Matiye Wana ni modo zla d’a kuruta
Wana ni modo zla d’a kuruta
Ata yima Matiye mi b’ir mbaktum mambina, mi tit ni yam lovot ta tu d’a Marik mi b’ir ki mbaktum mambid’a.
D’igi Marik mi b’ir na, mi de zlad’a yam wal la tchid’a hi Jean ma le suma batembina (3.1-12), yam batemba hi Jesus-d’a ki kuk mamba mi (3.13–4.11), yam sunda hi Jesus d’a mi lat kur Galile-d’a, nala, mi tchi wal zlad’a hAlonid’a, mi hat suma ablaud’a, mi sut suma tugud’eid’a mi (4.12–18.35), yam id’a hi Jesus d’a mi i Jerusalem-mba mi (19 ki 20).
D’igi Marik mi b’ir na, Matiye mi de zlad’a yam ve d’a a ve Jesus-d’a, yam sariya d’a a kat kamba, yam b’al la a b’alam akulo ata agu ma b’alid’a, yam mat ma mi mitna, yam tos sa a tozom mad’amba, yam tchol la mi tchol akulo aduk suma matnid’a ki nde d’a mi nde tam mbei ir sum mamid’a mi (21–28).
Wani Matiye mi b’ir ahle suma Marik mi b’irizi nga d’uo na mi. Matiye mi de zlad’a yam Jesus abuyom ngolo, yam vut ta Marie ti vud’umba, yam ahle suma teteng suma a le kam ata yima mam nga gogora tua na mi (1 ki 2). Kur mbaktum ndata ei wei ala Jesus namul ma sut suma ma Alona mi hle vuna kama. Simiyêm ala Emanuel, nala, Alona mi nga ki sed’eya (1.23). Ni mam ma Alona mi ndak vun zla d’a mi dat kur Vun ma Djin ma Adjeunid’a.
Matiye mi tak zla d’a nglod’a hi Jesus-d’a woi kur wal mam mba tchid’a vahl. Hat ndata ba wana:
1. Ni hat ta yam ahinad’id’a (5–7). Kur hat ndata mi dazi woi yam gata hi leu d’a akulod’id’a.
2. Ni hat ta mi hat suma a mba de woi yam mba d’a Alona mba mi mba á te leu mambid’a (10).
3. Ni zla d’a muduri d’a yam leu ndatid’a. D’ogolâ kat ni kid’iziya (13).
4. Ni hat ta yam tit ta ang tit aduk b’oziyod’a kur leu ndatid’a (18).
5. Ni hat ta yam djup pa ang djup mba d’a Alona mba mi mba á tin ad’u leu mamba ki iram fafata (24 ki 25).
Wana ni wal mata
Jesus abuyom ngolo ki vut mamba 1.1–2.23
Jean ma le suma batembina mi tchi wala 3.1-12
Batemba hi Jesus-d’a ki kuk mamba mi 3.13–4.11
Jesus mi tchi wala mi suma Galile-na 4.12–18.35
Jesus mi tcholï Galile á i Jerusalem 19.1–20.34
Dimas sa dabid’a hi Jesus d’a mi lat go ki Jerusalem-mba 21.1–27.66
Tchola hi Jesus-d’a ki tak ka mi tak tam mbeid’a 28.1-20
Currently Selected:
Matiye Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.