Matiye 1
1
JESUS ABUYOM NGOLO KI VUT MAMBA
(1—2)
Jesus abuyom ngolo
(Gol Luc 3.23-38)
1Wana ni mbaktum mba yam andjafâ hi Jesus Christ ma ad’u andjafâ hi David ma ad’u andjafâ hi Abraham-mina: 2Abraham mi vut Isak, Isak mi vut Jakob, Jakob mi vut Juda azi ki b’oziyoma, 3Juda azi ki Tamar a vut Peres azi ki Zera, Peres mi vut Hesron, Hesron mi vut Aram, 4Aram mi vut Aminadap, Aminadap mi vut Nason, Nason mi vut Salmon, 5Salmon azi ki Rahap a vut Bowas, Bowas azi ki Rut a vut Obed, 6Obed mi vut Jesse, Jesse mi vut amulâ David mi.
David mi vut Salomon katchad’a hi Uri-d’a, 7Salomon mi vut Robowam, Robowam mi vut Abiya, Abiya mi vut Asaf, 8Asaf mi vut Josafat, Josafat mi vut Joram, Joram mi vut Oziyas, 9Oziyas mi vut Jowatam, Jowatam mi vut Ahas, Ahas mi vut Ezekiyas, 10Ezekiyas mi vut Manase, Manase mi vut Amon, Amon mi vut Josiyas, 11Josiyas mi vut Jekoniya azi ki b’oziyoma. Ni kur atchogoi d’a a i ki sed’ezi magomba Babilon-nda.
12Kid’a a yozi magomba Babilon-nda, Jekoniya mi vut Salatiyel, Salatiyel mi vut Zorobabel, 13Zorobabel mi vut Abiyut, Abiyut mi vut Eliyakim, Eliyakim mi vut Azor, 14Azor mi vut Sadok, Sadok mi vut Ahim, Ahim mi vut Eliyut, 15Eliyut mi vut Elazar, Elazar mi vut Matan, Matan mi vut Jakob, 16Jakob mi vut Josef Marie ndjuvud’u, ni d’a vut Jesus ma a yum ala Mesi-na.
17Tcholï ata Abraham dei gak mba ata David, ad’u andjafâ pet ni dogo yam fid’i; tcholï ata David dei gak mba kur bur ma a yozi magomba Babilon-na, ad’u andjafâ pet ni dogo yam fid’i; tcholï ata bur ma a yozi magomba Babilon-na dei gak mba ata Mesi, ad’u andjafâ ni dogo yam fid’i mi.
Vuta hi Jesus Christ-sa
(Gol Luc 2.1-7)
18Vuta hi Jesus Christ-sa ni hina: Kid’a Josef mi kasum Marie azi bei zlap tua d’a, ti ve wirâ kad’enga hi Muzuk ma bei tchod’a ba na. 19Ndjuvut Josef ni sama d’ingêrâ, mi min ala mi mbud’ut zulona d’i, mi djib’er kurum ala mi bud’ut ni ki ngeid’a. 20Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a. 21Mba d’i vut gorâ, ang mba tinim simiyêm ala Jesus, kayam mam mba mi sut sum mama woi kur tcho mazid’a.
22Ahle ndazina a le hina á ndak vun zla d’a Salad’a mi dat avun mam ma djok vuna ti ndak memet ala:
23Gola! Gor weid’a mba d’i ve wirâ, mba d’i vut gorâ,
a mba yum ala Emanuel.
Nala, Alona mi nga ki sed’eya.
24Kid’a Josef mi zlita, mi le d’igi malaikana hi Salad’ina mi hum vuna na, mi ve amamba Marie. 25Wani mi zlap nga ki sed’et ti, gak ti vut gorotna. Mi tinim simiyêm ala Jesus.
Currently Selected:
Matiye 1: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
