Bahebheru 2

Jidzo gulu

1Ndizo takafanila kube ne njele hwulu kwazo muna tjatakahwa, kuti tisitongodwa tibhuda mu zila. 2Ha kuli kuti dama lakalebgwa nge batumwa be kudzimu lakabe lili malebeswa, ngono mmwe ne mmwe usakalilondolodza kene kulihwa kaamutjila shamu yakafanila, 3apa towodzeta tjini ha tisina hanya ngekwe jidzo ileli gulu zwingapa? Lakalebgwa ndi She kutanga, likakowobedzegwa mu zebe dzedu ndi ibabo bakanhwa, 4ha Ndzimu naiwo upa butendeki nge zwilakidzo ne matjenamiso ne masazibgwe akasiyana siyana nenge zwipo zwe Meya yakayengemala, zwakakobiwa kuyendidzana nge kuda kwawo.

Iye unotitungamilila mu kutjidziwa

5Ndzimu auzopa batumwa be kudzimu ndaulo mu shango inozha, yatinolebeleka nge kwayo. 6#Njimbo 8:4-6Kwakalebgwa pamwe pathu kuyi,

“Nthu ini kene tjamungashwa mukumbula,

nkololo we nthu ini kene tjamungatjengeta?

7Makanthama ali ntukunu pa batumwa be kudzimu kwe tjibakana,

makammbadza gudzo ne tjilumbi,

8mukabiga tjimwe ne tjimwe tjamakabumba pasi kukwe.”

Mukubiga tjimwe ne tjimwe pasi kwe nthu, Ndzimu auzosiya tjimwe kuzhe kwe ndaulo iye. Sekwa kuli iko ngwenu atitobona nthu ebusa zwithu zose. 9Koga tobona Jesu, wakabe athamiwa ntukunu pa batumwa be kudzimu kwe tjibakana atjimbadziwa, gudzo ne tjilumbi, ngobe wakadziyidziwa mu lufu, kuti ndizo nge ngoni dze Ndzimu alabilile mmwe ne mmwe lufu. 10Ngobe kwakabe kwakalingisana kuti Ndzimu iwo wakathama zwithu zose, kakale iwo unozwitjengeta, mukuzhisa kwawo bana banjinji ku gudzo, uthame ntangisi we jidzo lakapelela ngo kudziyila.

11Ngobe iye unoyengemadza ne banoyengemadziwa banodwa pang'ompela. Ngekwa ikoku, Jesu aatobhakhwa nge shoni kubadana banung'una babe, 12#Njimbo 22:22eti,

“Ndowoleba zina lenyu ku banung'una bangu,

pakati kwe gubungano ndowomukudza.” 13#Isaya 8:17; Isaya 8:18Kakale,

“Ndowobiga mu Ndzimu.” Kakale,

“Ndipano ne bana bandakapiwa nge Ndzimu.”

14Se bana bakashanganyila mbumbiko ye mbili ne malopa, Jesu nge kukwe wakazwishanganyila nabo. Eyitila kuti nge lufu gugwe akolomole una simba le kubulaya, iye Satani, 15ngono asunungule ibabo bakatjila butjilo gwabo gose betjila mu bulanda gwe kutja lufu. 16#Isaya 41:8, 9Ngoti malebeswa hwuti, aatobhatsha batumwa be kudzimu, koga iye unobhatsha ludzi gwa Abhurahama. 17Ndizo wakabe efanila kuti ange banung'una babe nge mbumbiko yose kuti ndizo abe Ntungamili we bapirisiti una ngoni unogalikabgwe mu kushingila Ndzimu, kuzwipa ali tjibhayilo tjinodusa matjinyo e bathu. 18Ngoti iye nge kukwe wakadziyila kakale kalikwa, ngwenu unotubula kubhatsha banolikwa.

Currently Selected:

Bahebheru 2: KBTP

Highlight

Copy