LUKWALO IGOGU
Ndebo mbuya yakakwagwa ndi Mako, inotangisa nge ndebeleko inoti, “Ndebo mbuya ngekwa Jesu Kirisiti, Nkololo we Ndzimu.” Jesu unolebgwa nge kukwe ali nlume unoshinga akasimisila, kakale ana ndaulo. Ndaulo iye inozwilakidza mu zwidiyo zwizwe nenge mu simba lile linolaula meya mibi nenge kuzwiibhatigwa matjinyo e bathu. Jesu unoleba ngekwe tjaali itjo eti, iye Nkololo we Nthu, iye wakazha kuwopila butjilo gugwe kusunungula bathu mu tjibi.
Mako wakakwala ndebeleko ngekwa Jesu nge zila yakatambunuka, kakale akasimisila, eleba kwazo kwazo ngekwe tjakashingwa ndi Jesu, mu bumo gwe matama awe nenge kudiya kukwe. Shule kwe ndebo fupi ngekwa Johani we N'dubiki ne dubiko nenge kulikwa kwa Jesu, nkwali unoti tjinyolotjo kaleba ngekwe nshingo wa Jesu we kupodza ne we kudiya. Ngodwilila kwe tjibaka, batobeli ba Jesu bakahwisisa Jesu zubuyanana koga banyanyayidzi ba Jesu bakabenga Jesu kupinda. Nkwalo we bupelo mu ndebeleko ya Mako, unoleba ngekwe zwithu zwakashingikalila Jesu mu tshipi ye bupelo ye butjilo gugwe mu shango, kwazo kwazo kubambugwa kukwe nenge kumuka kukwe.
Ndimana mbili dze bupelo dze ndebo mbuya iyeyi, dzakabakiligwa nge lutjwayo […], bathu banjinji banoti dzakakwagwa nge mmwe upoga usi Mako.
Zwimu lukwalo igogu nge bufupi
Kutangisa kwe ndebeleko 1:1-13
Mishingo ya Jesu mu bathu mu Galili 1:14—9:50
Kudwa mu Galili kunoti ku Jerusalema 10:1-52
Tshipi ye bupelo mu Jerusalema ne mituthu ipejo 11:1—15:47
Kumuka kwa Jesu mu lufu 16:1-8
Kuzwilakidza nenge kumilidzigwa pezhugwi kwa She wakamusiwa mu lufu 16:9-20
Currently Selected:
Mako ZIBISO NGEKWE LUKWALO IGOGU: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.