Jude Wana ni modo zla d’a kuruta
Wana ni modo zla d’a kuruta
Jude mi b’ir mbaktum ndata nga ni mi tok ka tud’a d’i, wani mi kretiyêna pet. Zla mam mba ded’a ni d’igi Pierre mi b’irit kur 2 Pierre sapitre d’a 2-d’a na. Azi djak a nga d’el suma a nga hat hat ta tchod’a á i suma kur batrangina.
Bugol zla d’a avoka (v1-2), Jude mi dur ayîna ki suma a nga hat hat ta tchod’a kur tokina. Mi de woi mbak ala sariyad’a mba d’i vaziya (v3-16). Mi zut kretiyêna ala a ve tazi ad’enga kur he gagazid’a (v17-23). Mbaktum ndata ti dap zla mata ni ki sawal la giled’a ala: Mam tu nAlo ma sud’i yam Saleina Jesus Christ-sâ na (v24-25).
Mbaktum ndata ti ka sariyad’a yam zla d’a kad’a, wani ti tak ndjunda ki hur ma tinda hi kretiyêna ma a nga tinim yam Alona ki Jesus Christ zlapa ki Muzu’â hAlonina woi mi. t Wana ni wal mata
Zla d’a avoka 1-2
Sunda hi suma a hat ta tchod’ina
ki hat mazid’a ki ba mazi d’a woid’a 3-16
Jude mi zut kretiyêna á ve tazi kur he gagazid’a 17-23
Jude mi b’e vunam kaziya 24-25
Currently Selected:
Jude Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.