Kutangisa 5
5
Zwizekugwana zwa Adamu
(1 Zwiyitikalo 1:1-4)
1 #
Kutangisa 1:27, 28 Ogu lukwalo ngekwe zwizekugwana zwa Adamu. Mu zhuba Ndzimu lawakabumba nthu wakambumba mu ifano tje Ndzimu. 2#Matewu 19:4; Mako 10:6Wakababumba ali nthu tjilume ne nthu tjikadzi, ngono ukabakombolela ukabadana uti, “Bathu” mu zhuba lawakababumba. 3Adamu kati atjila makole ali zana ling'ompela lina makumi matatu (130), kazwala mwana we tjilisana unofanana naye, ali mu ifano tjitje, ngono kantumila zina kati Seti. 4Shule kwe asinozwala Seti, Adamu katjila makole ali mazana ali zhanakadzi (800), ngono kazwala bakololo ne bakololokadzi. 5Makole wose a Adamu aakatjila, makole ali mazana ali zhanalume ana makole ali makumi matatu (930), ndizo ekofa.
6Seti kati atjila makole ali zana ling'ompela lina makole ali mashanu (105), kazwala Enoshi. 7Shule kwe asinozwala Enoshi, Seti katjila makole ali mazana ali zhanakadzi ana ali kutendeka (807), ngono kazwala bakololo ne bakololokadzi. 8Makole wose a Seti aakatjila makole ali mazana ali zhanalume ana makole ali gumi lina mabili (912), ndizo ekofa.
9Enoshi kati atjila makole ali makumi ali zhanalume (90), kazwala Kenani. 10Shule kwe asinozwala Kenani, Enoshi katjila makole ali mazana ali zhanakadzi ana makole ali gumi lina ali mashanu (815), ngono kazwala bakololo ne bakololokadzi. 11Makole wose a Enoshi aakatjila, makole ali mazana ali zhanakadzi ana makole ali makumi manna (840), ndizo ekofa.
12Kenani kati atjila makole ali makumi ali kutendeka (70), kazwala Mahalaleli. 13Shule kwe asinozwala Mahalaleli, Kenani katjila makole ali mazana ali zhanakadzi ana makumi manna (840), ngono kazwala bakololo ne bakololokadzi. 14Makole wose a Kenani aakatjila makole ali mazana ali zhanalume ana makole ali gumi (910), ndizo ekofa.
15Mahalaleli kati atjila makole ali makumi ali tathatu ana ali mashanu (65), kazwala Jaredi. 16Shule kwe asinozwala Jaredi, Mahalaleli katjila makole ali mazana ali zhanakadzi ana makole ali makumi matatu (830), ngono kazwala bakololo ne bakololokadzi. 17Makole wose a Mahalaleli aakatjila makole ali mazana ali zhanakadzi ana makole ali makumi ali zhanalume ana mashanu (895), ndizo ekofa.
18Jaredi kati atjila makole ali zana ling'ompela lina makumi ali tathatu ana mabili (162), kazwala Enoki. 19Shule kwe asinozwala Enoki, Jaredi katjila makole ali mazana ali zhanakadzi (800), ngono kazwala bakololo ne bakololokadzi. 20Makole wose a Jaredi aakatjila makole ali mazana ali zhanalume ana makumi ali tathatu ana mabili (962), ndizo ekofa.
21Enoki kati atjila makole ali makumi ali tathatu ana ali mashanu (65), kazwala Methusela. 22Shule kwe asinozwala Methusela, Enoki wakayenda ne Ndzimu makole ali mazana matatu (300), ngono kazwala bakololo ne bakololokadzi. 23Makole wose a Enoki aakatjila makole ali mazana matatu ana makumi ali tathatu ana mashanu (365). 24#Bahebheru 11:5; Judi 1:14Enoki wakabe eyenda ne Ndzimu, ngono kukawanika asitjipo, ngoti Ndzimu wakantola.
25Methusela kati atjila makole ali zana ling'ompela lina makole ali makumi ali zhanakadzi ana kutendeka (187), kazwala Lameki. 26Shule kwe asinozwala Lameki, Methusela katjila makole ali mazana ali kutendeka ana makumi ali zhanakadzi ana mabili (782), ngono kazwala bakololo ne bakololokadzi. 27Makole wose a Methusela aakatjila, makole ali mazana ali zhanalume ana makole ali makumi ali tathatu ana zhanalume (969), ndizo ekofa.
28Lameki wakati atjila makole ali zana ling'ompela lina makole ali makumi ali zhanakadzi ana mabili (182), kazwala mwana we tjilisana. 29Wakantumila zina kati Nuwa, ngono kabe eti, “Unowotinyalulusa mu nshingo unolema watinodzulana nawo tishinga nge maboko, wakabangiwa nge pasi pakalongwa bhiso ndi Yahwe.” 30Shule kwe asinozwala Nuwa, Lameki katjila makole ali mazana mashanu ana makole ali zhanalume ana mashanu (595), ngono kazwala bakololo ne bakololokadzi. 31Makole wose a Lameki aakatjila, makole ali mazana ali kutendeka ana makumi ali kutendeka ana kutendeka (777), ndizo ekofa.
32Nuwa kati atjila makole ali mazana ali mashanu (500) kazwala Shemu na Hamu na Jafeti.
Currently Selected:
Kutangisa 5: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.