Romanonan 13

Obedesé esnan ku ta ehersé outoridat

1Tur hende mester someté nan na esnan ku ta ehersé outoridat, pasobra outoridat ta bini di Dios i esnan eksistente tambe ta Dios a pone. 2Ke men ku esun ku bai kontra e outoridat eksistente ta bai kontra loke Dios mes a instituí. I tur esnan ku ta bai kontra e outoridat akí ta pidi kastigu pa nan kurpa. 3Esun ku ta hasi bon, no mester tin miedu di outoridat, pero esun ku ta hasi malu, sí. Bo no ke tin miedu di outoridat? Wèl, hasi loke ta bon i l'e gaba bo! 4Pasobra esnan ku ta ehersé outoridat ta sirbi Dios na bo bienestar. Pero si bo hasi maldat, e ora ei sí tene miedu di dje, pasobra no ta pòrnada outoridat tin poder pa duna kastigu. E ta sirbi Dios pa duna esun ku hasi maldat su kastigu meresí. 5P'esei nos mester someté na outoridat, no solamente pa evitá kastigu, sino tambe pasobra ta un asuntu di konsenshi. 6Pa e motibu akí tambe boso ta paga belasting, ya ku e funshonarionan ta den sirbishi di Dios i ta dediká nan mes na esei. 7P'esei duna kada ken loke e tin derechi riba dje: si ta kontribushon i belasting, pag'é nan; si ta rèspèt i honor, dun'é nan.#Mateo 22:21; Marko 12:17; Lukas 20:25

Amor pa bo ruman

8No debe niun hende nada. Laga amor ta e úniko kos ku boso debe otro. Pasobra esun ku stima su próhimo ta laga nifikashon berdadero di Lei di Moises sali na kla. 9E mandamentunan: ‘No kometé adulterio’,#Éksodo 20:14; Deuteronomio 5:18 ‘no mata’,#Éksodo 20:13; Deuteronomio 5:17 ‘no hòrta’,#Éksodo 20:15; Deuteronomio 5:19 ‘no deseá kos di otro hende’#Éksodo 20:17; Deuteronomio 5:21 i tur otro mandamentu ta kai bou di esun mandamentu akí: ‘Stima bo próhimo manera bo ta stima bo mes.’#Levítiko 19:18 10Esun ku ta stima su próhimo no ta hasié daño, p'esei stima otro ta igual na laga e nifikashon berdadero di Lei di Moises sali na kla.

Kristu su binida ta serka

11Den tur esaki, tene kuenta ku e tempu ku nos ta biba aden i sa ku e ora a yega pa boso lanta for di soño. Pasobra awor akí nos salbashon ta mas serka ku tempu nos a kuminsá kere den e bon notisia. 12Ta lat den anochi kaba i di dia ta serka di habri; p'esei ban pone tur obra di skuridat un banda i bisti armadura di lus. 13Laga nos komportá nos desentemente komo si fuera ta di dia kla. No hiba un bida di paranda i buracheria, inmoralidat seksual i un bida parotin, di pleitamentu i envidia. 14Pero bisti boso mes ku Señor Hesu-Kristu#Efesionan 6:11-17 i stòp di buska pa satisfasé e deseonan malu ku ta bini di boso naturalesa pekaminoso.

Currently Selected:

Romanonan 13: BPK13

Highlight

Copy