Mishingo ZIBISO NGEKWE LUKWALO IGOGU
ZIBISO NGEKWE LUKWALO IGOGU
Mishingo ye Batumwa i dwilidzo ye Ndebo mbuya yakakwagwa ndi Luke. Kwazo kwazo inoleba nge sekwa batobeli ba Jesu be mazhuba e kutanga bakabe betungamigwa nge Meya yakayengemala kakale bedzwala ndebo mbuya nge kukwe “Mu Jerusalema ne mu Judiya yose ne Samariya ne ku phelelo dze shango” (Mishingo 1:8). I thawu ngekwe gubungano le Tjikirisiti sekwa lakatangisa mu Bajuta, kakale likadwilila kube bugalimoyo gwe shango yose. Nkwali wakabe akatemelela mu kusimisa babali babe kuti bazibe kuti Bakirisiti bakabe basina bukwelekwele gumwe gwakasumbikika kupedza bushe gwe Baroma nenge kuti bugalimoyo gwe Bakirisiti gwakabe guli iko kuzhadzisika kwe budumili gwe Tjijuta.
Lukwalo gwe Mishingo gungathubukanyiwa katatu, kulakidza kupaphidzika kwe mituthu misi yose yakabe isumikigwa ndebo mbuya ngekwa Jesu nenge kubambiwa kwe tshipi: (1) Kutangisiwa kwe gubungano le Tjikirisiti mu Jerusalema shule kwe kumilidzigwa pezhugwi kwa Jesu. (2) Kukula kwe Tjikirisiti mu mituthu mimwe ye shango ye Palasitina. (3) Dwililo ye kukulila mbeli kwe Tjikirisiti mu shango dze gungwa gwe Meditareniya kunoti ku Roma.
Tjimwe tjikulu kulu kwazo mu lukwalo gwe Mishingo hwushinga kwe Meya yakayengemala, iyo inozha nge simba mu bagalimoyo mu Jerusalema mu zhuba le Pentekosite (kuzha kwe Meya yakayengemala mu bathu) ngono idwilila itungamila kakale isimisa tshipi nenge batungamili bayo mu mishingo yose inolebgwa nge kwayo mu lukwalo. Zwidiyo zwe Tjikirisiti zwakakwagwa nge bufupi mu sumikilo njinji, kakale zwiyito zwakakwagwa mu lukwalo gwe Mishingo zolakidza simba le zwidiyo izwezwi mu butjilo gwe bagalimoyo nenge mu kushangana mu gubungano.
Zwimu lukwalo igogu nge bufupi
Kuzwilulwamisila butendeki 1:1-26
a. Ndayo ye bupelo ya Jesu ne kugadzabgwe kukwe 1:1-14
b. N'gali thaka wa Judasi 1:15-26
Butendeki mu Jerusalema 2:1—8:3
Butendeki mu Judiya ne mu Samariya 8:4—12:25
Thumo ya Paulo 13:1—28:31
a. Gwendo gwe kutanga 13:1—14:28
b. Nshangano mu Jerusalema 15:1-35
d. Gwendo gwe bubili 15:36—18:22
e. Gwendo gwe butatu 18:23—21:16
f. Paulo ali nsungwa mu Jerusalema ne mu Sizariya ne mu Roma 21:17—28:31
Currently Selected:
Mishingo ZIBISO NGEKWE LUKWALO IGOGU: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.