1 Pita ZIBISO NGEKWE LUKWALO IGOGU
ZIBISO NGEKWE LUKWALO IGOGU
Lukwalo gwe kutanga gwakakwagwa ndi Pita gwakabe gukwaligwa Bakirisiti banodang'wa ipapa kuyi “Bashalugwa be Ndzimu,” bakabe bakaandama ku bunandzwa gwe Ezhiya. Mazwimisilo makulu e lukwalo igogu hwukulumbidza babali, bakabe bakalingisana ne kudziyidziwa nenge kudziyidzika nge zila ye bugalimoyo gwabo. Nkwali unokulumbidza babali be lukwalo gugwe nge kubakumbuludza ngekwe ndebo mbuya ngekwa Jesu Kirisiti, iye we lufu ne kumuka mu bafi ne kugadziwabgwe kwe kuzha kukwe kunobagadzabgwe. Ngekwe kugalabgwe ikoku, badzikitadzile kudziyidzika kwabo bakaligila zwilopa beziba kuti edzi i ndiko dzinolika malebeswa e bugalimoyo gwabo nenge kuti banowopiwa mbhayilo “mu zhuba Kirisiti laanowozumbunugwa.”
Pezhugwi kwe gulumbidzo mu misi ye manikano, nkwali unoshaka kuti babali be lukwalo gugwe batjile sekwa kwakafanila Bakirisiti kutjila ndiko.
Zwimu lukwalo igogu nge bufupi
Matama e kutanga 1:1-2
Galabgwe kunotjila 1:3-12
Jenjedzo ngekwe butjilo gwe buyengemali 1:13—2:10
Mazwidabiligo e Nkirisiti mu zwibaka zwe kudziyila 2:11—4:19
Kuzwiyisa pasi kwe Nkirisiti ne kushinga kukwe 5:1-11
Matama e bupelo 5:12-14
Currently Selected:
1 Pita ZIBISO NGEKWE LUKWALO IGOGU: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.