Salmo 59
59
SALMO 59
Libra mi di mi enemigunan, SEÑOR
Pa maestro di kanto. Na weis di ‘No destruí’. Di David. Ku stèm mediano. Ora Saul a manda vigilá kas di David pa mat'é.#1 Samuel 19:11
1Libra mi, mi Dios, di mi enemigunan,
protegé mi kontra esnan ku ta ataká mi.
2Libra mi di hasidónan di maldat,
salba mi for di man di asesinonan.
3Mira, nan ta skonde pa ataká mi,
nan ta kontra mi ku tur nan forsa brutu.
Sin ku m'a peka, sin krímen, SEÑOR,
4sin ningun falta di mi banda
nan ta kore yega sera fila.
Lanta! Bin kontra mi i mira
5Abo, SEÑOR, Dios di universo,
kende ta Dios di Israel!
Spièrta, kastigá e paganonan,
no tene piedat dje traidornan.
6Nan ta bini bèk anochi,
nan ta grita manera kachó,
miéntras nan ta lastra den siudat.
7Skucha! Esta boka grandi!
Nan papiá ta manera nabaha,
nan ta pensa: Ken t'ei pa tende?
8Ma Abo, SEÑOR, ta hari nan,#Salmo 2:4
ta hasi mofa di tur e paganonan!
9Mi fortalesa, mi ke fiha riba Bo,
sí, mi tin Dios pa mi fòrti.
10Topa ku mi, o Dios, ku bo fabor,
laga mi mira mi enemigunan kai.
11No dal nan mata ainda,
pa mi pueblo no lubidá;
laga nan dualu, pa bo poder, kaba dal nan,
Abo, Señor, nos Eskudo!
12Na kada palabra di nan boka
nan lepnan ta hasi piká;
laga nan pega den nan mes soberbia.
Pa tur mentira i maldishon ku nan ta papia:
13kaba ku nan den bo furia,
destruí nan pa ningun di nan no sobra.
Pa hende sa ku Dios ta manda den Yakob
i te na puntanan ekstremo di mundu.
14Nan ta bini bèk anochi,
nan ta grita manera kachó,
miéntras nan ta lastra den siudat,
15ta kana rònt buskando kuminda;
si nan no haña basta, nan ta gruña.
16Ma mi ta kanta gloria di bo forsa,
mi ta hubilá bo bondat di mainta.
Bo tabata un fòrti pa mi,
un refugio na ora di mi ansha.
17Mi Fortalesa, lo mi kanta pa Bo:
Dios ta mi fòrti fuerte.
E ta mi Dios bondadoso.
Currently Selected:
Salmo 59: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013