Luke 9
9
Jesu etuma batumwa bali gumi lina babili
(Matewu 10:5-15; Mako 6:7-13)
1Jesu kati akubunganya batumwa bali gumi lina babili, kabapa masimba e kudusa meya mibi ne kupodza njigwele, 2ngono kabatuma kunosumikila bushe gwe Ndzimu ne kupodza banogwala. 3Kabadwa kati, “Musisenge tjimwe mu gwendo gwenyu, musisenge ludozo kene gobhodo kene tjiwunga kene mari kene zwiambalo. 4Nzi wamaswikila muuli galani muuli kudzina mubhuda mu nzi iwoyo. 5#Mishingo 13:51#Luke 10:4-11Ha bathu basingamuamutjile, ha mubhuda mu nzi iwoyo mushashamule hwuluba mu makumbo enyu, kube butendeki nge kwabo kuti bathama kusakalulwama.”
6Ndizo bakamilika, bakayenda nzi ne nzana besumikila ndebo mbuya kakale bepodza bathu pamwe ne pamwe.
Dziyidzika kwa Herode
(Matewu 14:1-12; Mako 6:14-29)
7 #
Matewu 16:14; Mako 8:28; Luke 9:19 She Herode kahwa ngekwe tjakabe tjishingikala. Ngono kadziyidzika mu meya, ngobe bamwe bakabe beti Johani wakamusiwa mu bafi, 8bamwe beti Elija waboneka, bamwe beti mmwe we balebesambeli ba ntolo wamuka. 9Koga Herode kati, “Johani ndakathubula nsholo. Ndiani ngono iwoyu wandinohwa zwithu zwakajali nge kukwe?” Ngono kagwisa kubona Jesu.
Jesu epa zojiwa bali zwiwulu zwishanu (5 000)
(Matewu 14:13-21; Mako 6:30-44; Johani 6:1-14)
10Kukati batumwa bebuya, bakabika kuna Jesu tjabakathama. Kudwapo kabatola, kayenda nabo bali boga mu nzi unoyi Bhetisaida, 11koga mibunga ye bathu ikaziba nge kwako, ngono bakantobela. Kabaamutjila, kalebeleka nabo ngekwe bushe gwe Ndzimu, kakale kapodza ibabo bakabe begwala.
12Kukati zhuba limila, batumwa bali gumi lina babili bakazha kunli bakati, “Paladza mbunga iwoyu, kuti ndizo bayende ku mizi ipejo ne mu mizana, bawane zojiwa ne mayizelo, ngobe pano timu shango koga.”
13Kadabila eti, “Mubape tjabangaja.” Bakadabila beti, “Tina zwiwunga zwili zwishanu ne hwobe mbili koga. Ha kuli kuti tojisa bathu ibaba takafanila kunotenga zojiwa.” 14Balume bakabe bangabe zwiwulu zwishanu bakabe bali ipapo.
Koga kati ku badiyiwa babe, “Mubagadze pasi nge makupo angabe makumi mashanu.”
15Bakathama sekwa badwiwa, bakagadza bathu bose pasi. 16Katola zwiwunga izwezo zwishanu ne hwobe mbili, kalinga kudzimu, katembezela ngono kazwipemula, kazwipa badiyiwa kuti bazwipe bathu. 17Bose bakaja bakaguta, badiyiwa bakanunga mamburumburu bakazhadza seme dzili gumi lina mbili.
Jesu ebhuzwa badiyiwa babe kuti ndiye ani
(Matewu 16:13-19; Mako 8:27-29)
18Limwe zhuba kukati Jesu etembezela ali ega ne badiyiwa babe, kababhuzwa kati, “Bathu banoti ndimi ani?”
19 #
Matewu 14:1, 2; Mako 6:14, 15; Luke 9:7, 8 Bakashandula beti, “Bamwe banoti, u Johani we N'dubiki, bamwe bakati, u Elija, koga bamwe banoti, mmwe we balebesambeli ba ntolo wakamuka.”
20 #
Johani 6:68, 69 Kababhuzwa eti, “Koga imwi moti ndimi ani?”
Pita kashandula kati, “Mesiya we Ndzimu.”
Jesu eleba ngekwe kudziyidzika kukwe nenge lufu gugwe
(Matewu 16:20-28; Mako 8:30—9:1)
21Jesu kabadwa akasimisa kuti kushete wababudza ikoku. 22Ngono kati, “Nkololo we Nthu wakafanila kudziyidziwa nge zwinjinji ne kusaamutjigwa nge bakulu* be Bajuta ne bapirisiti bakulu ne badiyi be nlayo, wakafanila kunobulawa, koga mu zhuba le butatu, kamusiwa.”
23 #
Matewu 10:38; Luke 14:27 Kabadwa bose kati, “Ha mmwe endisala shule, asithame kuda kukwe, ngaatole tjileyanyo tjitje zhuba limwe ne limwe, andi tobele. 24#Matewu 10:39; Luke 17:33; Johani 12:25Ngobe iye unoshaka kutjengeta butjilo gugwe, gowonlashikila, koga iye unolasha butjilo gugwe nge kwangu, gowombuyila. 25Kobuzilani kene, kuti nthu athuwe shango yose, koga alashikigwe kene atjinyikigwe nge tjaali itjo? 26Iye unobhakhwa nge shoni nge kwangu nenge matama angu, Nkololo we Nthu unowombhatigwabo nge shoni ha ezha nge gudzo lile ne la Tate babe ne le batumwa be kudzimu bakayengemala. 27Ndolebesa nditi, kuna bamwe bamile ipapa banowobona bushe gwe Ndzimu basathu bakafa.”
Kushanduka mbumbiko
(Matewu 17:1-8; Mako 9:2-8)
28Kukati Shule kwe mazhuba angabe zhanakadzi Jesu aleba ikoku, katola Pita na Johani na Jakubo katatha dombo kunotembezela. 29Kati etembezela, mbumbiko ye buso gugwe ikashanduka ne zwiambalo zwikabe butjena zwingadzima. 30Bonani Balume babili, Mushe na Elija, 31bakaboneka mu tjedza tjikulu, belebeleka na Jesu. Bakalebeleka ngekwe kufa kukwe kunowoshingikala mu Jerusalema. 32Pita ne baakabe anabo bakabe betshung'ayila kwazo, ngono bakati belinga bakabona tjedza tjitje ne balume ibabo babili bali mile naye. 33Kukati balume ibabo boyenda, Pita kati kuna Jesu, “N'diyi, kwakalulwama kuti tibe pano. Imani tibake mishasha mitatu, mmwe uli wenyu, mmwe uli wa Mushe, mmwe uli wa Elija.” Wakabe asingazibe tjaanoleba.
34Kukati atjalebeleka, gole likaboneka likabafukidza, ngono badiyiwa bakapalukamoyo, bezwibona bengina mu gole ilelo. 35#Isaya 42:1; Matewu 3:17; 12:18; Mako 1:11; Luke 3:22#2 Pita 1:17, 18Hwi likadwa mu gole ilelo liti, “Oyu Nkololo wangu, wandakashalula, munhwilile.”
36Kukati hwi lalebeleka bakawana Jesu abe ega. Badiyiwa bakasumbika ikoku, bakashaya wababudza mu mazhuba iyawo tjabakabona.
Jesu unopodza mbisana una meya mbi
(Matewu 17:14-18; Mako 9:14-27)
37Bakati tjimuka, badeluka dombo, mbunga we bathu ukanshangamidza. 38Mmwe nlume pakati kwe mbunga iwoyo kamilidza hwi kati, “N'diyi, ndomukumbila kuti mulinge nkololo wangu, ngobe ndiye mwanangu ega. 39Meya inonsunga ngono tjinyolotjo kamimila, inontetemesa kadzina kasiza mafulo. Inonnetesa kakale aitotongo nsiya tjinyolotjo. 40Ndakumbila badiyiwa babo kuti baiduse ngono bakong'wa.”
41Jesu kadabila eti, “Bathu basingagalemoyo kakale bakapambuka ndimwi! Ndowogala namwi abe ne moyonlefu mu muli tjibaka tjingapani kene? Zhisa nkololo uwo ngeno.”
42Kukati mbisana atjazha kunli, meya mbi ikanligila pasi ikanlabhulanya intetemesa. Koga Jesu katjemela meya mbi, kapodza mbisana ngono kampa tate babe. 43Ndizo bakakaabadziwa nge bukulu gwe Ndzimu.
Jesu unoleba ngekwe lufu gugwe kakale
(Matewu 17:22-23; Mako 9:30-32)
Kukati mmwe ne mmwe akakaabalila tjashingwa, Jesu kati ku badiyiwa babe, 44“Tjandinowoleba, ngatjingine mu zebe dzenyu. Ngoti Nkololo we Nthu unowobhakhwa kalongwa mu maboko e bathu.” 45Koga bakasihwisise ndebeleko iyeyi. Kwakabe kwakasumbikala ku bali, ndizo bakasipedzisise, ngono bakatja kumbhuzwa nge kwako.
Ndiani unowobe nkulu tjose
(Matewu 18:1-5; Mako 9:33-37)
46 #
Luke 22:24
Nyanyayidzana kukatangisa pakati kwe badiyiwa, kuti ndiani wabo unowobe nkulu mu bamwe. 47Jesu kaziba njalakang'wa dzabo, ndizo katola mwana ntukununu kammisa pahwunde naye. 48#Matewu 10:40; Luke 10:16; Johani 13:20Ipapo kati ku bali, “Iye unoamutjila mwana iwoyu nge zina langu unoamutjila imi, na iye unoamutjila imi unoamutjila wakandituma, ngobe iye ntukunu tjose pakati kwenyu, ndiye nkulu tjose.”
Iye usingakunyanyayidze umile nawe
(Mako 9:38-40)
49Johani kati, “Tetshi, tabona mmwe nlume edusa meya mibi nge zina lenyu, ngono tikagwisa kun'dziba, ngobe asi mmwe wedu.” 50Koga Jesu kati, “Musin'dzibe, ngobe iye usinganyanyayidzane nawe, umile nawe.”
Jesu elambiwa nge Basamariya
51Kukati tjibaka tjasedzela tjekuti atolegwe pezhugwi, kudzimu, Jesu kazwimisila kuyenda ku Jerusalema, 52ngono katumila batumwa mbeli. Ngono bakangina mu nzi we Basamariya kunlulwamisila. 53Koga bathu ba ikoko bakasiamutjile Jesu, ngobe wakabe akazwimisila kuyenda ku Jerusalema. 54#2 Bomambo 1:9-16Kukati badiyiwa babe, Jakubo na Johani bebona ikoku, bakan'dwa bakati, She, moshaka kuti tidane moto kudzimu kubalobesa kene?
55Koga Jesu kabatjebuka, kabatjemela. 56Bakayenda naye ku mmwe nzi upoga.
Kutobela Jesu kodwani
(Matewu 8:19-22)
57Kukati bali mu zila batja yenda, mmwe nlume kadwa Jesu kati, “Ndowokutobela kumwe ne kumwe kwaunoyenda.”
58Jesu kan'dabila kati, “Phungubgwe dzina madzete ne nyuni dzina mashaka, koga Nkololo we Nthu aana paangalonga nsholo.”
59Kati ku mmwe nlume, “Unditobele.” Koga nlume iwoyo kadabila eti, “She, imani ndinobiganya tate bangu kutanga.”
60Koga Jesu kati kunli, “Letja bafi babiganye bafi babo, koga iwe yenda unosumikila ngekwe bushe gwe Ndzimu.”
61 #
1 Bomambo 19:20
Mmwebo kabe eti, “Ndowomutobela She, koga kutanga, imani ndibgwilile ndinowoneka be nsha wangu.”
62Jesu kadabila eti, “Akuna iye unoti akabhata bhadza kulimwa katjebuka shule wakalizana kungina mu bushe gwe Ndzimu.”
Currently Selected:
Luke 9: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
