Kutangisa 6
6
Mbipo ye nthu
1 #
Jobe 1:6; 2:1 Kwakati bathu betangisa kuwanda mu shango, bezwala bakololokadzi, 2bakololo be Ndzimu bakabona kuti bakololokadzi be bathu bakanaka, ngono bakashalula babakada bakabalobola. 3Ipapo Yahwe bakabe beti, “Meya yangu aingagale mu nthu nge kusingapele, ngoti nthu unofa. Mazhuba awe anowobe makole ali zana ling'ompela lina makole ali makumi mabili (120).” 4#Mbalo 13:33Mu misi iyeyo kwakabe kuna bathu balefu, bakasima mu shango ne mu misi yakaitobela, pakati bakololo be Ndzimu bakawalilana ne bakololokadzi be bathu ngono bakathama bana nabo. Bakabe bali balume be babhayani bakulu ba ntolo, balume bakabe bezibika.
5 #
Matewu 24:37; Luke 17:26; 1 Pita 3:20 Yahwe bakabona kuti mbipo ye nthu yakula mu shango ne kuti zwabanokumbula mu moyo yabo i mbipo zwibaka zose. 6Yahwe bakazwisola kube bakathama nthu mu shango, ngono bakahwa zogwadza. 7Ndizo Yahwe bakabe beti, “Ndowolobesa bathu bandakabumba ndibadusa mu shango, bathu ne phuka ne zwibumbiwa zwinokambayila mu shango ne nyuni dzinowuluka, ngoti ndozwisola kube ndakabathama.” 8Koga Nuwa kahwigwa ngoni ndi Yahwe.
Nuwa
9 #
2 Pita 2:5
Edzi i thawu ngekwa Nuwa. Nuwa wakabe ali nthu wakalulwama, asina nlandu pakati kwe bathu be tjibaka tjitje, wakabe eyenda ne Ndzimu. 10Nuwa wakabe ana bakololo bali batatu, Shemu na Hamu na Jafeti. 11Ngono shango ikalingika yakabola nge jinyo mu kubona kwe Ndzimu, ili zhele kumukilana. 12Ndzimu ukalinga shango ngono ukabona yakabola nge jinyo, ngoti mipanga ye bathu bose yakabodziwa nge jinyo.
13Ndizo Ndzimu ukati kuna Nuwa, “Ndazwimisila kuzhisa bheledzo le bathu bose, ngoti shango izhele kumukilana nge kwabo. Ndowobalobesa kose ne shango. 14Ndizo uzwithamigwe araka nge makwasayile akasima, uthame ng'umbana dzakathubukana muili, uidzile nge ikontiri mukati na kuzhe. 15Oku ndiko sekwa unowoithama: Bulefu gwayo ngagube matshambo ali zana ling'ompela lina matshambo ali makumi matatu ana matatu (133), bupabi gube matshambo ali makumi ali mabili ana matshambo ali mabili (22), bulefu kuyenda pezhugwi gube matshambo ali gumi lina matshambo ali matatu (13). 16Uithamile denga, usiye fesitere bulefu gungapa gaswa le thambo kudwa pezhugwi. Uthame nkoba pa ntumbu wayo, uithame ng'umba thatu dzakatathikana. 17Ngoti ndowozhisa nkubila we vula mu shango kulobesa zwitjili zose zwina meya ye bupenyu, tjimwe ne tjimwe mu shango tjowofa. 18Koga ndowothama tjidumano tjangu nawe, iwe unowongina mu araka, iwe ne bakololo babo ne nkadzi uwo ne bakadzi be bakololo babo. 19Ungine ne bubili gwe zwitjili zose mu araka, tjilume ne tjikadzi mu ludzi gumwe ne gumwe kuti zwitjile nawe. 20Mu ludzi gumwe ne gumwe gwe nyuni ne mu ludzi gumwe ne gumwe gwe phuka ne ludzi gumwe ne gumwe gwe zwitjili zwinokambayila mu shango zwili zwibili zwinginile ku kuli kuzwitjengeta kuti zwitjile. 21Utolebo zojiwa zwinojiwa zwakasiyana siyana uzwibiganye kube zojiwa zwizo ne zwazo.” 22#Bahebheru 11:7Nuwa kakuthama ikoku, kathama kose Ndzimu kwawakandwa.
Currently Selected:
Kutangisa 6: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.