2 Tasaloni’â Wana ni modo zla d’a kuruta
Wana ni modo zla d’a kuruta
Kur mbaktum mam mba mbà d’a mi b’irit mi kretiyê suma Tasaloni’îd’a, Paul mi hulong yam hulong nga subura hi Saleinid’a. Kretiyê suma Tasaloni’â a nga ki djib’era yam zla ndata heî. Suma hiuna a dala: Burâ hi Saleinina mi mba wa da’ (2.2). Suma hiuna a noî bei le sunda kayam a djib’er ala hulong mamba ti arî go, wani a hal te mazina nabo suma a nga le sundina (3.6-12). Kayam ndata, Paul mi min á had’azi yam lovot ta d’ingêr ra kur mbaktum ndatid’a.
Paul mi le mersi mAlona yam he gagazid’a ki od’a hi kretiyê suma Tasaloni’îd’a. Mi tchen Alona á ndjunuzi á ve tazi á i avogovok kur sun nda Alona mi yazi kat á led’id’a (1.1-12). Bugola, mi tak hat ta ngol la kur mbaktum ndatid’a woyo, nala, hat ta yam hulong nga subura hi Christ-sa. Mam mba mi hulongî avok bei Ma tchona mi nde woi d’i. Ni mam ma mba mi kak djangûna kAlona ki Christ mamina (2.1-12). Ata yi máma, tchod’a mba d’i zul ngola. Kayam ndata, mbeî kretiyêna a ve tazi ad’enga ngingring kur he gagazi mazid’a, ar tazi d’i tchuk lus á tchen Alona d’uo mi (2.13–3.5). Mi ngop suma azulomba ad’enga, mi dala: Sama min le sunda d’uo na, ar agi hum tena d’i (3.6-15). Bugola, mi b’e vunam kaziya, mi gazi depa mi (3.16-18). t Wana ni wal mata
Zla d’a avoka 1.1-2
Giled’a ki hud’a 1.3-12
Hat ta yam hulonga hi Christ-sa 2.1-17
Zuta á tit tita hi kretiyênid’a 3.1-15
Zla d’a dabid’a 3.16-18
Currently Selected:
2 Tasaloni’â Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.