LUKAS 2

Abialé Yésus a ntyiʼiban atyele wé

(Mt 1:18-25; Mik 5:1-2; Eza 9:5)

1Ve e nga boban biyoñ bite na: atiñe njô bôt Ogust e ke so na be lañe bôt e si ése. 2Elañe bôt ôsu te é nga boban éyoñe Kirinius a mbe ngovina e Siri. 3Bese be nga ke lañeban, môt ase e nlame wé; 4Yôsep fe a nga bet a kôlôʼô tisone Nazarét ya Galilé, a kelek e tisone David ba loone Bétléhém e Yudé, amu a mbe e nda a e mvoñe bôte David, 5asu ya ke lañeban baa minga wé Marie a mbe abum.

6A zuu ñhe bo na, e nté be mbe wé, ane môs a nga yiane biaé ô nga kui; 7e nde a biaé ntôle monafame wé, a mane vute wô e bindelé été a bôôé wô éwolo biyem bia di été, amu afôla ya tabe e nji bo e nda beyeñ asu dap. 8Bebaʼale mintômba be mbe fe e si éte, be too e mefup, be baʼaleʼe mimbame miap a alu.

9Ane éngele Nti a nga tebe be ôsu, étôtoʼo Nti ke ve futi be éfufub été, nde beta woñ a nga bi be. 10Engele nye be na: te koone woñ, amu, mi lôô, ma zu kate mia mbamba foé, e nye a ye soo beta mevak asu ayoñ ese: 11E tisone David, Nyii bôt a bialéya mia den, e nye a ne Krist Nti; 12e ndeme nyô ja vebane be mia na: mia ye koone nkeñelé mon ô too mvutan e biyé été, ô bôô éwolo biyem bi wôʼô di été. 13Ateme na, étitibe nkane bita ya yôp, mbundan a éngele, ô nga yia bia bi Zambe ô jôʼô na;

14duma e boʼo Zambe e yôbe ya môp da dañ ôyabe yôp

a mvoʼé é boʼok e si asu bôt a dañe nyeʼe.

15Eyoñe beéngele be liʼiya be a ke yôp, bebaʼale mintômba be nga jôan ézezañe jabe na: e nkeane ñhe a kui Bétléhém bi yen e jam da te bo, e jame Nti a te bo na bi yem.

16Ane be nga jiʼa ke a koone Marie, Yôsep a nkeñelé mon ô bôô éwolo biyem bia di été, 17mvuse ñyenane mon, e nde be nga kate jam e nga jôban ajô mon ate. 18Ba bese be nga wôʼô be be nga kam e jame bebaʼale mintômba be nga jô be.

19E mfaʼa Marie, a nga baʼale mam mete mese a bindi me e nleme wé été. 20Wôna bebaʼale mintômba be nga bulan, be yiʼa duma a bikañaʼa bi Zambe amu mam mese be nga wôk a yen, nlukaʼan a e ma mese be nga kate be. 21Mvus melu muam, éyoñ éyoñe ya tyiʼi mon atyel é nga kpwaan, be nga yôlé nye jôé na Yésus, aval éngel a nga yôlé nye a ngenane te nyoñeban abum.

Ba ke liti Yésus e nda Zambe. E jia Siméoñ

(Lv 12; Nk 13:2,11; 1 Pi 1:11)

22Wôna éyoñe môs be nga yiane tuneban ô nga kpwaan ane atiñe Môze da jô, be nga ke e Yérusalém na be liti nye Nti, 23aval e ne ntilan e metiñ me Nti na: Monafam ase a taté bialé a ye veban e be Nti, 24a asu ya ve adu abaé nge bone be zum bebaé bityiʼa avale da jôban e metiñe me Nti été.

25Nde môt éziñ a mbe e Yérusalém valé jôé na Siméon. Môt ate a mbe zôsôô a nyeʼe mam me Zambe, a mbe a yangeʼe mvolane nlem Israél a Mfufube Nsisim a mbe be nye. 26Mfufube Nsisim a nga liti nye na a ye bo te wu te na a taté yene Krist Nti. 27E nde Nsisim a nga tindi nye na a zu e nda Zambe, a éyoñe bebiaé be mon, Yésus, be nga zuu nye asu ya jalé e jam atiñ e mbe e jôʼôk ajô dé, 28a nga nyoñe nye e mo mé a ve Zambe akéva a jôʼô na:

29Eyoñe ji a Nti, ô ntoo ve suu mbo ésaé wôé

a ke mvoʼé , aval ô nga jô.

30Amu mise mam me yeneya e nyiane wôé,

31ñwô ô nga kômesan meyoñ mese me lôô.

32Nyian ôte ô too éfufup ja faé e zene meyoñ me

ne te yeme Zambe

a duma asu ayoñe bôte dôé Israél.

33Esaa a nyia mon be nga semé e mam me nga jôban ajô dé. 34Siméoñ a nga botane be a jô Marie nyia wé na: A ne valé asu nkuan nge ntebane bôt abui Israél été a asu ya bo ndem bôt ba ye sôan. 35Fansoñ ja ye jii womien e nlem . Nalé ate asimesan e solô abui minlem mi bôt da ye kulan.

36Nkulu mejô minga a mbe fe valé jôé na Anna, ngone Fanuél ya mvôʼô Azér. A mbe a ntoo nnôm abui. Eyoñe baa nnôm be nyiñeya mimbu zamgbwa, 37e nde a liʼi nkus a kui éyoñ a ntoo mimbu mewôme muam a minyin. A mbe te kandane nda Zambe, a tabeʼe bisulan alu a môs , a tyi bidi a bo meyeʼelan.

38Nyeʼe ve suan éyoñe te a taté na a kañe Zambe a kobô ajô mon e be ba bese be mbe be yangeʼe nkôtan Israél.

39Eyoñ be nga jalé mam mese me ne ntilan e metiñ me Nti, be nga bulan e Galilé, e tisone jap Nazarét.

40Mfaʼa mongô, a nga yaé a bo ngul, njalan a fek,

a mvame Zambe é mbe be nye.

Yésus a liʼi e nda Zambe

(Dt 16:1-8,16; Eza 11:1-2; Mink 20:11)

41Mbu ôse, bebiaé be mbe be kelek e Yérusalém, asu abôʼô Pak. 42Eyoñ a ntoo mimbu awôm a mibaé, be ke be nga ke Yérusalém avale fulu yʼabôk é né, 43be bulaʼan amané melu mʼabôk, e nde ésoé mongô Yésus ja liʼi e Yérusalém, bebiaé bé teke yeme nalé. 44Baa be bemvôé bap nsamba, be wuluya ngume môs , e nde ba taté na ba jeñe nye e be bivuvuman a beñyembaʼan. 45Eyoñ be boya te nye yen, e nde ba zu bulan e Yérusalém be kele ba jeñe nye. 46Mvuse melu melaa e nje ba zu koone nye e nda Zambe, a too ézezañe beyeʼele metiñ, a vôʼôlôʼô, a siliʼi fe be minsili. 47Ba bese be mbe be vôʼôlôʼô nye ve zu kam atyeñe ya biyalane bié. 48Eyoñe bebiaé bé be nga yene nye, be nga semé, nyia wé nye nye na: A mone wom amu jé wo te bo bia ana? Tame yen, bia ésoo bia jeñe wo a biyebe bise. 49Nye be na: Amu jé ñhe mi nga jeñe ma? Ye mi nji yeme na ma yiane tabe e ndaa Esaa wom? 50Ve be be nji wôʼô jam a nga jô be. 51Mvus éte, baa be be be nga sis a ke e Nazarét; a nga ve be mewôk; a nyia a nga baʼale mam mete mese e nleme wé été. 52Yésus a nga yaé e fek, e nté, Zambe a bôt be yene nye mvaé.

Currently Selected:

LUKAS 2: BULU09

Highlight

Copy