Sawal la giled’a 67
67
Ar andjaf suma pet a subur Alona
1Ni sawal la gile d’a a hlat kadingâ a hat mi ma ngolâ hi suma hle sawalina.
2Alo mamina, ang wami hohowomiya,
ang b’e vunang kamiya,
ang tin irang kami mi.
Tchol ndjö
3Hina wani, suma yam andagad’ina pet
a mba we min manga;
andjaf suma pet a mba wala angî ma sut suma.
4Alo mamina, ar andjaf suma a suburungû,
ar andjaf suma pet a suburungû.
5Ar andjaf suma a le furîd’a, a gilengû,
kayam angî ma ka sariya d’a d’ingêra yam sumina,
ni ang ba, tak lovota mandjaf suma yam andagad’ina mi.
Tchol ndjö
6Alo mamina, ar andjaf suma a suburungû,
ar andjaf suma pet a suburungû.
7Alo mamina, ang b’e wa vunang kamiya,
andagad’a ti djivimi wa awuna mi.
8Alo mamina, ang b’e wa vunang kamiya;
ar andjaf suma yam andagad’ina pet a lang mandarangû.
Currently Selected:
Sawal la giled’a 67: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
