Salmo 61
61
SALMO 61
Mi ta leu fo'i Bo, SEÑOR, trese mi bèk serka Bo
Pa maestro di kanto. Ku kompañamentu di instrumèntnan di kuèrdè. Di David.
1O Dios, tende mi gritu,
paga tinu na mi súplika.
2Fo'i rant di mundu mi ta sklama na Bo,
mi kurason ta kai.
Abo hiba mi na e baranka
muchu altu pa mi so,
3pa motibu ku Bo ta mi refugio,
un bastion kontra enemigu.
4Laga mi biba pa semper den bo kas
i skonde bou 'i bo alanan.#Deuteronomio 32:10-11; Salmonan 17:8; 63:7; 91:4
5Abo, Dios, a skucha mi promesanan,
B'a duna mi e tera
ku ta toka esnan ku ta honra Bo.
6Duna rei hopi aña mas di bida;
ku su bida por dura
generashonnan tras di otro.
7Mare e por reina pa semper
den presensia di Dios;
laga bo bondat i fieldat
ta su protekshon.
8E ora ei lo mi kanta pa semper
alabansa di bo nòmber
i lo mi kumpli dia aden dia afó
ku mi promesanan.
Currently Selected:
Salmo 61: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013