Marik Wana ni modo zla d’a kuruta
Wana ni modo zla d’a kuruta
Zla d’a Djivi d’a fid’i d’a a b’irita, suma a djib’er ala ni Marik ba, mi b’ir mamba avogo.
Kur b’ir mam mba avok kikidjid’a mi tagei woi ala Jesus nAlona Goroma (1.1).
Le ni djivid’a ni, sama a sunumï hina na, mi nda’î nge nge pî mi vum atam djivid’a, mi mba ná min suma mAlona. Ni sun nda Jean ma le suma batemba mi lata (1.6-8). Ni Jean ma le Jesus batembina (1.9-11).
Bugol kuka hi Jesus-d’a (1.12-13), Marik nga mi vei ad’ud’a ala Jesus nde mi tak sun mamba woi abu ir suma. Mi nga mi vei ad’ud’a yam ad’enga hi Jesus-d’a, ata yima nga mi yi suma á tit ad’uma, d’oze ata yima nga mi hat sumina, ki sut ta mi sut suma tugud’eid’id’a (1.14–8.30).
Bugola, Marik nga mi vei ad’ud’a yam id’a hi Jesus-d’a avo Jerusalem á fe ndaka, á fe matna, á tchol akulo aduk suma matna mi d’a (8.30–10.52). Jesus mi de zla ndata mi mam suma hata yam hindi, wani azi wat nga ad’ut ti, nga mi dazi zla d’a ngad’a kam ala mam mi Gor Sana. Wani zla d’a muduri ndata tad’enga á wed’a.
Bugola, mi vei ad’ud’a yam kala hi Jesus-d’a avo Jerusalem-mba suma a suburumba, ki dik ka mi dik suma gus ahlena kur gong nga kud’ora hAlonid’a woid’a. Ata yi máma suma nglona hi Juif-fîna a kak djangûna ki sed’emu. Ni kayam ndata ba, mi fe lovota á hat mam suma djangûna, á hat ablau suma ki mam suma hata mi (11–13).
Sapitre d’a 14–15 ti vei ad’ud’a ni yam bur ma danan ma mbà ma Jesus mi luma. Ni kur bur máma ba, mi te te ma dabid’a ki sum mama, mi b’rawazi avungôna ki süm guguzlud’a. Ti vei ad’ud’a yam tchen mam mba kur asine ma Gesemane-nid’a, ki ve mamba, ki sariya d’a a kamzi kamba, ki b’al mam mba akulod’a, ki tos mamba, ki tchol mam mba akulo aduk suma matnid’a mi.
Bugol la agi ndumugi Zla d’a Djivi d’a Marik mi b’irita, agi wagi woi tetet d’igi azigar ma ngol ma Romê-na mi wala Jesus ma Nazarat-na nAlona Goroma gagazi na ko zu? (15.39). t Wana ni wal mata
Tin ad’ud’a yam Zla d’a Djivid’a hi Jesus-d’a 1.1-13
Jesus mi tchi wala aduk suma avo Galile 1.14–9.50
Jesus mi tcholï Galile á i Jerusalem 10.1-52
Dimas sa dabid’a hi Jesus d’a mi lat go ki Jerusalem-mba 11.1–15.47
Tchola hi Jesus d’a akulo aduk suma matnid’a 16.1-8
Tak tad’a hi Jesus-d’a ki i mam mba akulo gen abumba 16.9-20
Currently Selected:
Marik Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.