Bahebheru 5

1Ntungamili we bapirisiti mmwe ne mmwe unoshalugwa mu bathu unopiwa nshingo we kuzwadzanya bathu ne Ndzimu, eyisa zwipo ne zwibhayilo zwe zwibi. 2Unotubula kubhata zubuyanana ibabo banotjinya ngosheta zibo, se naiye ekuligwa ngokong'wa. 3#Zwipo 9:7Ndizo wali akafanila kudusa tjibhayilo tje zwibi zwizwe ne zwe bathubo. 4#Kufuluka 28:1Akuna unozwipa mamo ekube Ntungamili we bapirisiti, koga wakafanila kudang'wa nge Ndzimu sekwa kwakadang'wa Aroni.

5 # Njimbo 2:7 Ndizo sayikoko Kirisiti aazozwipa mamo ekube Ntungamili we bapirisiti, koga wakapiwa nge Ndzimu iwo wakati kunli,

“U Nkololo wangu,

nasi ndabe Tate babo.” 6#Njimbo 110:4Sekwa wakaleba pamwe pathu uti,

“Unowobe mpirisiti nge kusingapele,

mu ndongoloso ya Melikizedeki.”

7 # Matewu 26:36-46; Mako 14:32-42; Luke 22:39-46 Mu butjilo gugwe muno mu shango, Jesu wakabe etembezela nge tjililo ekumbila nge mishodzi, ku Ndzimu iwo wakabe ungantjidza mu lufu. Ngono Ndzimu ukan'hwa ngoteta kukwe. 8Nenguba akabe ali Nkololo, wakazwidiya kuhwa nge kudziyila kwaakadziyila ndiko. 9Wakati ahwa nge buzhalo, kabe nsenya we kutjidziwa kusingapele kwabo bose banonhwa. 10Ndzimu ukan'dana Ntungamili we bapirisiti kuyendidzana ne ndongoloso ya Melikizedeki.

Musilashe kugalamoyo muna Kirisiti

11Nge kwaikoku kunjinji kwatingaleba, koga kwakasima kutjenesa, ngobe makazwina zebe. 12#1 Bakorinta 3:2Ngoti nenguba mu tjibaka tjino makafanila kube badiyi, mutjashaka mmwe kumudiya kakale zwidiyo zwe kutanga zwe dama le Ndzimu. Moshaka nkaka pana kuti mushake zojiwa zwakabhata. 13Ngobe iye unotjila nge nkaka utji mwana, aana luzibo gwe dama le ndulamo. 14Zojiwa zwakabhata nge zwe bakulukulu, nge zwe bana njalakang'wa dzakawolobeleka ngoshingisiwa kuthubukanya tjakalulwama ne tjisakalulwama.

Currently Selected:

Bahebheru 5: KBTP

Highlight

Copy