Malatchi Wana ni modo zla d’a kuruta
Wana ni modo zla d’a kuruta
Malatchi mi b’ir mbaktum mba wanda ndak bizad’a go ki 500 avok vuta hi Jesus-d’a, ni bugol la suma a min gong nga kud’ora hAlonid’a yazi á mbàd’a avo Jerusalem-mba. Ma djok vun Alona nga mi hal á yi Israel-lâ ki mazi suma ngat buzuna kayam a hulongî gen Ma didina á tit d’ingêr avorom kur vun mazi ma djin ma ki sed’ema. Ni pid’ak ala suma hAlonina a nga le tchod’a, a nga ve tazi kur sunda, a nga ve tazi á kud’or Alona d’uo mi. Israel-lâ ki suma ngat buzuna a mbut ir Alona ki he d’a hawa d’a ngat buzuna d’a ndak azi humzid’a, a nga ge yazi kä ad’u hat mamba d’uo mi. Wani Ma didina mba mi sunï mam ma sunda avorom á minim lovota, á tchi wala yam vun mam ma djinda mi. Bugola, Ma didina mba mi mba á ka sariyad’a yam sum mama á mbud’uzi yed’et mi. t Wana ni wal mata
Alona mi man Israel-lâ 1.1-5
Alona mi ngop suma ngat buzuna 1.6–2.9
Suma Juda-na a mbut suma mbut ir Alona 2.10-16
Alona nga mi mba á ka sariyad’a 2.17–3.5
Suma a nga lop ir Alona kur dima 3.6-12
Alona mba mi we sum mama hohowoziya 3.13-18
Alona mba mi tak ad’eng mamba woyo 3.19-21
Eli mba mi hulongîya 3.22-24
Currently Selected:
Malatchi Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.